ခူးတိုင်းဒေသကြီး အတွက် ၁၀ ရက်စာ မိုးလေဝသခန့်မှန်းချက်နှင့် ပေါင်းအန္တရာယ်အကြံပြုချက်

၂ဝ၂၄ ခုနှစ်၊ ဇူလိုင်လ (၂) ရက်နေ့မှ (၁၁) ရက် နေ့အထိ ၁၀ရက်တာ မိုးလေဝသ ခန့်မှန်းချက်အနေဖြင့်  

မိုးညိုမြို့နယ်မှာ ဇူလိုင်လ (၃) ရက် မှ (၅) နေ့အထိ မိုးရွာရန် (၉၀) ရာခိုင်နှုန်း ပတ်ဝန်းကျင်မှာ ရှိနိုင်ပါတယ်။ ဇူလိုင်လ ၂၊၇၊၈၊၁၀၊၁၁ ရက်နေ့များတွင် မိုးရွာရန် ၆၁-၇၈ ရာခိုင်နှုန်းရှိပြီး ကျန်သောရက်များမှာ ၅၅ ရာခိုင်နှုန်း အောက်တွင် ရှိနိုင်ပါသည်။ အမြင့်ဆုံးအပူချိန်မှာ ၃၂.၇°C ရှိနိုင်ပြီး အနိမ့်ဆုံးအပူချိန်မှာ ၂၄.၆°C  ရှိနိုင်ပါသည်။ 

လက်ပံတန်းမြို့နယ်မှာဇူလိုင်လ (၂) ရက်နေ့မှ (၅) ရက်နေ့အထိ မိုးရွာရန် (၉၂) မှ (၉၉) ရာနှုန်းထိ ရှိနိုင်ပါတယ်။ ဇူလိုင်လ (၆)ရက် မှ (၁၁) နေ့ စသော ရက်များတွင် မိုးရွာရန် ၇၄ ရာခိုင်နှုန်း အောက်မှာရှိနိုင်ပြီး အပူချိန်အနေဖြင့် အနိမ့်ဆုံး အပူချိန် ၂၃.၅ °C မှ အမြင့်ဆုံးအပူချိန် ၃၁.၂°C ထိရှိနိုင်ပါတယ်။  

သာယာဝတီမြို့နယ်မှာ ဇူလိုင်လ (၂) ရက်နေ့မှ (၅) ရက်နေ့အထိ မိုးရွာရန် (၉၂) မှ (၉၉) ရာနှုန်းထိ ရှိနိုင်ပါတယ်။ ဇူလိုင်လ (၆)ရက် မှ (၁၁) နေ့ စသော ရက်များတွင် မိုးရွာရန် ၇၄ ရာခိုင်နှုန်း အောက်မှာရှိနိုင်ပါတယ်။ အပူချိန်အနေဖြင့် အပူချိန်အနေဖြင့် အနိမ့်ဆုံး အပူချိန် ၂၃.၈ °C မှ အမြင့်ဆုံးအပူချိန် ၃၁.၂°C ထိရှိနိုင်ပါတယ်။  

စပါးစိုက်တောင်သူများသို့ အကြံပြုချက် 

ပထမပတ်တွင်မိုး ရွာသွန်းနိုင်ခြေများနိုင်ပြီးဒုတိယအပတ်မှာတော့ မိုးရွာနိုင်ခြေအနည်းငယ်လျော့ကျနိုင်ပါတယ်။  

မိုးကာလဖြစ်ခြင်း၊ မိုးဆက်လက်ရွာသွန်းခြင်းတို့ကြောင့် ပေါင်းပင်အန္တရာယ်ကျရောက်နိုင်တာကြောင့် ပေါင်းမြက်ဂရုစိုက်ကြဖို့ သတိပေးလိုက်ပါတယ်ခင်ဗျာ။  

စပါးခင်း ပေါင်းဘယ်လိုရှင်းမလဲ  

စိုက်ပျိုးပြီး ၁၅ -၂၅ ရက်သားအတွင်းပေါင်းနှိမ်နင်းပါ။  

မြေသြဇာမကျွေးခင် ပေါင်းသင်ပေးပါ။  

ပေါင်းအမျိုးအစားကို မှန်ကန်အောင် ခွဲခြားပြီး မြန်မာစာ အညွှန်းပါတဲ့ တရားဝင် ပေါင်းသတ်ဆေးကို သုံးပါ။  

ဥပမာ - စပါးစိုက်ခင်းရှိ မြက်မျိုးနွယ်ဝင်၊ မြက်မုန်ညှင်း မျိုးနွယ်ဝင်နှင့် ရွက်ပြန့်ပေါင်းများ အတွက် Fenoxaprop-p-ethyl 13%(ဖီနောက်ဇာပရော့ပီအီသိုင်း)+ Quinclorac 50%(ကွင်ကလိုရတ်) + Pyrazosulfuron ethyl 7%(ပိုင်ရာဇိုဆာဖျူရွန်အီသိုင်း) ရေ ၄ဂါလံတစ်ပုံးတွင် ၄၀ ဂရမ်ထည့်သွင်းပြီး တစ်ဧက လျှင် ၂၀၀ ဂရမ် အသုံးပြုပါ။  

-(သို့မဟုတ်) ကွင်ကလောရပ် + ဘန်ဆာဖျူရမ် မီသိုင်း Quinchlorac + Bensulfuron methyl 40% WP ကို ဆေးဖျန်းပုံးတစ်ပုံးလျှင် စားပွဲတင်ဇွန်း ၆ဇွန်းနှုန်း လယ်တစ်ဧကလျှင် ဆေးဖျန်းပုံး ၅ပုံးနှုန်းဖျန်းပါ။  

မြက်မျိုးရင်းဝင်ပေါင်းများအတွက် ဆိုင်ဟေလိုဖော့ ဗျူတိုင်း Cyhalofop-butyl 10% EC ကို ရေ၄ဂါလန်ဝင် ဆေးဖျန်းပုံးတစ်ပုံးလျှင် စားပွဲတင်ဇွန်း ၇ ဇွန်းနှုန်း လယ်တစ်ဧကလျှင် ဆေးဖျန်းပုံး ၅ပုံးနှုန်းဖျန်းပါ။ ဆေးမဖြန်းခင် စပါးခင်းကို ရေထုတ်ပေးရပါ။ ပေါင်းသတ်ဆေး မဖျန်းခင်နဲ့ ဖျန်းပြီး ရက်အနည်းငယ်အကြာမှာ ပုလဲဓာတ်မြေသြဇာ မသုံးသင့်ပါဘူး။  

ရွက်ဝိုင်းပေါင်းများအတွက် စပါး ၂၀-၂၇ ရက်သားဝန်းကျင်မှာ တူးဖိုးဒီ သုံးပေးပါ။ တစ်ဧကကို ၃၀၀-၅၀၀စီစီနှုန်းသုံးပါ။ တောင်သူအကြံပေးဖုန်း ၀၉၉၇၇၉၁၀၀၀၀ ကိုဆက်သွယ်ပြီးအကြံဉာဏ်များ အသေးစိတ်ထပ်မံရယူနိုင်ပါတယ်ခင်ဗျာ။ 

ငါး/ပုဇွန် ကန်များအတွက်အကြံပြုချက်  

မိုးရွာသွန်းမည်ဖြစ်ပါသဖြင့် အောက်ပါအချက်တွေ ဆောင်ရွက်ဖို့ အကြံပြု တိုက်တွန်း လိုပါတယ် ခင်ဗျာ။  

-မိုးဆက်လက်ရွာသွန်းမည်ဖြစ်ပါ၍ မိမိတို့၏ ကန်များ ရေမလျှံအောင်ဆောင်ရွက်ရန်၊  

-ကန်ဘောင်ထိပ်မှ အောက်ဘက် ၆ လက်မ အကွာတွင် ရေထုတ်မြောင်းထားရှိရန်၊  

-ပြင်ပမှ ရေစီးနှင့်အတူ ငါးရိုင်းများ မဝင်ရောက်နိုင်ရေး ဆောင်ရွက်ထားရှိရန်၊  

-ရေထုတ်မြောင်းများကို စနစ်တကျဆောင်ရွက်ထားရန်၊  

-ကန်ရေစစ်များတပ်ဆင်ထားရန် တိုက်တွန်းလိုက်ပါတယ် ခင်ဗျာ။  

Weather Source: CIAT  

စိုက်ပျိုးရေး/မွေးမြူရေးပြဿနာများကို အဖြေရှာရန်၊ ဆွေးနွေးတိုင်ပင်လိုပါက ထွက်တိုး တောင်သူအကြံပေးဖုန်း ၀၉၉၇၇၉၁၀၀၀၀ ကိုဆက်သွယ်နိုင်ပါတယ်နော်။ စိုက်ပျိုးရေး/မွေးမြူရေးပြဿနားများကို အဖြေရှာလိုပါက ထွက်တိုး ဖုန်းဆော့ဝဲရှိပါတယ်နော်။  

လေ့လာနိုင်ရန်_ https://htwettoe.com/post/49569  လင့် နှိပ်ပါ။