ခရမ်းချဉ်နှောင်းပင်နာကျရောဂါ

ရောဂါဖြစ်စေသောသက်ရှိမှာ Phytophthora infestans မှိုဖြစ်ပါတယ်။ ရွက်မွှာများ၏ အစွန်းတစ်လျှောက်တွင် ရေစိုနာကွက်များဖြစ်ပေါ်ပြီး အရွက်အောက်မျက်နှာပြင်တွင် အဖြူရောင်မှိုများကိုတွေ့ရပါတယ်။ အရွက်များညှိုးနွမ်းကာ သေသွားပြီးနောက်တွင် မှိုရောဂါသည် ရွက်ရိုးနှင့် ပင်စည်များပေါ်သို့ပျံ့နှံ့သွားပြီး အပင်တစ်ပင်လုံးသေဆုံးသွားသည်အထိဖြစ်စေပါတယ်။ အသီးတွေမှာလည်း ဆီစွန်းကွက်တွေဖြစ်စေတဲ့အတွက် ရောင်းတန်းမဝင်တဲ့ အသီးများကို ရစေနိုင်ပြီး အထွက်နှုန်းကို ထိခိုက်စေနိုင်ပါတယ်။ ဤမှိုရောဂါဟာ အေးမြပြီးစိုစွတ်သောရာသီဥတုမျိုးမှာ လျှင်မြန်စွာဖွံ့ဖြိုးတဲ့ရောဂါတစ်မျိုးလည်းဖြစ်ပါတယ်။ ထို့ကြောင့် ယနေ့မှာတော့ ခရမ်းချဉ်စိုက်ခင်းတွေမှာ နှောင်းပင်နာကျရောဂါကျရောက်ခဲ့ရင် တွေ့ရတဲ့လက္ခဏာတွေနဲ့ ကာကွယ်နှိမ်နင်းနည်းတွေကို ပုံနဲ့တကွဖော်ပြပေးလိုက်ပါတယ်ခင်ဗျာ။