ဝါးရုံပြုပြင်ခြင်း နှင့် မျှစ်များကိုစနစ်တကျရိတ်သိမ်းခြင်း

ဝါးရုံပြုပြင်ခြင်း 

ဝါးမျှစ်သည်လည်း ဟင်သီးဟင်းရွက်စားသုံးသီးနှံများကဲ့သို့ပင် စနစ်တကျုပြုပြင်ထိန်းသိမ်းရန်လိုအပ်ပါသည်။ ထိုကဲ့သို ပြုပြင်ထိန်းသိမ်းခြင်းအားဖြင့် အရည်အသွေးကောင်းသော မျှစ်များကို ထုတ်လုပ်နိုင်မည်ဖြစ်ပြီး ပြည်တွင်းဈေးကွက်တွင် သာမက ပြည်ပဈေးကွက်အထိပါဈေးကွက်ချဲ့ထွင် တင်ပို့ရောင်းချနိုင်မည်ဖြစ်သည်။ ဝါးရုံများကို ပြုပြင်ထိန်းသိမ်းခြင်း မပြုလုပ်ပါက ရေရှည်တွင် ဝါးအရင်းအမြစ်များဆုတ်ယုတ်လာမည်ဖြစ်ပြီး ဝါးမျှစ်ထုတ်ယူနိုင်မှု ပမာဏမှာလျော့နည်းလာမည် ဖြစ်ပြီး အရည်အသွေးများလည်းကျဆင်းလာမည်ဖြစ်ပါသည်။ ဝါးရုံထိန်းသိမ်းပြုပြင်နည်း များစွာရှိသော်လည်း အခြေခံကျသောနည်းများဖြင့် စတင်ရန်လိုအပ်ပါသည်။ မျှစ်ကို စီးပွားဖြစ်ထုတ်လုပ်ရောင်းချမည်ဆိုပါက မှန်ကန်သော ဝါးမျိုးစိတ်များရွေးချယ်၍ ဝါးစိုက်ပျိုးရေးခြံများ တိုးချဲ့ စိုက်ပျိုးရန်လိုအပ်ပါသည်။ ထိုမှသာဈေးကွက်ဝင်သော၊ အရည်အသွေးကောင်းသော၊ လုံလောက်သော အရေအတွက်ပမာဏ ထုတ်လုပ်နိုင်မည်ဖြစ်သည။ မျှစ်ထုတ်လုပ်နိုင်သည့် ဝါးအမျိုးအစားတွင် ချိုသောအရသာနှင့် ခါးသက်သောအရသာဟူ၍ ခွဲခြားသတ်မှတ် စိုက်ပျိုးထုတ်လုပ်ကြသည်။ 

 မျှစ်များကိုစနစ်တကျရိတ်သိမ်းထုတ်လုပ်ခြင်း 

ဝါးသည်မည့်သည့် တခြားသီးနှံများ သစ်ပင်များမပေါက်ရောက်နိုင်သည့် မြေတွင်လည်း ကောင်းစွာရှင် သန်နိုင်သည်။ 

မျှစ်ထုတ်လုပ်ရန်အတွက် ဝါးစိုက်ပျိုးပါက ပင်ကြား (၁၅ပေ) နှင့် တန်းကြား (၁၅ပေ) ထားရှိရမည်။ 

ဝါးစိုက်ပျိုးပြီး (၃) နှစ်သားအထိ ထားရှိရမည်ဖြစ်ပြီး မျှစ်စို့များစတင်ထွက်ရှိသည့် ဧပြီ၊ မေလများတွင် ဝါးရုံ များကို ပထမဝါးဆစ်ရောက်သည်အထိ မြေဖို့တင်ပေးရမည်ဖြစ်သည်။ ဇူလိုင်လ အရှေ့ပိုင်းထွက်ရှိလာသောမျှစ်များသည် အရေအတွက်နည်းပါးပြီး သန်မာကောင်းမွန်သောကြောင့် ဝါးရုံ သန်မာကြီးထွားရေးအတွက် ထားရှိရမည်ဖြစ်ပြီး ဇူလိုင်လနောက်ပိုင်းထွက်သောမျှစ်စို့များကိုသာ ရိတ်သိမ်းသင့်ပါသည်။ 

မနုမရင့်သောမျှစ်များကို အရင်းမှ ရိတ်သိမ်းရမည်ဖြစ်သည်။ 

မျှစ်များရိတ်သိမ်းပြီးစီးသည့်အခါတွင် ဝါးရုံသန့်ရှင်းရေးပြုလုပ်၍ဝါးရွက်ဆွေးများ၊ မြေဆွေးများ၊ ကောက်ရိုး များကို ဝါးရုံတွင်ဖုံးအုပ်ပေးခြင်းများပြုလုပ်ပါက မျှစ်စို့ထွက်မှုမှာ သိသိသာသာတိုးတက်လာမည် ဖြစ်ပြီး အရည်အသွေးများလည်း ကောင်းမွန်လာမည်ဖြစ်သည်။