ချဉ်ပေါင်သီးထောင်း

ခြံထဲက အပင်ကနေ ချဉ်ပေါင်သီးလေးတွေ ကောက်လာခဲ့ပါမယ်။

ချဉ်ပေါင်သီး အထဲက အစေ့ကို ထုတ်ပြီး အပြင်က အခွံလေးတွေကို ယူထားမယ်။ ပြီးရင် ရေသေချာဆေးပြီး ရေစစ်ထားပေးပါမယ်။

ချဉ်ပေါင်သီးထောင်းထဲ ထည့်ဖို့ ငရုပ်သီးစိမ်းနဲ့ နံနံပင် ( နံနံပင်က မကြိုက်ရင်မထည့်ပါနဲ့)။ (ခရမ်းပြာတော့ အရမ်းကြိုက်၊ ဟင်းထဲ နံနံပင် မပါရင်ကို မပြည့်စုံဘူးလို့ ခံစားရတယ်။)

မြေပဲဆံလှော်ထားတာလေး အရင်ထောင်း၊ ညက်ရင် ကြက်သွန်ဖြူနဲ့ ငရုပ်သီးထပ်ထည့်ထောင်းထည့်ပါ။

ပြီးရင် ချဉ်ပေါင်သီး အပေါ်လွှာလေးတွေ ထည့်ထောင်း၊ ဆား၊ ဟင်းခတ်မှုန့်ထည့်ပါမယ်။

အရသာနှံ့သွားပြီး ချဉ်ပေါင်သီးက မိမိစားချင်တဲ့အနေအထားဆို နံနံပင် ပါးပါးလှီးထည့်၊ မြေပဲဆီလေး စမ်းပြီး ရောမွှေပေးပါ။

ဒါဆို ရပါပြီ။ အရမ်းညက်သွားရင် သိပ်မကြိုက်လို့ ခရမ်းပြာတော့ ပုံထဲကလို မညက်တညက်လေးပဲ ထောင်းပါတယ်။

Source: Khaingt Hazina Ye မှ ကူးယူဖော်ပါသည်။

-----

ထွက်တိုး Telegram Channel ဝင်ရန် နှိပ်ပါ - https://t.me/htwettoe

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်းနိုင်ပါကြောင်းသတင်းကောင်းပါလိုက်ပါတယ်။

ထွက်တိုးမဲလက်မှတ်လဲခြင်း အစီအစဉ်လေ့လာရန် - https://htwettoe.com/post/54350

အမှတ်စစ်နည်းကို လေ့လာရန် https://htwettoe.com/post/52857