သဘာဝပေါင်းသတ်ဆေးပြုလုပ်နည်း

ပေါင်းပင်တွေကို လက်နဲ့နှုတ်တာကတော့ ဘေးအကင်းဆုံးနဲ့ စိတ်အချရဆုံးနည်းလမ်းဖြစ်ပါသည်။ သို့သော်လည်း ဧရိယာကျယ်လာတဲ့အခါမှာတော့ အဆင်မပြေနိုင်တော့ပါ။ ထိုအခါ ပေါင်းသတ်ဆေးများကို တီထွင်ကြံဆလာခဲ့ကြပါတော့သည်။ ရွေးချယ်မဲ့ပေါင်းသတ်ဆေး၊ရွေးချယ်ပေါင်းသတ်ဆေး၊ပေါင်းအုပ်ဆေး စသဖြင့်စသဖြင့်။ 

ယခုတစ်ပါတ်မှာတော့…ရွေးချယ်မဲ့ပေါင်းသတ်ဆေးကို စားဖိုဆောင်သုံးပစ္စည်းများနဲ့ အိမ်တွင်းဖြစ်ပြုလုပ်နည်းကို တင်ပြပေးပါရစေ။ 

ပါဝင်ပစ္စည်းများ- 

ရှာလကာရည်- ၁ ဂါလံ 

ဆား-၂၀ကျပ်သားခန့် 

ပန်းကန်ဆေးဆပ်ပြာ-ထမင်းစားဇွန်း-၁ဇွန်း 

ပထမဦးစွာ ရှာလကာရည်ထဲမှာ ဆားကိုထည့်၍ ဆားများပျော်ဝင်သွားသည်ထိ မွှေပါ။ ထို့နောက် ပန်းကန်ဆေးဆပ်ပြာကို ထည့်၍ မွှေပြီးနောက် ပေါင်းပင်များကို ပက်ဖြန်းနိုင်ပါပြီ။ 

ပေါင်းပင်ငယ်လေးများမှ စုပ်ယူပြီး တစ်ပါတ်အတွင်း သေနိုင်ပါသည်။