မန္တလေးတိုင်းဒေသကြီးအတွက် တစ်ပတ်စာမိုးလေဝသခန့်မှန်းချက်နှင့် အကြံပြုချက်

၂၀၂၅ ဖေဖော်ဝါရီလ ၇ ရက်နေ့မှ ၁၄ ရက်နေ့အတွင်း မိုးရွာသွန်းနိုင်တဲ့အလားအလာမတွေ့ရှိရပဲ ရာသီဥတုကြည်လင်သာယာနိုင်ပါတယ်။

Weather Source: Su Su San

ဂန္ဓမာပန်းစိုက်တောင်သူများထံသို့ စိုက်ပျိုးရေးဆိုင်ရာ အကြံပြုချက်

လက်ရှိရာသီဥတုအခြေနေအရ ဂန္ဓမာပန်းစိုက်တောင်သူများအနေနဲ့ သံကြေးဖြူရောဂါကျရောက်တက်ပါတယ်။ သံကြေးဖြူရောဂါကြိုတင်ကာကွယ်နိုင်ဖို့နဲ့ ရောဂါနှိမ်နင်းနိုင်ဖို့ဆိုရင် အောက်ဖော်ပြပါအချက်လေးတွေကို သေချာစွာ လိုက်နာဖို့လိုပါတယ်။

• ရောဂါကင်းစင်သော ပျိုးပင်များ/ပျိုးကိုင်းများကို အသုံးပြုပါ။

• စိုက်ခင်းအားမျက်ချေမပြတ်စောင့်ကြည့်စစ်စေးပါ။

• စိုထိုင်းဆကိုလျှော့ချပါ။ အပင်ပေါ်မှရေဖျန်းခြင်းများမပြုလုပ်ပါနဲ့။

• ရောဂါကျအရွက်အားလုံးကိုဖယ်ရှားပါ။ အိတ်နှင့် သေချာထည့်၍ စိုက်ခင်းနှင့်ဝေးရာသို့ စွန့်ပစ်ပါ။

• Propamocarb 20 cc + Fosetyl-Al 10 cc ကို အရွက်အောက်ကနေ နော်ဇယ်ကိုပင့်ပြီးဖျန်းပါ၊ လုံးဝအုပ်ပြီး မဖျန်းပါနဲ့။

• အပင်ခြေကို ပိုတက်ရှ် (K)+ မဂ္ဂနီဆီယမ် (Mg) ထည့်ပေးပါ။

• ဆေးဖျန်းပြီး နောက်တစ်ပါတ်မှာ အပင်ခြေကိုထုံးမှုန့်ဖြူးပါ။

• စိုက်ခင်းအားလုံးသိမ်းပြီးချိန်တွင် ပင်ကြွင်းပင်ကျန်ကိုအပြောင်ရှင်းပါ။

ငါး/ပုစွန် ကန်များအတွက်အကြံပြုချက်

မန္တလေးတိုင်းမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင်ရွက်ဖို့ အကြံပြု လိုပါတယ်ခင်ဗျာ-

- ကန်ရေအရည်သွေးကို စစ်ပေးရန်၊

- ရေဩဇာတက်နေပါက အစာကို လျော့ကျွေးပေးရန်၊

- ကန်ရေပေါ် ရေညှိများရှိနေပါက ဖယ်ရှားပေးရန်၊

- ကန်ရေ သံချေးရောင်ဖြစ်နေပါက ကန်ရေရဲ့ ၃ ပုံ ၁ ပုံကို ထုတ်ပြစ်ပြီး ရေသစ်လဲပေးရန်၊

- ပျော်ဝင်အောက်ဆီဂျင်တက်စေရန် ချိန်းဆွဲပေးရန်၊

---------------

ငါးမွေးမြူရေးနှင့်ပတ်သတ်သောဆောင်းပါးများ၊ မွေးမြူရေးနည်းလမ်းများ၊ ငါးမွေးမြူရာတွင်သိထားသင့်သော အချက်များကို ပိုမိုလေ့လာလိုပါက

ထွက်တိုးစိုက်မွေးဖုန်းဆော့ဝဲ -https://htwettoe.com/download

ထွက်တိုး၏စီးပွားဖြစ်ငါးမွေးမြူရေးအဖွဲ့ - https://www.facebook.com/groups/4200052776702483

တွင် လေ့လာနိုင်ပြီး ဝင်ရောက်ဆွေးနွေး နိုင်ပါကြောင်းသတင်းကောင်းပါးအပ်ပါသည် ခင်ဗျာ။