ရှမ်းပြည်နယ်အတွက် မိုးလေဝသခန့်မှန်းချက်နှင့် အကြံပြုချက်

ထူးခြားမိုးလေဝသဖြစ်စဉ်(လေဖိအားနည်းရပ်ဝန်းဖြစ်နေဆဲအချိန်အတွင်း၊ နိုင်ငံတစ်နိုင်ံလုံး မိုးရွာနိုင်ပြီးဒေသတချို့မှာ နေရာကွက်၍ မိုးများခြင်းဖြစ်လာနိုင်ပါသည်၊ ရှမ်းပြည်နယ်၏ မိုးလေဝသအခြေအနေသည် - ရှမ်းပြည်နယ်(မြောက်ပိုင်းမှာ မိုးအနည်းငယ်မှ အသင့်အတင့်)၊ ရှမ်းပြည်နယ်တောင်ပိုင်း၊ အရှေ့ပိုင်းတို့တွင် မိုးအသင့်အတင့်မှ မိုးများနိုင်မည့်အခြေအနေများ၊ ဧပြီလ ၁၁ ရက်မှ ၁၅ ရက်အတွင်း ဖြစ်လာနိုင်ပါမည်။   

နောက် ၄ ရက်အတွင်း ရှမ်းပြည်နယ်အရှေ့ပိုင်းမှ မြို့အချို့တွင် ၂၄ နာရီအတွင်း မိုးရေချိန် ၁ လက်ခွဲခန့်အထိ မိုးရွာသွန်းကာ မိုးများနိုင်သောကြောင့် MMWeather မှတင်ပေးထားသည့် ရှမ်းပြည်နယ်မြို့များအတွက် ၄ ရက် မိုးလေဝသအခြေအနေ ကြိုတင်ခန့်မှန်း weather widgets page - https://www.mmweather.org/divisional-cities-weather/shan-state မှာလည်းကြည့်ပေးကြပါရန် အကြံပြုပါသည်။ 

ရှမ်းပြည်နယ်တောင်ပိုင်းနှင့် အရှေ့ပိုင်းဒေသများအတွင်း မိုးအသင့်အတင့်မှ မိုးများသည့်အခါ ရုတ်တရက် တောင်ကျချောင်းရေကျဆင်းပြီး ရေကြီးနိုင်ခြင်းနှင့် မြေပြိုခြင်းစသည့် သဘာဝဘေးများဖြစ်လာနိုင်သည့်အပြင် မတ်လ ၂၈ ရက်ငလျင်ကြီးလှုပ်စဉ်က ထိခိုက်ထားသည့်ဒေသများ၌ မြေသားပျော့အိပြီး မြေပြိုနိုင်ခြင်းကို သတိပြကြပါရန် အသိပေးထားလိုပါသည်။ 

Weather source: U Win Naing 

စိုက်ပျိုးရေးဆိုင်ရာအကြံပြုချက် 

• လက်ရှိရာသီဥတုအနေထားအရ မိုးများလာတာနဲ့အမျှ ရှမ်းပြည်နယ်အတွင်းရှိ ဂေါ်ဖီထုတ်ပင်တွေမှာ ပင်ခြေပုပ်မှိုရောဂါ တွေ့ရှိရနိုင်ပါတယ် 
• မြေဆောင်ရောဂါဖြစ်တဲ့ လက်ခံပင်မဟုတ်တဲ့သီးနှံတွေအတွက် သီးလှည့်စိုက်ပါ   
• လက္ခဏာပေါ်မှ ဆေးဖျန်းတာက ထိရောက်ဖို့ခက်ပါတယ်။ 
• Tebuconazole 20+ Cymoxanil 10 ကို အပင်ခြေမြေကြီးကို သေချာထိအောင်ဖျန်းပေးပါ။ 
• ဆေးမဖျန်းခင် စိုက်ခင်းအစိုဓာတ်အနည်းငယ်ရှိဖို့လိုပါတယ်၊ 
• ရောဂါကျ ပင်ကြွင်းပင်ကျန်တွေကိုသေချာရှင်းပေးပါ။ စိုက်ခင်းထဲမထားခဲ့ပါနဲ့။ 

ငါး/ပုစွန် ကန်များအတွက်အကြံပြုချက်   

ပူပြင်းသော ရာသီတွင် ငါးမွေးတောင်သူများသည် မိမိ၏ငါးမွေးကန်ကို နေ့စဉ်အောက်ပါအချက်များ ကြည့်ရှုစစ်ဆေးသင့်ပါသည်။ ပုံမှန်မဟုတ်သော လက္ခဏာများမှာ-  

 ငါး၊ပုစွန်များ ကန်ဘောင်ရေစပ်တွင် တက်နေခြင်း  

 နံနက်စောစောရေမျက်နှာပြင်အထက်တွင် မလှုပ်မရှားနေ၍ လက်ဖြင့် လွယ်ကူစွာဖမ်းနိုင်ခြင်း  

 ငါး၊ ပုစွန် အသေများတွေ့ရှိခြင်း  

 ရေညှိဖတ်များ ရေတွင် မျှောနေသည်ကိုတွေ့ရခြင်း  

 ရေအရောင်ပြောင်းလဲခြင်း (စိမ်း ၊စိမ်းရင့် ၊နီ)  

(ရေကြည်နှုန်း ၂၀စင်တီမီတာအောက် လျှော့နည်းနေခြင်း)  

 နေ့အချိန်တွင် ငါး၊ ပုစွန်များ ရေမျက်နှာပြင်ပေါ်တွင် ထိတ်လန့်စွာ ကူးခတ်နေခြင်း  

 ကန်ရေအပူချိန် ၃၂ဒီဂရီစင်တီဂရိတ်ထက် ကျော်လွန်နေခြင်း  

 ကန်ရေမျက်နှာပြင်ပေါ်တွင် အမြုပ်များဖြစ်ပေါ်နေခြင်း 

ဆက်လက်ပြီး ရေလုပ်ငန်းနှင့် ပတ်သတ်ပြီး အကြံဉာဏ်များ ရယူလိုပါက ထွက်တိုးကောစင်တာနံပါတ် -09977910000 သို့ ဆက်သွယ်နို်ငပါသည်။ 

--------------- 

မိုးလေဝသအဖွဲ့ဝင်ရန် - https://htwettoe.com/organization/12 

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို 

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်. 

သီးနှံပေါက်စျေးကြည့်ရှုနည်း_ https://htwettoe.com/post/50437