ဧရာဝတီတိုင်းဒေသကြီးအတွက် တစ်ပတ်စာ မိုးလေဝသခန့်မှန်းချက်နှင့် အကြံပြုချက်

၂၀၂၅ ဇန်နဝါရီလ ၃၀ ရက်နေ့မှ ဖေဖော်ဝါရီ ၆ ရက်နေ့အထိ ဧရာဝတီတိုင်းဒေသကြီးတစ်ခုလုံးမှာ မိုးရွာနိုင်တဲ့အလားအလာမရှိဘဲ ရာသီဥတု အေးမြကြည်လင် သာသာယာယာရှိနေစေပါလိမ့်မယ်။

#တိကျမှန်ကန်

Su Su San

𝑴𝒆𝒕𝒆𝒐𝒓𝒐𝒍𝒐𝒈𝒊𝒔𝒕

𝑴𝒆𝒕𝒆𝒐𝒓𝒐𝒍𝒐𝒈𝒊𝒄𝒂𝒍 𝑪𝒆𝒏𝒕𝒓𝒆

ဧရာဝတီတိုင်းဒေသကြီးအတွင်းရှိ နွေစပါးစိုက်တောင်သူများထံသို့...

စိုက်ပျိုးရေးဆိုင်ရာအကြံပြုချက်

·      လက်ရှိနွေစပါးတွင်ကျရောက်မှုများနေတဲ့ စပါးဂုတ်ကျိုးရောဂါနဲ့ပတ်သတ်ပြီး ကာကွယ်နှိမ်နင်းနည်းများကို အကြံပြုဆွေးနွေးပေးလိုက်ရပါတယ်။

·      ဂုတ်ကျိုးရောဂါက အရွက်၊ပင်စည်၊ရွက်ဖုံး၊အဆစ်၊ အနှံ အကုန်လုံးမှာကျရောက်တတ်ပါတယ်။

·      ရောဂါပြင်းထန်လွန်းရင် အမြစ်ထိကျရောက်နိုင်သောရောဂါဖြစ်ပါတယ်။

·      အပူချိန်နိမ့်ပြီး စိုထိုင်းဆများတဲ့အခြေအနေက ရောဂါကိုပိုပြီးအားပေးပါတယ်။

·      ရောဂါပြင်းထန်ပါက နိုက်ထရိုဂျင်ယူရီးယား(N) မြေဩဇာကို တစ်ချိန်တည်းအများကြီးမထည့်ပါနဲ့၊ အကြိမ်ရေခွဲထည့်ပေးပါ။

·      ဓာတုဆေးအနေနဲ့ ဂုတ်ကျိုးရောဂါကျခဲ့ဖူးသောစိုက်ခင်းဖြစ်ပါက စပါးရက်(၂၀)သားတွင် Tricyclazole ၂၀ ဂရမ်/၂၀ လီတာ နှုန်းထားနဲ့ တစ်ကြိမ်၊ ရောဂါစတင်တွေ့ရပါက Tricyclazole 10 % + Cyprodinil 10% ၂၀ စီစီ/ ၂၀ လီတာ၊ ရောဂါပြန့်နှံ့လာပါက Isoprothiolane 20% ၃၀ စီစီ/ ၂၀ လီတာနှုန်းနဲ့ ဖျန်းပေးနိုင်ပါတယ်။ (Dr.DaDa)

·      နောက်ရာသီ အဲ့ဒီစိုက်ခင်းကမျိုးကိုပြန်မစိုက်ပါနဲ့၊ စပါးသိမ်းရင် မြက်ခေါင်း၊ပင်ကြွင်းပင်ကျန်သေချာကောက်ပေးပါ။ 

ငါး/ပုစွန် ကန်များအတွက်အကြံပြုချက်  

             ဧရာဝတီတိုင်းဒေသကြီးမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင် ရွက်ဖို့ အကြံပြုလိုပါတယ် ခင်ဗျာ-

ကန်ဖော်ပြီး ငါးကန်များအနေဖြင့် နွံထဲရှိ မှို၊ ဘက်တီးရီးယားနဲ့အခြားပိုးများသေစေရန် ပက်ကြားအက် သည်အထိ နေလှန်းထားရန်၊

ကန်အောက်ခြေနွံထုကို ဖယ်ထုတ်ပေးရန်နဲ့ ဖယ်ထုတ်ပြီးပါက ထုံးဖြူးပေးရန်၊

မျိုးငါးကန်များအနေဖြင့် မြေဩဇာကျွေးခြင်းကို ညနေပိုင်းကျွေးခြင်းထက် နံနက်ပိုင်းတွင်သာ ဆောင် ရွက်ရန်၊

မျိုးငါးကန်များတွင် ကန်အောက်ခြေ ရေမနောက်အောင် ဆောင်ရွက်ရန်နဲ့ အစာကို နည်းနည်းနဲ့ အကြိမ်ရေများများကျွေးရန်၊

✦✦✦✦✦✦✦✦✦✦✦✦

ထွက်တိုး Telegram Channel ဝင်ရန် နှိပ်ပါ - https://t.me/htwettoe စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -https://htwettoe.com/download ထွက်တိုးမေးဖြေကဏ္ဍတွင် ဝင်ရောက်မေးမြန်းနိုင်ပါကြောင်း သတင်းကောင်းပါလိုက်ပါတယ်။ စိုက်ခင်းပြဿနာ အဖြေရှာနည်းလေ့လာရန် - https://htwettoe.com/post/38752