လယ်သမား

မြောက်လေပြာပြာတွေတည်ငြိမ်စီးမြော

ငါချစ်သောလယ်ခင်းကလေးမှာ

အဝါရောင်တွေပွင့်ပြီ

သူ့အတွက်...

ကျောက်မြေကိုငါထွန်ယက်ခဲ့ရ

သူ့အတွက်...

မိုးစက်ကိုငါပေါက်ခွဲခဲ့ရ

အခုတော့...

ငါချစ်သောလယ်ခင်းကလေးမှာ

အဝါရောင်တွေဝေပြီ

မြတ်နိုးခွင့်ကို

လိမ်ကျစ်ထုတ်ပိုးရင်း

ဘယ်သူမှမခိုးအောင်

စောင့်ရှောက်ခဲ့ရတဲ့ညများမှာ

ငါဟာ...

တမျော်တခေါ်အလင်းဝိုးဝါး

ရေတွင်းကလေးလို

ကို့ရင်ထဲက ရေစင်တွေကို

အသံမထွက်အောင်တောင့်ရပ်ထားရတဲ့

1995...

ငါဟာ

ရှက်တတ်တဲ့လယ်သမားကြီးပဲပေါ့

တာရာမင်းဝေ