ဧရာဝတီတိုင်းဒေသကြီးအတွက် မိုးလေဝသခန့်မှန်းချက်နှင့် အကြံပြုချက်

ဧရာဝတီတိုင်း - ဧပြီ ၂၄ ရက် မှ ဧပြီလ ၃၀ ရက်အထိ မိုးလေဝသအခြေအနေကြိုတင်ခန့်မှန်း 

ဧပြီ ၂၄ ရက် မှ ဧပြီ ၃၀ ရက် အထိ ရက်သတ္တပါတ် ၁ ပါတ်အတွင်း၊ များသောအားဖြင့် နေသာချိန်ရှိနေပြီး၊ ဧပြီ ၂၉ ရက်နေ့နှင့် ၃၀ ရက်နေ့ မွန်းလွဲ/ညနေပိုင်းအချိန်များတွင် တောင်-အနောက်တောင်ဘက်မှမိုးတိမ်များဝင်ရောက်မှုများပြီး ဟင်္သာတ၊ ကျုံပျော်၊ ပန်းတနော်၊ ဝါးခယ်မ၊ ကျုံမငေး၊ မော်လမြိုင်ကျွန်း၊ ငပုတော၊ လပွတ္တာ၊ ရေလယ်ကျွန်း၊ ဘိုကလေး၊ ဖျာပုံ၊ ကျိုက်လတ်၊ ဒေးဒရဲ စသည့်မြို့နယ်/ခရိုင်များတွင် ၂၄ နာရီအတွင်း မိုးရေချိန် ၁၀ မီလီမီတာခန့်မှ ၂၀ မီလီမီတာခန့်(၀.၄ လက်မ မှ ၀.၈ လက်မခန့် - မိုးအနည်းငယ်)ရွာနိုင်မည့်အခြေအနေများဖြစ်ပေါ်နိုင်ပါသည်။ 

ဤရက်ပိုင်း(ဧပြီ ၂၉/၃၀)အတွင်း အနောက်ဘက်နှင့် တောင်ဘက်မှ ပုံမှန်အားဖြင့် လေတိုက်နှုန်း တနာရီ ၁၅ မိုင်ခန့်အထိ တိုက်ခတ်နိုင်ပြီး မိုးတိမ်တောင်ကြီးများဖြစ်ပေါ်ဝင်ရောက်မှုရှိပါက စိုက်ဆင်းလေပြင်း ကျရောက်တတ်ပါသည်။ စိုက်ဆင်းလေပြင်းကျရောက်လျှင် ခေတ္တခဏမိုးသည်းထန်ပြီး လေပြင်း တစ်နာရီ မိုင် ၃၀ကျော်အထိ တိုက်ခတ်နိုင်ပါသည်။  

ဘင်္ဂလားပင်လယ်အော်နှင့် ကပ္ပလီပင်လယ်တွင် ထူးခြားသောမိုးလေဝသအခြေအနေ(လေဖိအားနည်းရပ်ဝန်း/မုန်တိုင်း စသည်ဖြင့်)မရှိပါ။ 

ဧပြီ ၂၄/၃၀ ရက်သတ္တပါတ် ၁ ပါတ်တွင် ဧရာဝတီတိုင်းအတွင်း ပျမ်းမျှအမြင့်ဆုံးနေ့အပူချိန်သည် ၃၉°C အထိရှိနိုင်ပါမည်။ 

Weather source: U Win Naing 

ဧရာဝတီတိုင်းဒေသကြီးအတွင်းရှိ မိုးစပါးစိုက်ရန်ပြင်ဆင်ကြမည့်တောင်သူများထံသို့... 

• နွေစပါး စိုက်ပျိုးခဲ့စဥ်က မြေဆောင်မှိုရောဂါ၊ ပိုးမွှားကျခဲ့သောစိုက်ခင်းများအနေဖြင့် ပင်ကြွင်းပင်ကျန်များကို သေချာမရှင်းနိုင်ပါက ပင်ကြွင်းပင်ကျန်များမြန်မြန်ဆွေးမြည့်စေရန် အီးအမ် (EM)ကြိုတင်ထည့်ထားပါ။ 
• ပုလဲမြေဩဇာ+ ဖွဲနုကို သမအောင်ရောမွှေပြီး ကောက်ရိုးနဲ့ရိုးပြတ်များပေါ်သို့ အရင်နှံ့စပ်အောင် ပက်ပေးပါ။ 
• ပြီးနောက် အီးအမ်အပြင်း ၁ လီတာစီကို ရေဂါလံ (၂၀) ခန့်နှင့်ရောပြီး လယ်ကွင်းအနှံ့ပက်ပေးပါ။ 
• အားလုံးပြီးပါက ကောက်ရိုးနှင့်ရိုးပြတ်များရေမြုပ်အောင် ရေချက်ချင်းသွင်းပေးပါ။ 
• ကောက်ရိုးနဲ့ ရိုးပြတ်များကို စက်ဖြင့်ဖိကြိတ်ပြီး ရေနစ်မြုပ်အောင်နှပ်ထားပေးပါ။ 
• မြေချဥ်ငန်ကိန်းပြုပြင်လိုသော စိုက်ခင်းမြေများအနေဖြင့် တစ်လခန့်ကြိုတင်ထုံးထည့်ပြီး ထယ်မှောက်ထားသင့်ပါတယ်။ 

ငါး/ပုစွန် ကန်များအတွက်အကြံပြုချက်   

• ရုတ်တရက် မိုးရွာသွန်းသော အချိန်တွင် ကန်ရေ၏ချဉ်ဖန်နှုန်းကျဆင်းခြင်း၊ ကန်ရေအပူချိန် ကျဆင်းခြင်းတို့ကြောင့် အစာကျွေးခြင်းကို ခေတ္တရပ်ဆိုင်းထားကြရပါမည်။ နေ့ပွင့်ချိန်မှာ ပြန်ကျွေးနိုင်ပါသည်။ 
• မိုးရွာပြီး နောက်တစ်နေ့တွင် ကန်ရေ၏ချဉ်ဖန်နှုန်းကို ပြန်လည် တိုင်းတာပြီး ကျဆင်းနေပါက တစ်ဧက လျှင် ထုံး (၁၅)ပိဿာ ပြန်လည်ထည့်သွင်းပေးသင့်ပါသည်။  
• ကန်ရေဩဇာဓါတ်လည်း ကျဆင်းပျောက်ဆုံးခြင်းများလည်း ကြုံတွေ့ရပါမည်။ ထို့ကြောင့် မိုးရွာသွန်း ပြီးနောက် ရေကြည်နှုန်း (၁၈)လက်မကျော်နေပါက ပုလဲနှင့်တီစူပါ မြေဩဇာများပြန်လည်ထည့်သွင်းပေးပါရန် အကြံပြုတင်ပြအပ်ပါသည်။  
• ဆက်လက်ပြီး ရေလုပ်ငန်းနှင့် ပတ်သတ်ပြီး အကြံဉာဏ်များ ရယူလိုပါက ထွက်တိုးဆော့ဝဲလ်တွင်မေးမြန်းနိုင်ပါသည်။ 

--------------- 

မိုးလေဝသအဖွဲ့ဝင်ရန် - https://htwettoe.com/organization/12 

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို 

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်. 

သီးနှံပေါက်စျေးကြည့်ရှုနည်း_ https://htwettoe.com/post/50437