တစ်ပတ်စာမိုးလေဝသခန့်မှန်းချက်နှင့် အကြံပြုချက်

၂၀၂၅ဇန်နဝါရီလ ၂၃ ရက်နေ့မှ ၃၀ရက်နေ့အထိ မိုးရွာသွန်းနိုင်တဲ့အလားအလာမတွေ့ရှိရပဲ ရာသီဥတု ကြည်ကြည်လင်လင် သာသာယာယာရှိနေစေပါလိမ့်မယ်။

Weather Source: Su Su San

နွေစပါးစိုက်တောင်သူများထံသို့...

စိုက်ပျိုးရေးဆိုင်ရာအကြံပြုချက်

• ဧရာဝတီတိုင်းဒေသကြီးရှိ နွေစပါးစိုက်တောင်သူများအနေဖြင့် စိုက်ချိန်ကို ဇန်နဝါရီလလယ်တွင် အပြီးစိုက်ဖို့တိုက်တွန်းလိုက်ရပါတယ်။

• စိုက်ပျိုးပြီးတောင်သူများအနေဖြင့်လည်း စပါးသက်တမ်း ၁၂ ရက်မှစတင်ပြီး စိုက်ခင်းအတွင်း ပေါက်နေသော ပေါင်းများကိုသေချာကွင်းဆင်းစစ်ဆေးပြီး ပေါင်းပင်ငယ်စဥ် အရွက် ( ၂-၄ ရွက်) ထွက်ချိန်မှစတင်ပြီး ပေါင်းသတ်ဆေးအသုံးပြုပါ။

• ရွေးချယ်ပေါင်းသတ်ဆေးအနေဖြင့် မြက်ပေါင်းများအတွက် - Cyhalofop butyl ( မြက် ၂-၄ ရွက်ထွက်ချိန်)၊ Fenoxaprop-p-ethyl (မြက်ပေါင်း ၃-၅ ရွက်ထွက်ချိန်)

• ရွက်ပြန့်ပေါင်းနှင့် မြက်မုန်ညင်းအချို့အတွက် - Ethoxysulfuron ရွေးချယ်နိုင်ပါတယ်။

ငါး/ပုစွန် ကန်များအတွက် အကြံပြုချက်

ဧရာဝတီတိုင်းဒေသကြီးမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင် ရွက်ဖို့ အကြံပြုလိုပါတယ် ခင်ဗျာ-

ခုချိန် ငါးကန်တွေမှာ ဘက်တီးရီးယားပိုးပေါက်တဲ့အချိန်ဖြစ်၍ ရေကို စစ်ဆေးပေးရန်၊

မြစ်ချောင်း၊ အင်းအိုင်များတွင်လည်း ရေကျချိန် ဘက်တီးရီးယားပိုးများပေါက်ချိန်ဖြစ်၍ အဆိုပါ ရေအရင်းမြစ်များမှ ရေကို ငါးကန်ထဲသွင်းချိန်တွင် ရေကို သေချာစစ်ဆေးပြီးမှာသာ သွင်းရန်၊

ငါးအကြေးခွံကျွတ်ခြင်း၊ ငါးအနီစက်ကျခြင်းတွေ ကျရောက်ချိန်ဖြစ်၍ ထုံးနဲ့ ဆားထည့်ပေးရန်၊

ငါးဗိုက်ဖောင်းခြင်း၊ ငါးအကြေးခွံကျွတ်ခြင်းတွေခံနိုင်ဖို့ ကြိုတင်ကာကွယ်တဲ့အနေနဲ့ အစာထဲမှာ ပဋိဇီဝ ဆေးများ ထည့်ကျွေးပေးရန်၊

----------

မိုးလေဝသအဖွဲ့ဝင်ရန် - https://htwettoe.com/organization/12

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

သီးနှံပေါက်စျေးကြည့်ရှုနည်း_ https://htwettoe.com/post/50437