တောင်သူ့စိုက်ခင်းထဲက ပြဿနာတွေကို လေ့လာကြမယ် 🪴🐛🪴

ယခုဖော်ပြပေးထားတဲ့အကြောင်းအရာများကတော့ တောင်သူဘက်ကမေးထားတဲ့ က

စိုက်ခင်းတွေမှာ ရောဂါ၊ ပိုးမွှားကျနေတဲ့ ပြဿနာတွေကို ထွက်တိုးစိုက်ပျိုးရေးပညာရှင်များက ပြန်လည်ဖြေကြားပေးထားတာဖြစ်ပါတယ်။

တောင်သူများလည်း မိမိစိုက်ခင်းမှာ ဖော်ပြပါပုံအတိုင်းကျရောက်မှုရှိမရှိ ကင်းထောက်စစ်ဆေးကြည့်နိုင်ပါတယ်။

စိုက်ပျိုးရေးနဲ့ပတ်သက်ပြီး ထွက်တိုးစိုက်ပျိုးရေးပညာရှင်များနဲ့ဆွေးနွေးလိုတယ်ဆိုရင်တော့ ထွက်တိုး App ရဲ့ အမေးအဖြေကဏ္ဍမှာ စိုက်ခင်းဓာတ်ပုံနှင့်တကွ သိရှိလိုသောအကြောင်းအရာများကို မေးမြန်းနိုင်ပါတယ်။

***************

၁. သံကြေးဖြူကျနေတာဖြစ်ပါတယ်။ ရောဂါကျနေတဲ့အရွက်တွေကိုရွေးပြီးဖယ်ပစ်ပါ၊ တစ်ခါတည်းကြွပ်ကြွပ်အိတ်ထဲထည့်ပြီး စိုက်ခင်းနဲ့ဝေးရာသို့ပစ်ပါ၊ မြေကြီးပေါ်မချထားခဲ့ပါနဲ့။ လက်ရှိစိုက်ခင်းရေဖြတ်ပေးပါ၊ မှိုစပိုးတွေက ရေနဲ့အဓိကပွားများတာဖြစ်ပါတယ်။ Propamocarb 20 cc + Fosetyl-Al 10 cc ကို အရွက်အောက်ကနေ နော်ဇယ်ကိုပင့်ပြီးဖျန်းပါ၊ လုံးဝအုပ်ပြီး မဖျန်းပါနဲ့။ အပင်ခြေကို ပိုတက်ရှ် (K)+ မဂ္ဂနီဆီယမ် (Mg) ထည့်ပေးပါ။ ဆေးဖျန်းပြီး နောက်တစ်ပါတ်မှာ အပင်ခြေကိုထုံးမှုန့်ဖြူးပါ၊ အခင်းဖျက်ရင် ပင်ကြွင်းပင်ကျန်ကိုအပြောင်ရှင်းပါ၊ ရောဂါကို ဆက်မပွားဖို့ပဲအဓိကထိန်းတာဖြစ်ပါတယ်။

***************

၂. ဒေါင်းနီးရွက်ခြောက်ပါ၊ အုပ်မိုးရေဖျန်းတာကို အထူးရှောင်ပြီး Cymoxanil+ Mancozeb အရောကို (၄ ဂါလံဆေးဖျန်းပုံးမှာ ၅၀ ဂရမ်) ထည့်ပြီးဖျန်းပေးပါ။ဒုတိယအကြိမ်အဖြစ် ၁၀ ရက်ခြားပြီး Fosetyl Al 80% (နှုန်းထား ၂၀ လီတာ/ ၄ ဂါလံ)နဲ့ထပ်ဖျန်းပေးပါ။ အခုလိုဝါခြောက်သွားတဲ့အပင်တွေကတော့ ပြန်စိမ်းလာမှာမဟုတ်ပါဘူး၊ ကူးစက်လာတာမျိုးရှိ မရှိကိုသေချာစစ်ဆေးပေးပါ။ ရွက်ဖျန်းအားဆေးတွေထပ်မဖျန်းပါနဲ့ဦး။

***************

၃. စာကိုစပိုရာမှိုကြောင့်ဖြစ်တဲ့ ရွက်ပြောက်လက္ခဏာပါ၊ စာကိုစပိုရာက မနက်ခင်းနှင်းကျပြီး နေ့လည်ဘက်အပူချိန်မြင့်တဲ့အခြေအနေကိုကြိုက်နှစ်သက်ပါတယ်။ မှိုသတ်ဆေးအနေနဲ့ Azoxystrobin + Difenoconazole / Pyraclostrobin + Tebuconazole လိုဆေးမျိုး အဆင်ပြေရာကိုသုံးနိုင်ပါတယ်။

***************

၄. ပျပိုးတွေကျနေတာဖြစ်ပါတယ်။ အပင်ခြေ အစိုဓာတ်ကိုထိန်းပေးပါ၊ စိုထိုင်းဆများအောင်မလုပ်ပါနဲ့၊ စိုထိုင်းဆများရင်ပွားများနှုန်းမြန်ပါတယ်၊ အိမ်စားဖို့စိုက်တာဆိုရင် ဓာတုဆေးမသုံးဘဲ ပန်းကန်ဆေးဆပ်ပြာဆီကို ရေတစ်လီတာမှာ ၂ဇွန်းထည့်ပြီး ဖျန်းပေးပါ၊ ဒါမှမဟုတ် ဆေးရွက်ကြီး (ကွမ်းစားဆေး) ကို ၂၄ နာရီစိမ်ပြီး ရတဲ့အရည်ကိုဖျန်းပေးပါ။ ကိုင်းတွေကိုဖြတ်ပစ်ပြီးမှ ဖျန်းပါ။ ဓာတုပိုးသတ်ဆေးသုံးချင်ရင်တော့ Fenoxycarb, Ethiprole, Spirotetramat လိုဆေးမျိုးကိုဖျန်းနိုင်ပါတယ်။

✦✦✦✦✦✦✦✦✦✦✦✦

ထွက်တိုး Telegram Channel ဝင်ရန် နှိပ်ပါ - https://t.me/htwettoe

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -https://htwettoe.com/download ထွက်တိုးမေးဖြေကဏ္ဍတွင် ဝင်ရောက်မေးမြန်းနိုင်ပါကြောင်း သတင်းကောင်းပါလိုက်ပါတယ်။

စိုက်ခင်းပြဿနာ အဖြေရှာနည်းလေ့လာရန် - https://htwettoe.com/post/38752