ဆီထွက်သီးနှံ (မြေပဲ) တွင်အဓိကျရောက်သောဖျက်ပိုးများနှင့်ကာကွယ်နှိမ်နင်းနည်းများ

၁။ မြေပဲရွက်လိပ်ရွက်ကပ်ပိုး (Groundnut leaf miner and binder) 

(၁) ပဲမျိုးရင်းဝင်မဟုတ်သောအပင်များဖြင့် သီးလှည့်စိုက်ပျိုးပါ။ 

(၂)စိုက်ချိန်စောစိုက်ပါ။ 

(၃)ပဲလွန်းအားထောင်ချောက်သီးနှံအဖြစ်တွဲဖက်စိုက်ပျိုးပါ။ (၄)မီးထောင်ချောက်၊ဖီရိုမုန်းထောင်ချောက်၊အဝါရောင်ပိုးဖမ်းထောင်ချောက် များ အသုံးပြုပါ။ 

(၅) ပေါင်းပင်များ၊ ပင်ကြွင်းပင်ကျန်များအားမီးရှို့ဖျက်ဆီးပါ။ (၆) ပင်လုံးပြန့်အာနိသင်ရှိသောပိုးသတ်ဆေး တစ်မျိုးမျိုးကို ဆေးညွှန်း အတိုင်း နှံ့နှံ့ စပ် စပ် အလှည့်ကျပက်ဖျန်းပါ။ 

• ဒိုင်မီသိုအိတ် (Dimethoate) 
• အက်စီတာမီပရစ် (Acetamiprid) အဆီဖိတ် (Acephate) 
• သိုင်ရာမီသိုဇမ် (Thiamethoxam) 

၂။ ဖိုးလမင်းကျိုင်း (White grub) 

(၁) စိုက်ပျိုးနည်းစနစ်များဖြင့် ကာကွယ်နှိမ်နှင်းခြင်း 

• * နှံစားပြောင်း၊ ပြောင်း၊ ကြက်သွန်နီ စတဲ့ ထောင်ချောက်ပင်များကို စိုက်ပျိုးခြင်းဖြင့် ဖိုးလမင်းကျိုင်း ကျရောက်မှုကို လျှော့ကျစေနိုင်ပါတယ်။ 
• * မြေပြင်ချိန်တွင် တမာကြိတ်ဖက်ထည့်သွင်းနိုင်ပါတယ်။

(၂) ဇီဝနည်းဖြင့် ကာကွယ်နှိမ်နှင်းခြင်း 

• ကပ်ပါး နဂျီကောင်၊ ကပ်ပါး ယင်ကောင်၊ ကပ်ပါး မှိုစတဲ့ သဘာဝ မိတ်ဆွေပိုးများနဲ့ ဖိုးလမင်းကျိုင်းများကို နှိမ်နင်းနိုင်ပါတယ်။ စိုက်ပျိုးရေးဝန်ထမ်းများကို ဆက်သွယ်ပြီး သင့်တော်သည့် ဇီဝကပ်ပါးကောင်များကို ရွေးချယ်ကာ စိုက်ခင်းအတွင်း လွှတ်ပေးခြင်းဖြင့်လည်း ဖိုးလမင်းကျိုင်းများကို နှိမ်နင်းနိုင်ပါတယ်။ 

(၃) ဘက်စုံကာကွယ်နှိမ်နှင်းခြင်း နည်းစနစ်များ 

• * အပင်များကို လှုပ်ခါယမ်းပြီး မြေပေါ်ကျလာတဲ့ အရွယ်ရောက် ကျိုင်းကောင်များကို ကောက်ယူဖျက်ဆီးပေးပါ။ 
• * ညအချိန်မှာ မီးထောင်ချောက်များနဲ့ အရွယ်ရောက် ကျိုင်းကောင်များကို မျှားခေါ်ပြီး ဖယ်ရှားနှိမ်နင်းနိုင်ပါတယ်။ 
• * စိုက်ခင်းကို ပေါင်းကင်းရှင်းအောင် ထားပါ။ 
• * သီးလှည့်စိုက်စနစ်ကို အသုံးပြုပေးပါ။ 
• * စိုက်ခင်းကို ထယ်ရေးနက်နက်နှင့် ထွန်းရေးညက်အောင် မြေပြုပြင်ပါ။ မိုးရာသီလယ်မြေများတွင် ဘောင်စနစ်ဖြင့် စိုက်ပျိုးသင့်ပါသည်။ 
• ဓာတုနည်းဖြင့် ကာကွယ်နှိမ်နှင်းခြင်း 
• စိုက်ပျိုးမြေပြုပြင်ချိန်ကတည်းက Thiamethoxam, Dinotefuran, Fipronil ထည့်ပြီးမြေပြုပြင်ပါ။ (မြန်မာစာဆေးညွှန်းကို သေချာဖတ်ပြီး လိုက်နာဆောင်ရွက်ပေးပါ) 

၃။ ငမြောင်တောင် ( Armyworm) 

(၁)မီးထောင်ချောက်များတစ်ကွင်းတစပ်တည်းထွန်းပါ။ 

(၂)စိုက်ခင်းတစ်ကွက်မှ တစ်ကွက်မကူးနိုင်ရန် (၁-၂)ပေအကျယ်မြောင်းတူး၍ မြောင်းအတွင်း ကျနေသော ပိုးလောက်ကောင်များ ရှာဖွေဖျက်ဆီး ပါ။ 

(၃) အရွက်အောက်တွင်ရှိသော ဥအစုများ၊ အကောင်ငယ်များကို ဖျက်ဆီး ပစ်ပါ။ 

(၄) ထိသေ၊ စားသေပိုးသတ်ဆေးများ အားညနေပိုင်းတွင်ပက်ဖျန်းပါ။  

ဖလူဗန်ဒိုင်ရာမိုက် (Flubendiamide) 

အီမာမက်တင်ဘန်ဇိုရိတ်+ လန်မ်ဒါဆိုင်ဟေလိုသရင်(EmamectinBenzoate + Lambda-cyhalothrin) 

ဆိုက်ပါမီသရင် (Cypermethrin) 

ကိုးကား- စိုက်ပျိုးနည်းပညာ၊ www.doa.gov.mm 

၄။ လှေးပိုး (Thrips) 

(၁)အပြာရောင်ပိုးဖမ်းထောင်ချောက်အားတစ်ဧကလျှင်(၃)ခုအသုံးပြုဖမ်းယူပါ။ 

(၂) မီးခိုးမှိုင်းတိုက်ပါ။ 

(၃)ပင်လုံးပြန့်ပိုးသတ်ဆေးများအား ဆေးညွှန်းအတိုင်းနှံ့နှံ့စပ်စပ်အလှည့်ကျပက်ဖျန်းပါ။ 

ဒိုင်မီသိုအိတ် (Dimethoate)၊  

အက်စီတာမီပရစ် (Acetamiprid)  

ဒိုင်နိုတီဖျူရမ် (Dinotefuran)  

စပီရိုတက်ထရာမက်(Spirotetramat) 

ကလိုဖီနပြာ (Chlofenapyr)