ငရုတ်မှဲ့ပြောက်စွန်းရောဂါ (Anthracnose of Chilli)

ငရုတ်မှာ ကျရောက်တဲ့ မှဲ့ပြောက်စွန်းရောဂါက မှိုကြောင့်ဖြစ်ပြီး အထွက်နှုန်းကို ကျဆင်းစေရုံမက ငရုတ်သီးရဲ့အရည်အသွေးကိုလည်း ကျဆင်းစေပါတယ်။

ရောဂါလက္ခဏာ - - -

ငရုတ်ပွင့်များညှိုးနွမ်းငိုက်ကျလာပြီး တဖြည်းဖြည်းခြောက်လာကာ ကြွေကျပါမယ်။

ငရုတ်ကိုင်းတွေက ထိပ်ဖြားမှစ၍ ခြောက်လာပြီးတော့ ကိုင်းဆုံကိုင်းခွအထိ ခြောက်သွားပါမယ်။

အသီးတောင့်ပေါ်မှာ စက်ဝိုင်းပုံစံ ချိုင့်နေတဲ့ အနာကွက်လေးတွေဖြစ်ပေါ်လာမယ်၊ နောက်ပိုင်း အနာကွက်က တဖြည်းဖြည်းနဲ့ ကြီးလာပါမယ်။ အသီးတောင့်တွေ ပုပ်မယ်၊ ပင်စည်နဲ့ အရွက်ပေါ်မှာ အညိုပုတ်ရောင် အနားသတ်ပါသော ပုံစံမမှန်တဲ့ အညိုရောင် အစက်ပြောက်လေးတွေလည်း တွေ့ရတတ်ပါတယ်။

ကာကွယ်နှိမ်နင်းနည်း -

🌶️ မှိုရောဂါအများစုက စိုထိုင်းသော ပတ်ဝန်းကျင်ကို နှစ်သက်တဲ့အတွက် ငရုတ်ပင်များကို စိုက်ပျိုးတဲ့အခါ ရေမဝပ်စေရန် နဲ့ ရေ (သွင်း) မများစေရန် ဂရုစိုက်ပါ။

🌶️ ရောဂါရပင်ကြွင်းပင်ကျန်များကို စုပုံ၍မီးရှို့ပါ။

🌶️ မှဲ့ပြောက်စွန်းရောဂါဖြစ်စေသော သက်ရှိမှိုက မြေကြီးထဲမှာ နှစ်ပေါင်းများစွာ အသက်ရှင်ပြီး ခိုအောင်းနေနိုင်တဲ့အတွက် - ရောဂါကျရောက်ထားသော အကွက် (အခင်း) အား တခြားသီးနှံများဖြင့် သီးလှည့်စိုက်ပျိုးပါ။

🌶️ရောဂါကျရောက်လေ့ရှိပါက ငရုတ်ပန်းမပွင့်မီ တစ်ကြိမ်နှင့် သီးကင်းစဝင်ချိန်တွင် တစ်ကြိမ် မှိုသတ်ဆေးပက်ဖျန်းရန်လိုပါတယ်။

ရောဂါကျရောက်လာပြီဆိုရင်တော့ အောက်ပါမှိုသတ်ဆေးများကို ပက်ဖျန်းအသုံးပြုပါ။

🌶️ Chlorothalonil (ကလိုရိုသာလိုနေး)

🌶️ Mancozeb(မန်ကိုဇက်)

🌶️ Thiophanate methyl (သိုင်အိုဖာနိတ်မီသိုင်း)

🌶️ Azoxystrobin (အဇိုဆီစထရိုဘင်) စတဲ့ ဆေးအဆိပ်များပါဝင်တဲ့ မှိုသတ်ဆေးတစ်ခုခုကို အသုံးပြုနိုင်ပါတယ်။

Sources - http://www.worldofchillies.com/…/chilli…/chillidiseases.html, Daw cho cho htay, စိုက်ပျိုးရေးဦးစီးဌာန

--------------

ထွက်တိုး Call Center ဖုန်း 09-977910000 ကို စိုက်ပျိုးရေး၊ မွေးမြူရေးအခက်အခဲများကို ဖုန်းခေါ်မေးမြန်းနိုင်ပါသည်။

ထွက်တိုးမဲလက်မှတ်လဲခြင်း အစီအစဉ်လေ့လာရန် - https://htwettoe.com/post/54350

အမှတ်စစ်နည်းကို လေ့လာရန် https://htwettoe.com/post/52857