ဆိတ်မွေးမြူရေးတွင် စီးပွားရေးထိခိုက်သည်အထိဖြစ်စေတတ်သော သံကောင်များ

ဆိတ်မွေးမြူရေးတွင် အဓိကမဖြစ်မနေ လုပ်ဆောင်ပေးရမည့် အရာမှာ Gastrointestinal nematodes (roundworms) ဟုခေါ်သော သံကောင်များ ချပေးခြင်းပင်ဖြစ်သည်။ သံချပေးရာတွင် တစ်နှစ်လျှင် ၆ ကြိမ်အထိ ချပေးနိုင်ပါသည်။ ဆိတ်မွေးမြူရေးတွင် သံကောင်ပြင်းထန်စွာ ကျရောက်ခြင်းသည် ဆိတ်များဖျားနာခြင်း၊ သေဆုံးခြင်းများ ဖြစ်နိုင်သည့်အတွက် စီးပွားရေး ထိခိုက်သည်အထိ သက်ရောက်နိုင်ပါသည်။ မွေးပြီး ၁ လ အတွင်း မိခင်ဆိတ်မဆီမှတဆင့် ကူးစက်လာပါက ကိုယ်ခံအားနည်းသွားတတ်ပါသည်၊ အသက် ၃ လ မှ ၆ လ အတွင်းသည် မိခင်နို့ရပ်၍ စားသောက်မှုစတင်ပြောင်းလဲလိုက်ခြင်းကြောင့် ကိုယ်ခံအားကျဆင်းကာ သံကောင်ကျရောက်မှု အများဆုံးအချိန်ဖြစ်ပါသည်။ သံကောင်များသည် အသက် ၆ လ ကျော်အထိ ကျရောက် နိုင်စွမ်းရှိသည့်အတွက် မွေးပြီး ၆ လအရွယ်အထိ သံကောင်မကျရောက်စေရန် အထူးဂရုစိုက် ပေးရမည်။ ထို့အပြင် သံကောင်ကာကွယ်ဆေးကို မွေးပြီး ၆ ပတ်မှ ၈ ပတ်အတွင်း နို့ဖြတ်၍ အစာစားချိန်တွင် ကာကွယ်ဆေးစတင်ထိုးပေးနိုင်ပါသည်။ အရွယ်ရောက်သံကောင်သည် ဆိတ်၏ အူထဲတွင်နေထိုင်ပြီး ထောင်ပေါင်းများစွာသော သံကောင်ဥများ အုတတ်ကြသည်။ ထိုဥများသည် ဆိတ်မစင်နှင့်အတူ ပါသွားပြီး ဥအဖြစ်မှ အခြေအနေပေးလာပါက သားပေါက်ပြီး သားလောင်း အဆင့်တွင် ဆိတ်များစားသုံးရာ အစာများမှတဆင့် ကူးစက်ပျံ့နှံ့တတ်ကြသည်။ ထိုဖြစ်အတိုင်း သံကောင်၏ ဘဝစက်ဝန်း လည်ပတ်၍ ဆိတ်များအား ကပ်ပါးပြုနေထိုင်ကြသည်။ သံကျနေသောဆိတ်များ၏ လက္ခဏာများမှာ- 

• အစာစားချင်စိတ်မရှိခြင်းနှင့် အူလမ်းကြောင်းလုပ်ဆောင်မှုမကောင်းခြင်းများကြောင့် အရွယ် မကြီးလာခြင်း ၊ ကိုယ်အလေးချိန် လျော့နည်းလာခြင်း။ 
• နို့ထွက်အားနည်းလာခြင်း။ 
• ဝမ်းလျှောခြင်း။ 
• သွေးအားနဲလာခြင်း။ 
• ရုတ်တရက်သေဆုံးခြင်း။ တို့ဖြစ်တတ်ပါသည်။  

ထို့ကြောင့် မွေးမြူထားသောဆိတ်များ သံကောင်ကင်းစင်နေစေရန်အတွက် စားကျက်မြေများ ပြောင်းလဲပေးခြင်း၊ ဆိတ်ခြံအတွင်း မစင်များအားစနစ်တကျ သန့်ရှင်းပေးခြင်းများ လုပ်ဆောင်ပေးရမည်။ Fenbendazole နှင့် Ivermectin ပါဝင်သော သံချဆေးများကိုလဲ နားလည်တတ်ကျွမ်းသော တိရစ္ဆာန်ဆရာဝန်များအား တိုင်ပင်၍ တိုက်ကျွေးပေးရမည်။  

အင်တာနက်စာမျက်နှာမှ ကိုးကားသည်။ 

ထွက်တိုး Telegram Channel ဝင်ရန် နှိပ်ပါ - https://t.me/htwettoe 

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်း နိုင်ပါ ကြောင်းသတင်းကောင်းပါလိုက်ပါတယ်။ 

ထွက်တိုးမဲလက်မှတ်လဲခြင်း အစီအစဉ်လေ့လာရန် - https://htwettoe.com/post/54350 

အမှတ်စစ်နည်းကို လေ့လာရန် https://htwettoe.com/post/52857