ဧရာဝတီတိုင်းဒေသကြီးအတွက် မိုးလေဝသခန့်မှန်းချက်နှင့် အကြံပြုချက်

၂၀၂၅ မတ်လ ၂၇ရက်နေ့မှ ၃၁ရက်နေ့အထိ ဧရာဝတီတိုင်းဒေသကြီးမှာ မိုးရွာသွန်းနိုင်တဲ့အလားအလာမရှိပဲ ရာသီဥတုကောင်းမွန်ကြည်လင်သာယာနိုင်ပါတယ်။ 

Source: Su Su San 

ဧရာဝတီတိုင်းဒေသကြီးအတွင်းရှိ နွေစပါးစိုက်တောင်သူများထံသို့... 

စိုက်ပျိုးရေးဆိုင်ရာအကြံပြုချက် 

• စပါးရိတ်သိမ်းခါနီးချိန် ဖြုတ်ကျနေသောစိုက်ခင်းများအနေဖြင့် ဆေးဖျန်းတာမျိုး

မလုပ်သင့်တော့ပါ။

• စပါးအနှံစုံခါနီးချိန်စိုက်ခင်းများအနေနဲ့ကတော့ ရေလျှော့ပြီး Buprofezin+ Dinotefuran ကိုရွေးချယ်ဖျန်းနိုင်ပါတယ်။
• စပါးပင်ငယ်စဥ်ကတည်းက ဂုတ်ကျိုးရောဂါကိုသေချာသတိမပြုမိဘဲ အနှံထွက်၊ စပါးစေ့ပေါ်တွင် ဂုတ်ကျိုးလက္ခဏာတွေ့ရတော့မှ ဆေးဖျန်းမည်ဆိုပါက နောက်ကျသွားပါပြီ။
• နောက်ထပ် လက်ရှိ GW11, ဧရာ ၁၀ စိုက်တဲ့တောင်သူများစပါးမှိုသီးကျနေပါက တစ်ခါတည်းမှိုသီးကျနေသောစပါးနှံကို ချိုးပြီး အိတ်ထဲထည့်လာခဲ့ပါ။ စိုက်ခင်းထဲမှာပြန်မထားခဲ့ပါနဲ့။
• ရိတ်သိမ်းတော့မည့်စပါးခင်းများအနေဖြင့် မရိတ်သိမ်းခင် (၂)ပတ်အလိုတွင် အောင်ရေထုတ်နိုင်ပါပြီ။

ငါး/ပုစွန် ကန်များအတွက်အကြံပြုချက်   

- အခုအချိန်ဟာ ရာသီဥတုပူပြင်တဲ့အချိန်ကို ရောက်လာပြီဖြစ်ပါတယ်။ ငါးရောဂါအဖြစ်များပြီး အသေအပျောက်များတဲ့ အချိန်ကာလလည်းဖြစ်ပါတယ်။ 

- ငါးတွေ အောက်ဆီဂျင်ပြတ်လပ်မှုကို ခံစားရနိုင်တဲ့အနေအထားလည်းဖြစ်ပါတယ်။ 

- အပူချိန်ကြောင့် ငါးကန်အောက်ခြေမှ ပစ္စည်းတွေ ပုပ်သိုးတာ၊ အစာကြွင်း၊ အစာကျန်တွေ ပုပ်သိုးတာတွေ ပိုဖြစ်ပြီး ငါးတွေကို ဆိုးကျိုးလည်း ဖြစ်စေနိုင်ပါတယ်။ 

- ဒါကြောင့် မဖြစ်ခင် ကြိုတင်ကာကွယ်ထားခြင်းဖြင့် မိမိတို့ရဲ့ အကျိုးစီးပွားကို ကာကွယ်တဲ့ အနေအထားတွေ လုပ်ထားရမှာဖြစ်ပါတယ်။ 

- ငါးကန်အပူချိန်ကို အမြဲတိုင်းတာပြီး ၃၅°Cထက် မပိုစေအောင် လုပ်ဆောင် ပေးရပါလိမ့်မယ်။ 

- ရေကိုလည်း တစ်လတစ်ကြိမ်ခန့် လဲလှယ်ပေးခြင်းဖြင့် အောက်စီဂျင် ပြတ်လပ်မှုနဲ့ ငါးတွေရောဂါဖြစ်ပွါး ခြင်းများကို ကာကွယ်ပေးပါလိမ့်မယ်။ 

- အစာတွေကိုလည်း ချင့်ချိန်ပြီး ကျွေးရမယ့် ကာလဖြစ်ပါတယ်။ 

- ငါးကန်အောက်ခြေမှာရှိတဲ့ ပစ္စည်းတွေနဲ့ အစာကြွင်းအစာကျန်တွေ ပုပ်သိုးတာတွေ မဖြစ်အောင်လည်း ကာကွယ်ပေးကြရမှာဖြစ်ပါတယ်။ 

--------------- 

မိုးလေဝသအဖွဲ့ဝင်ရန် - https://htwettoe.com/organization/12 

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို 

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်. 

သီးနှံပေါက်စျေးကြည့်ရှုနည်း_ https://htwettoe.com/post/50437