ရန်ကုန်တိုင်းဒေသကြီးအတွက် တစ်ပတ်စာ မိုးလေဝသခန့်မှန်းချက်နှင့် အကြံပြုချက်

၂၀၂၅ ဇန်နဝါရီလ ၂၇ ရက်နေ့မှ ဖေဖော်ဝါရီ ၃ ရက်နေ့အထိ

ရန်ကုန်တိုင်းမှာ ရာသီဥတုကြည်ကြည်လင်လင် သာသာယာယာရှိနေစေပါလိမ့်မယ်၊ မိုးရွာသွန်းနိုင်တဲ့ အလားအလာမရှိပါဘူး။

#တိကျမှန်ကန်

Su Su San

𝑴𝒆𝒕𝒆𝒐𝒓𝒐𝒍𝒐𝒈𝒊𝒔𝒕

𝑴𝒆𝒕𝒆𝒐𝒓𝒐𝒍𝒐𝒈𝒊𝒄𝒂𝒍 𝑪𝒆𝒏𝒕𝒓𝒆

စိုက်ပျိုးရေးဆိုင်ရာအကြံပြုချက်

·      လက်ရှိဆိုးရွားစွာကျနေသော ဂုတ်ကျိုးရောဂါအတွက် ကာကွယ်နှိမ်နင်းနည်းများကို အကြံပြုဆွေးနွေးပေးလိုက်ပါတယ်။

·      ဂုတ်ကျိုးရောဂါက အရွက်၊ပင်စည်၊ရွက်ဖုံး၊အဆစ်၊ အနှံ အကုန်လုံးမှာ ကျရောက်တတ်ပါတယ်။

·      ရောဂါပြင်းထန်လွန်းရင် အမြစ်ထိကျရောက်နိုင်တဲ့ရောဂါဖြစ်ပါတယ်။

·      အပူချိန်နိမ့်ပြီး စိုထိုင်းဆများတဲ့အခြေအနေ၊ ရေအကြာကြီးနစ်မြုပ်ပြီးပြန်ကျသွားတဲ့ အခြေအနေက ရောဂါကိုပိုပြီးအားပေးပါတယ်။

·      ဂုတ်ကျိုးရောဂါဆိုးရွားစွာကျရောက်ပါက နိုက်ထရိုဂျင်ယူရီးယားမြေဩဇာကို တစ်ချိန်တည်းအများကြီးမထည့်ပါနဲ့၊ အကြိမ်ရေခွဲထည့်ပေးပါ။

·      ဂုတ်ကျိုးကျဖူးသောစိုက်ခင်းတွင် စပါးရက် ၂၀ သားတွင် Tricyclazole 20 g/ 20 l နှုန်းထားနဲ့ တစ်ကြိမ်၊ ရောဂါစတင်တွေ့ရပါက Tricyclazole + Cyprodinil၊ ရောဂါပြန့်နှံ့လာပါက Isoprothiolane 20% တို့ကို အသုံးပြုနိုင်ပါတယ်။

·      ဂုတ်ကျိုးကျခဲ့ဖူးတဲ့အခင်းကမျိုးကို နောက်ရာသီမှာပြန်မစိုက်ပါနဲ့။

ငါး/ပုစွန် ကန်များအတွက်အကြံပြုချက်  

             ရန်ကုန်တိုင်းဒေသကြီးမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင်ရွက်ဖို့ အကြံပြု လိုပါတယ်ခင်ဗျာ-

ဘက်တီးရီးယားများပေါက်ပွားချိန်ဖြစ်၍ ကန်အတွင်း ထုံးအိတ်များချိတ်ဆွဲရန်၊

ကန်ရေအနက် ၃ ပုံတစ်ပုံခန့်အထိမြှပ်အောင် ထုံးအိတ်ကို ထားပေးရန်နဲ့ ထုံးအိတ် တစ်အိတ်လျှင် ထုံး ၃-၄ ကီလိုဂရမ်အထိထည့်ပြီး ကန်အရွယ်အထားပေါ်မူတည်၍ ထုံးအိတ်များချိတ်ဆွဲထားရန်၊

ပဋိဇီဝများ၊ သတ္တုဓါတ်များပါသော အစာများ၊ ဗိုက်တာမင်စီနဲ့ အခြားဆေးဘက်ဝင်အပင်များကို အစာထဲထည့်ကျွေးရန်၊

ရေအရည်အသွေးကို စစ်ဆေးပေးရန်နဲ့ ရေပိုးများရှိပါက ကာရီမတ်ဆေးသုံး၍ ရေကိုသန့်စင်ရန်၊

ကန်ဖော်သင့်ချိန်ဖြစ်ပြီး ကန်ဖော်ပြီး ငါးကန်များအနေဖြင့် ကန်အတွင်း အနယ်များကို ဖယ်ထုတ်၍ ပက်ကြားအက်သည်အထိ အခြောက်ခံထားရန်၊