ရန်ကုန်တိုင်း မေလ ၅ ရက် မှ မေလ ၁၁ ရက်အထိ မိုးလေဝသအခြေအနေ

မေလရဲ့ တတိယရက်သတ္တပါတ် ၁ ပတ်အတွင်း(မေလ ၁၁ ရက် မှ မေလ ၁၇ ရက်အထိ ၇ ရက်)မှာ မိုးဆက်ရွာသွားနိုင်ပါတယ်၊ အခုမြင်နေရတဲ့ အိန္ဒိယသမုဒ္ဒရာတောင်ဘက်ခြမ်းနဲ့ မြောက်ဘက်ခြမ်းကို ဆက်စပ်တိုက်ခတ်နေတဲ့ လေစီးကြောင်းပုံအရ ၂၀၂၄ ခုနှစ် မုတ်သုံစတင်ဝင်ရောက်ချိန်(၂၀၂၄ ခုနှစ်၊ မေ ၁၉-၂၀ ရက်မှာ) တွေ့ရတဲ့ လေစီးကြောင်းပုံနဲ့တူလာပါတယ်။ ဒီအခြေအနေက အနောက်တောင်မုတ်သုံလေ မြန်မာနိုင်ငံတောင်ပိုင်းဒေသတွေကို စတင်ဝင်ရောက်ပြီး မိုးရာသီအစပျိုးတော့မယ်ဆိုတဲ့ လက္ခဏာပါဘဲ။မုတ်သုံလေ စ ဝင်တဲ့အချိန်တွေမှာ ပြီးခဲ့တဲ့နှစ်များမှ စတင်ပြီး ဆိုင်ကလုန်းမုန်တိုင်းဖြစ်ပေါ်ပြီး၊ မြန်မာနိုင်ငံကို တိုက်ရိုက်ဝင်ရောက်မှုရှိသလို၊ မဝင်ရောက်ပဲ ဘင်္ဂလားပင်လယ်အော်မြောက်ပိုင်းက အိန္ဒိယနိုင်ငံ-အနောက်ဘင်္ဂလားပြည်နယ်နဲ့၊ ဘင်္ဂလားဒေ့ရှ်နိုင်ငံကမ်းခြေတွေဆီ ဦးတည်ရွေ့လျားဝင်ရောက်တာလဲ ရှိပါတယ်။ မည်သို့ဆိုစေ၊ မုန်တိုင်း/လေဖိအားနည်ရပ်ဝန်းရဲ့ ညာဘက်ခြမ်းမှာရှိနေတဲ့ မြန်မာနိုင်ငံအတွက် မိုး/လေ သက်ရောက်မှုတွေက မိုးဦးကျချိန်မှာ ပိုများနေတတ်ပါတယ်။ ပြီးခဲ့တဲ့၂၀၂၄ ခုနှစ် မိုးဦးကျချိန်မှာ ဘင်္ဂလားပင်လယ်အော်မြောက်ဘက်ကမ်းခြေတွေကို ဖြတ်ကျော်ဝင်ရေက်ခဲ့တဲ့ ဆိုင်ကလုန်းမုန်တိုင်း REMAL ရဲ့ သက်ရောက်မှုက ကချင်ပြည်နယ်အတွင်းမှာ မိုးများစေပြီး ဧရာဝတီမြစ်နဲ့ ချင်းတွင်းမြစ်များရဲ့ ပထမ ရေကြီးကာလဖြစ်သွားခဲ့တယ်ဆိုတာ မေ့ထားလို့ မရပါ။

ဒီ ၁ ပါတ်အတွင်း ရန်ကုန်တိုင်းရဲ့ နေ့အပူချိန်အမြင့်ဆုံး ၃၇°C အထိရှိနေနိုင်ပြီး အနိမ့်ဆုံးအပူချိန်က ၂၇°C ရှိနေနိုင်ပါမယ်။

အမြင့်ဆုံးလေထုစိုထိုင်းဆ ၇၀% ဝန်းကျင်မှာရှိနေနိုင်ပြီး ခံစားရတဲ့အပူချိန် Apparent Temperature or Temperature Feels-like က ၄၀°C အထက်ရှိနိုင်မဲ့ ရက်တွေ တွေ့ရပါတယ်။



Win Naing

Administration Team,

MMWEATHER,

https://www.mmweather.org/home

ရန်ကုန်တိုင်းဒေသကြီးအတွင်းရှိ မိုးစပါးစိုက်တောင်သူများပြင်ဆင်ထားနိုင်ရန်

စိုက်ပျိုးရေးဆိုင်ရာအကြံပေးချက်

မိုးရာသီတွင် ပေါင်းများသည်နှိမ်နင်းရခက်သောအဓိကပြဿနာဖြစ်သောကြောင့် လယ်မြေကိုထယ်နက်နက်ထိုး၍ ကြိုတင်ပြင်ဆင်ထားပါ။

နွေစပါးစိုက်ပျိုးခဲ့သော အခင်းများအနေဖြင့်ရိုးပြတ်များစိုက်ခင်းအတွင်းရှိနေပါက ကြိုတင်ထယ်မှောက်ပြီး လယ်ထဲထည့်ထားနိုင်သလို၊ ကောင်းကောင်းဆွေးမြည့်စေရန် အီးအမ်ကိုထည့်သွင်းပေးပါ။

မိုးစပါးမျိုးရွေးချယ်ရာတွင် အပင်ပေါက်နှုန်း၊ ဖုန်၊ခဲ၊သဲ ပါဝင်ခြင်းကင်းစင်မှုကလည်း အရေးကြီးသလို မိမိတို့ရွေးချယ်သည့်မျိုးတွင် မျိုးစေ့ဆောင်ရောဂါ (ဂုတ်ကျိုး၊ ရွက်ညိုပြောက်၊ ဘက်တီးရီးယား ရောဂါ) ကင်းစင်ဖို့ကလည်း အရေးကြီးပါတယ်။

ဒါကြောင့်မိမိတို့ရွေးချယ်ဝယ်ယူမည့်မျိုးစေ့များ၏ အရင်းအမြစ်ကိုသေချာလေ့လာစုံစမ်းပြီးမှ ဝယ်ယူဖို့အကြံပြုလိုက်ပါတယ်။

ငါး/ပုစွန် ကန်များအတွက်အကြံပြုချက်

ငါးမွေးမြူရေးလုပ်ငန်းမှာ ငါးကန်သန့်ရှင်းအောင် ဆောင်ရွက်ခြင်းသည် အရေးကြီးသော အချက်တွေထဲတွင် ပါဝင်ပါတယ်။ ဒါကြောင့်မို့လို့ ငါးမွေးမြူရေးလုပ်ကိုင်သူတိုင်း သိသင့်သော ဆောင်ရန်နှင့်ရှောင်ရန်အချက်ကို မျှဝေပေးလိုက်ပါတယ်။

အစာပမာဏကို လိုအပ်သည့်ပမာဏအတိုင်းသာတွက်ချက်၍ ကျွေးပေးခြင်း

- အစာကျွေးတဲ့အခါမှာ ငါးကန်ထဲမှာရှိတဲ့ ငါးအရေအတွက်နှင့် ငါးအလေးချိန်ပေါ်မှုတည်ပြီး လိုအပ်တဲ့ အစာပမာဏတိုင်းသာ တွက်ချက်ပြီး ကျွေးပေးဖို့လိုပါတယ်။

- ဒါ့အပြင် ကန်ထဲတွင် အစာအကြွင်းအကျန်မရှိအောင်လည်း ဂရုစိုက်ရပါမယ်။

- အစာအကြွင်းအကျန်များမယ်ဆိုရင် အပင်မျှော(Phytoplankton) ပေါက်ပွားမှုများလာခြင်း၊ အစာအကြွင်းအကျန်များ ပုပ်ပွပျက်စီးပြီး အမိုးနီးယား (Ammonia) ထွက်ခြင်းနှင့် ညအချိန်တွင်ငါးကန်ရေမှာပျော်ဝင်နေသောအောက်စီဂျင် (Dissolved Oxygen)သည် လုံလောက်သော ပမာဏတွင်မရှိတော့သောကြောင့် Oxygenကျခြင်း စသည်တို့ကိုဖြစ်ပေါ်စေနိုင်ပြီး ကန်ထဲရှိ ငါးများ သေဆုံးတာမျိုး ဖြစ်တတ်ပါတယ်။

ရေလုပ်ငန်းနှင့်ပတ်သတ်ပြီး ဆွေးနွေးတိုင်ပင်လိုပါက ထွက်တိုးကောစင်တာ 09977910000သို့ ဆက်သွယ်နိုင်ပါသည်။

----

ထွက်တိုး Telegram Channel ဝင်ရန် နှိပ်ပါ - https://t.me/htwettoe

ထွက်တိုး Download ရယူရန် - https://bit.ly/htwettoev2

ထွက်တိုး၏စီးပွားဖြစ်ငါးမွေးမြူရေးအဖွဲ့ - https://www.facebook.com/groups/4200052776702483 https://htwettoe.com/organization/4

တွင် လေ့လာနိုင်ပြီး ဝင်ရောက်ဆွေးနွေး နိုင်ပါကြောင်းသတင်းကောင်းပါးအပ်ပါသည် ခင်ဗျာ။