တစ်ပတ်စာ မိုးလေဝသခန့်မှန်းချက်နှင့် အကြံပြုချက် (ဧရာဝတီတိုင်း)

တစ်ပတ်အတွင်း ဧရာဝတီတိုင်း မိုးမရှိပါဘူး။

ရာသီဥတုကြည်ကြည်လင်လင်သာသာယာယာရှိနေပါလိမ့်မယ်။ နေ့အပူချိန် 31°C၊ ညအပူချိန် 19°C အထိကျဆင်းအေးမြသာယာနေပါလိမ့်မယ်။

ဧရာဝတီတိုင်းဒေသကြီးအတွင်းရှိ နွေစပါးစိုက်တောင်သူများထံသို့...

စိုက်ပျိုးရေးဆိုင်ရာအကြံပြုချက်

• လက်ရှိစပါးပင် ပင်ပိုင်းကြီးထွားချိန်တွင်အဓိကကျရောက်နေသော လှေးပိုးအတွက်ကာကွယ်နှိမ်နင်းနည်းများကို အကြံပြုဆွေးနွေးပေးလိုက်ပါတယ်။

• ပင်ပြလက္ခဏာအနေနဲ့ စပါးရွက်ထိပ်ဖျားပိုင်းတွင် ခေါက်ပြီးပြန်ဖြန့်ထားသကဲ့သို့ တွန့်ခေါက်နေသောလက္ခဏာကိုတွေ့ရပါတယ်။

• နောက်ပိုင်းတွင် စပါးရွက်များလိမ်ပြီးခြောက်သွားသည်ကိုတွေ့ရပါတယ်။

• ပျိုးခင်းတွင်ကျရောက်ပါက ပျက်စီးဆုံးရှုံးမှုများတဲ့အတွက် သေချာကွင်းဆင်းစစ်ဆေးပေးပါ။

• စပါးပင် ၂၅ % ပင်ပိုင်းကြီးထွားချိန်တွင် ကျရောက်ပါက စပါးပင်ကိုရေမြုပ်လုခင်ထိ(၁ ရက်ခွဲ)ခန့် သွင်းထားပြီးရေထုတ်ပေးပါ။

• မြေခံတွင် Fipronil ကိုထည့်သွင်းပေးပါ။

• ကြိုတင်ကာကွယ်သည့်အနေဖြင့် EM နှင့် သဘာဝတမာပိုးသတ်ဆေးကို ရောနှောအသုံးပြုနိုင်ပါတယ်။

• အသုံးပြုနိုင်သောဓာတုဆေးများ- Fipronil, Cartap hydrochloride

ငါး/ပုစွန် ကန်များအတွက်အကြံပြုချက်

• ဧရာဝတီတိုင်းဒေသကြီးမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင် ရွက်ဖို့ အကြံပြု လိုပါတယ်ခင်ဗျာ-

• ဈေးကွက်ရောင်းတန်းဝင်အကောင်ကြီးမွေးကန်များအနေဖြင့် ကန်ဖော်ခြင်းကိုဆောင်ရွက်ရန်၊

• မျိုးငါးကန်များအနေဖြင့် အောင်ဆီဂျင်ရရှိရေးကို ဆောင်ရွက်ရန်၊

• မျိုးငါးကန်များအနေဖြင့် အစာကိုနည်းနည်းနဲ့ အကြိမ်ရေများများကျွေးရန်၊

• ပြွတ်သိပ်စွာမွေးမြူခြင်းကို ရှောင်ရှားရန်နဲ့ သတ်မှတ်အကောင်ရေအတွက်သာထည့်၍ မွေးရန်၊

-----

မိုးလေဝသ သတင်းများ၊ သီးနှံပေါက်စျေးနှုန်းများ၊ အချိန်နှင့်တပြေးညီပြောင်းလဲနေသောသတင်းများအတွက် တောင်သူအကြံပေးဖုန်း ၀၉၉၇၇၉၁၀၀၀၀ ကိုဆက်သွယ်နိုင်ပါတယ်နော်။

ထွက်တိုးကို Like, Share နှင့် Download လုပ်ထားပါ -https://htwettoe.com/download