တစ်ပတ်စာ မိုးလေဝသခန့်မှန်းချက်နှင့် အကြံပြုချက် (ရန်ကုန်တိုင်းဒေသကြီး)

ရန်ကုန်တိုင်းဒေသကြီးရှိ တွံတေးမြို့နယ်၊ သန်လျင်မြို့နယ်၊ ကျောက်တန်းမြို့နယ်

ရန်ကုန်တိုင်းဒေသကြီးအတွင်းရှိ ဖော်ပြပါ မြို့နယ်များတွင် ၂ဝ၂၄ ခုနှစ်၊ မေလ (၆) ရက်နေ့မှ (၁၂) ရက် နေ့အထိ တစ်ပတ်တာခန့်မှန်းချက်အနေဖြင့် မေလ (၁၀) ရက်နှင့် (၁၁)ရက်နေ့များ၌ မိုးရွားရန် (၂၅)ရာခိုင်နှုန်းရှိပြီး ကျန်ရက်များတွင် ရွာရန် (၁၀)ရာခိုင်နှုန်းအောက်သာရှိပါကြောင်း သတင်းပါးလိုပါတယ် ခင်ဗျာ။

စပါးဆစ်ပိုး အဖျက်မျိုးကို ထိထိရောက်ရောက် ကာကွယ်နည်းများ

----------------------------------------

- အပင်ပေါက်အရွယ်ကစလို့ အပင်ကြီးဖြစ်တဲ့အထိ အပင်ရဲ့ကြီးထွားမှု အဆင့်တိုင်းမှာ နွေစပါးခင်းကို ဖျက်ဆီးတတ်ပါတယ်။

ဖျက်ဆီးမှု လက္ခဏာများ

- ဖလံကောင်အဆင့်မှာ အဝါရောင်ရှိပြီးတော့ အတောင်တွေမှာ အမဲစက်များရှိပါတယ်။

- လောက်ကောင်အဆင့်မှာ ပင်စည်ထဲမှာ တွေ့ရတတ်ပြီး ပင်စည်ကို စားသောက်ဖျက်ဆီးတတ်တယ်။

- ပင်ပိုင်းကြီးထွားတဲ့ အဆင့် မှာဆို ပိုးကျနေတဲ့အပင်ဟာ ဆွဲနူတ်မယ်ဆိုရင် အရင်းကနေ အလွယ်တကူ ပြတ်သွားတတ်ပါတယ်။ ဒါကို အလယ်အူတိုင် ပုပ်ခြင်း (အူပုပ်ရောဂါ) လို့ ခေါ်ပါတယ်။

- နောက်ဆုံးမှာ စပါးနှံသည် အစေ့အဆန် မတည်နိုင်ပဲ အနှံဖြူနေခြင်းကို တွေ့ရပါသည်။ ဆစ်ပိုးအမ အကောင်ကြီးအဆင့် လောက်ကောင်အဆင့်

မိုးစပါးတွင် ကျရောက်တတ်သော စပါးဆစ်ပိုးကို နှိမ်နင်းခြင်းမိုးစပါးခင်းကို စပါးဆစ်ပိုးရန်က ကာကွယ်ဖို့ အောက်မှာ ဖေါ်ပြထားတဲ့ လမ်းညွှန်ချက်တွေကို လိုက်နာသင့်ပါတယ်။

- စပါးဆစ်ပိုးဒဏ်ကို ခံနိုင်ရည်ရှိတဲ့ “ဧရာမင်း” လို စပါးမျိုးကို ရွေးချယ် စိုက်ပျိုးသင့်ပါတယ်။

- ပျိုးပင်အဆင့်နဲ့ ရွေ့ပြောင်း စိုက်ပျိုးဆဲ အဆင့်တွေမှာ ပိုးကောင်ရဲ့ ဥတွေကို ဖယ်ရှား ဖျက်ဆီးဖို့ အရွက်ထိပ်တွေကို ဖြတ်ပစ်ပါ။

- နိုက်ထရိုဂျင် ပါဝင်တဲ့ ဓာတ်မြေသြဇာတွေ အလွန်အကျွံ သုံးစွဲတာကို ရှောင်ကြဉ်ပါ။

- တမာကြိတ်ဖတ် ကို တစ်ဧကလျင် ၄၂ မှ ၅၀ ဂရမ် သုံးစွဲပေးပါ။

- တစ်ဧကလျင် မီးထောင်ခြောက် ၂ ခုစီ ထားပေးပါ။

- တတ်နိုင်သလောက် ဘေးပတ်ဝန်းကျင်က စပါးကွင်းများနှင့် ညီအောင် အချိန်ကိုက် စိုက်ပျိုးပေးပါ။

- ပင်ပွားစည်းချိန်နှင့် ဖုံးတုံးလုံးတုံး အချိန်တွင် ထရိုက်ဂို ဂရားမား နဂျီကို စိုက်ခင်းထဲသို့ လွှတ်ပေးရမည်။ နဂျီဥကတ် (၁) ကတ်တွင် နဂျီကောင်ပေါင်း (၁၀၀၀) ပါသည်။ စပါးခင်း တစ်ဧကတွင် နဂျီဥကတ်ပေါင်း (၄၀)ကို (၃) ကြိမ်လွှတ်ပေးရမည်။ ( မိမိတို့ ဒေသရှိ နီးစပ်ရာ စိုက်ပျိုးရေး ရုံးများတွင် နဂျီဥကတ်ကို စုံစမ်း မေးမြန်းနိုင်သည်)

- စပါးဆစ်ပိုးရန်က ကာကွယ်ဖို့ လယ်ယာ စိုက်ပျိုးရေးနှင့် ဆည်မြောင်း ဝန်ကြီးဌာနက ဈေးကွက်ထဲမှာ အလွယ်တကူ ဝယ်ယူ သုံးစွဲနိုင်တဲ့ ပိုးသတ်ဆေးတွေကို အကြံပြု တိုက်တွန်းထားပါတယ်။

- ရေ ၄ ဂါလံဝင် ဆေးဖြန်းပုံး တစ်ပုံးလျှင် ကာတက် (၉၅%) (Cartap 95% SP)၊ စားပွဲတင်ဇွန်း( ၃ )ဇွန်း၊ တစ်ဧကလျှင် ဆေးဖျန်းပုံး (၄-၅) ပုံး၊

-ရေ ၄ ဂါလံဝင် ဆေးဖြန်းပုံးတစ်ပုံးလျှင် ကလိုရမ် ထရန်နီလီပိုး+ သိုင်ရာမီသိုဇမ် (Chlorantraniliprole+Thiamethoxam 40%WG ) (၃) ဂရမ် အထုပ်သေးတစ်ထုပ်ကို အသုံးပြုပေးပါ။

- တစ်ဧကလျှင် ဆေးဖျန်းပုံး (၄-၅) ပုံး၊ (သို့မဟုတ်) ရေ ၄ ဂါလံဝင် ဆေးဖြန်းပုံး တစ်ပုံးလျှင် ဖလူဗန်ဒိုင်ရာမိုက် (Flubendiamide 240% WG )၊ စားပွဲတင်ဇွန်း(ဇွန်းဝက်-၁)ဇွန်း၊

- တစ်ဧကလျှင် ဆေးဖျန်းပုံး (၄-၅) ပုံး၊ (သို့မဟုတ်) ကာဗွန်ဖျုရမ် (Carbofuran) တစ်ဧကလျှင် (၅) ကီလိုဂရမ် (သို့မဟုတ်) ကာတက် ဟိုက်ဒရို ကလိုရိုက် ရေ ၄ ဂါလံဝင် ဆေးဖြန်းပုံး တစ်ပုံးလျှင် စားပွဲတင်ဇွန်း(၂-၄)ဇွန်း၊ တစ်ဧကလျှင် ဆေးဖျန်းပုံး (၄-၅) ပုံး၊ အသုံးပြုနိုင်သည်။ ဒါမှမဟုတ် ဈေးကွက်အတွင်း ဝယ်ယူရရှိနိုင်တဲ့ ပိုးသတ်ဆေးထုတ်များမှာ ပါရှိတဲ့ မြန်မာစာအညွှန်းအတိုင်း အသုံးပြုနိုင်ပါတယ်။ (မြန်မာစာ ဆေးညွှန်းကို သေချာစွာ ဖတ်ရှုပြီး လိုက်နာ ဆောင်ရွက်ပေးပါ)

ငါး/ပုဇွန် ကန်များအတွက်အကြံပြုချက်

ရာသီဥတု ပူလာပြီဖြစ်သည့်အတွက် အောက်ပါအချက်တွေဆောင်ရွက်ဖို့ အကြံပြုတိုက်တွန်း လိုပါတယ် ခင်ဗျာ။

ငါးကြီးမွေး ငါးကန်များအတွက် အကြံပြုချက်

• ကန်အတွင်း ရေအပူချိန်ကို လျော့ချပေးရန်၊
• ကန်အတွင်း ငါးများပြွတ်သိပ်နေမှုကိုလျော့ချရန် partial-harvest တစ်ဝက်တစ်ပျက် ကန်ဖော်ြခင်းကို ဆောင်ရွက်ရန်၊
• အကယ်၍ ရေလွယ်ကူပါက ကန်အတွင်း ရေထည့်ပေးရန်၊
• ငါးများ stress အပူဒဏ်ဖိစီးမှုများမဖြစ်စေရန် ရေအပူချိန်ကျအောင် ဖန်တီးပေးရန်၊

Nursery မျိုးငါးကန်များအတွက် အကြံပြုချက်

• ကန်အတွင်းရေကို အနိမ့်ဆုံး ၃ ပေခွဲအထိ ထားပေးရန်၊
• ရေဖြန်းစနစ်ကို သုံးပေးရန်၊
• အစာကို တက်နိုင်သမျှလျော့ချပေးရန်၊
• ကန်၏ ဧရိယာ တစ်ဝက်ခန့်ကို အရိပ်ရအောင် ဆောင်ရွက်ပေးရန်၊
• ရေဩဇာအရမ်းတက်နေပါက (ရေအစိမ်းရင့်ရောင်)ဖြစ်နေပါက အပေါ်ရေကို ၆ လက်မ လျော့ပြီး ရေပြန် သွင်းရန် တနည်းအားဖြင့် ရေကို အစိမ်းနုရောင်ဖြစ်အောင် ဖန်တီးပေးရန်၊

Weather Source: CIAT

------------------

ငါးမွေးမြူရေးနှင့်ပတ်သတ်သောဆောင်းပါးများ၊ မွေးမြူရေးနည်းလမ်းများ၊ ငါးမွေးမြူရာတွင်သိထားသင့်သော အချက်များကို ပိုမိုလေ့လာလိုပါက

ထွက်တိုးစိုက်မွေးဖုန်းဆော့ဝဲ -https://htwettoe.com/download

ထွက်တိုး၏စီးပွားဖြစ်ငါးမွေးမြူရေးအဖွဲ့ - https://www.facebook.com/groups/4200052776702483

တွင် လေ့လာနိုင်ပြီး ဝင်ရောက်ဆွေးနွေး နိုင်ပါကြောင်းသတင်းကောင်းပါးအပ်ပါသည် ခင်ဗျာ။