မန္တလေးတိုင်းဒေသကြီးအတွက် တစ်ပတ်စာမိုးလေဝသခန့်မှန်းချက်နှင့် အကြံပြုချက်

မန္တလေးတိုင်း ၂၁ရက်နေ့မှ ၂၈ရက်နေ့အတွင်း နေ့အပူချိန်များအနည်းငယ်မြင့်တက်လာနိုင်ပါတယ် မိုးမရှိပါဘူး

ညအပူချိန်ပုံမှန်ပါဘဲ။

Weather Source: Su Su San

ကြက်သွန်စိုက်တောင်သူများထံသို့စိုက်ပျိုးရေးဆိုင်ရာ အကြံပြုချက်

တောင်သူကြီးများလှေးပိုးအန္တရာယ်ကြုံတွေ့နေရပြီဆိုရင်

• စိုက်ခင်းအပူချိန်မြင့်ရင် လှေးပိုးပွားများနှုန်းမြန်တာကြောင့် စိုက်ခင်းအစိုဓာတ်ကိုချိန်ညှိပေးပါ။

• အပင်အပေါ်မှ ရေဖျန်းစနစ်ဖြင့်ရေပေးပါ။

• ကြက်သွန်ဘောင်မြေကြီးကို ကောက်ရိုးများအသုံးပြု၍ ဖုံးအုပ်စိုက်ပျိုးပါ။

• နိုက်ထရိုဂျင်ရွက်ဖျန်းအားဆေးတွေ အလွန်အကျွံမသုံးပါနဲ့။

• အပြာရောင်ပိုးကပ်ထောင်ချောက် (Blue Sticky Trap) များအသုံးပြုပါ။

• ဓာတု‌ဆေးအနေနဲ့ Fipronil, Acetamiprid, Spinosad တို့လိုဆေးမျိုး တစ်လှည့်စီအသုံးပြုနိုင်ပါတယ်။

ငါး/ပုစွန်ကန်များအတွက်အကြံပြုချက်

• မန္တလေးတိုင်းမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင်ရွက်ဖို့ အကြံပြု လိုပါတယ်ခင်ဗျာ-

• ကန်ရေအရည်သွေးကို စစ်ပေးရန်၊

• ရေဩဇာတက်နေပါက အစာကို လျော့ကျွေးပေးရန်၊

• ကန်ရေပေါ် ရေညှိများရှိနေပါက ဖယ်ရှားပေးရန်၊

• ကန်ရေ သံချေးရောင်ဖြစ်နေပါက ကန်ရေရဲ့ ၃ ပုံ ၁ ပုံကို ထုတ်ပြစ်ပြီး ရေသစ်လဲပေးရန်၊

• ပျော်ဝင်အောက်ဆီဂျင်တက်စေရန် ချိန်းဆွဲပေးရန်၊

• အမိုးနီးယားဓါတ်အဆိပ်တောက်မဖြစ်စေရန် ကန်အောက်ခြေရှိ အနယ်အနစ်များကို ဖယ်ရှားရန်၊

-------------

မိုးလေဝသအဖွဲ့ဝင်ရန် - https://htwettoe.com/organization/12

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

သီးနှံပေါက်စျေးကြည့်ရှုနည်း_ https://htwettoe.com/post/50437