ထရိုင်ခိုဒါးမား မွေးမြူနည်း

လိုအပ်သောပစ္စည်းများ

အာလူး - ၃၀သား

တယ်လီဖုန်းတံဆိပ်ကျောက်ကျော - ၂၀ ဂရမ်

ဂလူးကို့စ် - ၂၀ ဂရမ်

အရက်ပြန်ပုလင်းသေး - ၁ ပုလင်း

Gentamicin (ဂျန်တန်မိုက်စင်) - ၁ကတ်

ရေသန့် - ၂လီတာ

ထရိုင်ခိုဒါးမားမှိုမျိုးသန့် - အနည်းငယ်

Petri dish သို့ Ramပုလင်းပြား ရှစ်ပက်ဆန့်ပုလင်း - ၄၅လုံးခန့်

ပြုလုပ်နည်း

ပထမဦးစွာ အာဟာရည် ထည့်ရန်အတွက် ပုလင်းပြား/ပုလင်း၊ ဖန်ပြား (Petri dish) ကို ပြင်ဆင်ပါ။ ထည့်စရာ ပုလင်း၊ ဖန်ပြား (Petri dish) ကို ပိုးသတ်ထားရပါမယ်။ တနည်းအားဖြင့် သန့်စင်ပြီးပုလင်း၊ ဖန်ပြား (Petri dish) များကိုပိုးသန့်စေရန် ရေနွေးထဲသို့ ထည့်ပြုတ်ပါ။ထို့နောက်ပုလင်းများကိုအအေးခံပါ။

ထို့နောက်အာဟာရရည်ပြင်ဆင်ပါမယ်။ အာလူး၃၀သားကိုအခွံခွါပြီးလက်မဝက်လောက်အတုံး လေးတွေပြုလုပ်ပါ။ ရေ2လီတာနဲ့တစ်ပွတ်ဆူပြုတ်ပါ အာလူးဒေါင့်မကျိုးသေးခင်ရပ်ပြီး အရေစစ်ယူပါ ကျောက်ကျောမှုန့်20gmနဲ့ဂလူးကိုလ်20gmကိုရေဖျော်ပြီး အားလူးပြုတ်ရေနှင့်ရောမွှေပါ မီးဖိုပေါ်ခဏပြန်တင်ပြီး ကျောက်ကျောပျော်ရုံအပူပြန်ပေးပါ။အာဟာရဖျော်ရည်ရပြီဆိုလျှင်Gentamicin (ဂျန်တန်မိုက်စင်)ဆေးထည့်ပြီးမွှေပါ။ ဘက်တီးရီးယားပေါက်ဖွားမှုမှကာကွယ်ရန်ဖြစ်ပါသည်။

ပိုးသတ်ထားသော ဖန်ပြား (Petri dish) များထဲသို့ အနေတော်ခန့် အာဟာရဖျော်ရည်လောင်းထည့်ပါ။ ဖန်ပုလင်းကိုအသုံးပြုက အာဟာရပျော်ရည်လောင်ထည့်ပါ။ ထို့နောက်စောင်းပြီးအအေးခံပေးပါ။ အာဟာရမျက်နှာပြင်ပိုမိုကျယ်ပြန့်စေရန် အတွက်ဖြစ်ပါသည်။

အေးပါက ထရိုင်ခိုဒါးများမှို မျိုးကို အာဟာရဖျော်ရည်ထည့်ထားသောပုလင်း/ဖန်ပြားထဲသို့ထည့်ပါ။ အပူချိန်25°cစင်ဒီဂရိတ်နဲ့30°cစင်ဒီဂရိတ်ကြားရှိတဲ့နေရာမှာထားပါ 28°cဆိုလျှင်အကောင်းဆုံးဖြစ်ပါသည် ဓါတ်ခွဲခန်းတွင် မွေးမြူထားသော မှိုမျိုးသန့်ကို ထည့်သွင်းပေးရပါမယ်။ထရိုင်ခိုဒါးမား Trichodremaမှိုမျိုး ထည့်တော့မည်ဆိုပါက ပိုးသန့်သော ဓါတ်ခွဲခန်း တွင်ပြုလုပ်မှ အဆင်ပြေနိုင်ပါသည်။ မဟုတ်ပါက မလိုလားအပ်သောမှို/ဘက်တီးရီးယားများပေါက်ပွားနိုင်ပါသည်။ ရက်အနည်းငယ်ကြာပါ မှိုမျှင်စဆင်းတာကိုတွေ့မြင်ရမှာဖြစ်ပါတယ်။ ထိုနည်းဖြင့် ထရိုင်ကိုဒါးမားကို မွေးမြူနိုင်မှာဖြစ်ပါတယ်။ နောက်အပတ်တွေမှာတော့ ထရိုင်ကိုဒါးမားပွားစာထုပ်လုပ်နည်းတွေကိုဖော်ပြပေးသွားမှာမို့ စောင့်မျှော်ဖတ်ရှုပေးကြပါဦးနော်။

----

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ်