စက်တင်ဘာ ၂ ရက်နေ့မှ ၈ရက်နေ့အထိ မိုးလေဝသခန့်မှန်းချက်နှင့် သီးနှံအကြံပြုချက်

ဟဲဟိုးနှင့်ညောင်ရွှေမြို့နယ်မှ စိုက်ပျိုးထုတ်လုပ်သူများအတွက်

တနင်္လာနေ့-မိုးရွာရန်ရာခိုင်နှုန်း ၅၅

အင်္ဂါနေ့ - ၆၅ ရာခိုင်နှုန်း

ဗုဒ္ဓဟူးနေ့-၇၈ ရာခိုင်နှုန်း

ကြာသပတေး-၇၈ ရာခိုင်နှုန်း

သောကြာ-၉၀ ရာခိုင်နှုန်း

စနေနေ့-၆၅ ရာခိုင်နှုန်း

တနင်္ဂနွေ-၄၂ရာခိုင်နှုန်း

အာလူး

အာလူးနှောင်းပင်နာကျ(လောင်မဲ) ရောဂါ ကျရောက်လျက်ရှိပါတယ်။လောင်မဲရောဂါဟာ ရာသီဥတုစွတ်စိုခြင်း၊ ဆက်တိုက်မိုးရွာခြင်း ဖြစ်ပေါ်ပါက ရောဂါကူးစက်မှု မြန်ဆန်တတ်ပါတယ်။ယင်းအခြေအနေတွင် မှိုသတ်ဆေးကို ဂရုတစိုက်ဖြန်းပေးရပါမယ်။ ကြိုတင်ကာကွယ်ဖို့ မန်ကိုမဂ်၊မက်တယ်လဇီ မှိုသတ်ဆေးများသုံးပါ။ ကုသဖို့ ဆိုင်မောက်ဇနေး၊ဒိုင်မီသိုမော့၊ပရိုပါမိုကပ် မှိုသတ်ဆေး အဆိပ်များ အလှည့်ကျပက်ဖျန်းပါ။

ခရမ်းချဉ်

အခုတစ်ပါတ်မှာတော့ စုပ်စားပိုးများကို ဂရုစိုက်ပေးဖို့အကြံပြုလိုပါတယ်။ လှေး၊ပျ၊ယင်ဖြူ စုပ်စားပိုးများစစ်ဆေးပေးပါ။ ဖုန်းမှန်ပေါ်ခါချကြည့်ပြီး စစ်ဆေးပေးနိုင်ပါတယ်။တွေ့ရှိပါက သိုင်ရာမီသိုဇမ်၊အဆီတာမီပရစ်၊ဖစ်ပရိုးနေး၊ပိုင်မီထရိုဇင်း ပိုးသတ်ဆေးအဆိပ်များ အလှည့်ကျပက်ဖျန်းပေးနေပါ။ ရွက်ထွင်းလည်း ကျတတ်တာကြောင့် ဆိုင်ရိုမက်ဇင်း ဆေးအဆိပ်ပက်ဖျန်းပေးပါ။

ပြောင်း

အဖူးမပုပ်အောင် ဂရုစိုက်စေချင်ပါတယ်။ ကွင်းအမြဲဆင်းစစ်ဆေးပေးပါ။ အဇိုဇီစထရိုဘင်+ဒိုင်ဖီနိုကိုနာဇိုး မှိုသတ်ဆေးအဆိပ်များ ကြိုတင်ပက်ဖျန်းကာကွယ်ထားပါ။

စပါး

စပါးခင်းကြည့်မကောင်းဘူးဆို ပထမဦးစွာ ပုလဲကျွေးခြင်းရပ်ထားပါအုံးခင်ဗျာ။ အရွက်ဖျားတွေ ဝါနေခြောက်နေလား၊အရွက်များလိပ်ပြီး ပိုးကောင်းတွေ့ရတာမျိုးရှိလားစစ်ဆေးပေးပါ။ အမြစ်မှာ ဖုနေလား ၊သံချေးရောင်ဖြစ်နေသလား၊ပင်စည်မှာ ပုပ်ပြီး အနာကွက်များတွေ့နေရလား စသည်ဖြင့်စစ်ဆေးပေးပါ။ အရွက်တွေမှာ နှမ်းစေ့လို အစက်အပြောက်လေးများ၊ လွန်သွားပုံ အစက်အပြောက်တွေ့နေရလား စစ်ဆေးရင်း ၊တွေ့ရှိတဲ့ လက္ခဏာကို ထွက်တိုးကို ဆက်သွယ်ပြီး ပိုးလား၊မှိုလား၊ဘက်တီးရီးယားခွဲခြမ်းစိတ်ဖြာရင်း စပါးခင်းများကို ကာကွယ်ကြပါစို့ခင်ဗျာ။

--------

မိုးလေဝသ သတင်းများ၊ သီးနှံပေါက်စျေးနှုန်းများ၊ အချိန်နှင့်တပြေးညီပြောင်းလဲနေသောသတင်းများအတွက် တောင်သူအကြံပေးဖုန်း ၀၉၉၇၇၉၁၀၀၀၀ ကိုဆက်သွယ်နိုင်ပါတယ်နော်။

ထွက်တိုးကို Like, Share နှင့် Download လုပ်ထားပါ -https://htwettoe.com/download