ငါးမျိုးစပ်ဆေးဖျော်နည်း

• လိုအပ်သော ပစ္စည်းများ
• နွားသေး - ၁၀ လီတာ
• နွားချေးအစို - ၆၀ ကျပ်သား
• တမာရွက် - ၆၀ ကျပ်သား
• လသာရွက် - ၆၀ ကျပ်သား
• သြဇာရွက် - ၆၀ ကျပ်သား
• ကြက်ဆူရွက် - ၆၀ ကျပ်သား
• ပဒိုင်းရွက် - ၆၀ ကျပ်သား

ပြုလုပ်ပုံ

• ပါဝင်သော အရွက် (၅)မျိုးလုံးအား နုတ်နုတ်စင်းပါ။ နွားသေးနှင့် နွားချေးတို့အား အရင်ထည့်၍ မီးဖိုပေါ်တင်ပါ။ပြီးနောက် စင်းထားသော အရွက် (၅) မျိုးအား ရော ထည့်ပြီး ကျိုရပါမည်။ ကျိုချက်ချိန်၌ အဖုံးကို ပိတ်ထားရပါမည်။ ကျိုချက်ချိန် နာရီဝက်ခန့် ကျိုရပါမည်။ ကျိုချက်ပြီးနောက် မီးဖိုပေါ်မှ ချကာ အအေးခံ ထား ရပါမည်။ ၎င်းနောက် ၂ ရက်ခန့် ထားပြီး အနည်ကျအောင် တိမ်ထားရပါမည်။
• ပြီးလျှင် စစ်ကျရေကို သန့်စင်သော ဘူး၊ ပုလင်းများဖြင့် သိုလှောင် သိမ်းထား နိုင်ပါ သည်။ ၎င်းစစ်ကျရေများကို ၄ - ၆ လ အထိ သိုလှောင် သိမ်းထား နိုင် ပါသည်။
• နှုန်းထား- တစ်ဧကလျှင် ၅-၆ လီတာ ကို ရေ ၂၀၀ လီတာနှင့် ရောပြီး ပက်ဖျန်း နိုင်ပါသည်။ သတိပြုရန်မှာ တစ်ပင်လုံး နှံ့စပ်စွာ စိုစွတ်နိုင်စေရန် ဇိမ်တည်၍ ဖျန်း ပေးရပါမည်။
• မှတ်ချက် ။ ။ စုပ်စားပိုး အမျိုးအစားများနှင့် သီးလုံးဖောက်ပိုးများအတွက် အသုံး ပြုနိုင်ပါသည်။
• အိန္ဒိယနိုင်ငံသား စိုက်ပျိုးရေး ပညာရှင်များမှ ပို့ချသော သင်တန်းမှ ထုတ်နှုတ်ပြန်ဆိုပြီး လက်တွေ့လုပ်ဆောင်ဖူးသော နည်းပညာဖြစ်ပါသည်။