မိုးရာသီအတွင်း ပိုးသတ်ဆေးဖျန်းရာတွင် လိုက်နာရမည့်အချက်များ

• မိုးရွာနေချိန် သို့မဟုတ် မိုးရွာခါနီးအချိန်တွင် ဖျန်းပါက ဆေးရည်သည် ရေနှင့်အတူ မျောပါသွားနိုင်ပြီး ဆုံးရှုံးနိုင်သောကြောင့် မိုးမရွာမီ အနည်းဆုံး ၂ နာရီခန့်အလိုတွင် ဖျန်းသင့် ပါသည်။ မိုးရွာသွန်းချိန်အား ခန့်မှန်းနိုင်ရန် မိုးလေဝသကြိုတင်ခန့်မှန်းချက်များကိုလေ့လာပါ။ 
• လေတိုက်လျှင် ဆေးရည်ပြန့်နှံ့မှု မညီညာဘဲ ဆေးရည်ပျံလွင့်ခြင်းကြောင့် သက်သာမှုမရှိနိုင်ပါ။ မနက် ၆ နာရီမှ ၉ နာရီအတွင်း သို့မဟုတ် ညနေ ၄ နာရီမှ ၆ နာရီအတွင်း အပူချိန် နည်း၍လေငြိမ်နေသောအချိန်တွင် ဖျန်းပေးပါ။ 
• ပိုးသတ်ဆေးသည် ဓာတုပစ္စည်းဖြစ်သောကြောင့် ကိုယ်တိုင်သုံးစွဲသူအား ရောဂါဖြစ်စေ နိုင်သည့်အတွက် ဆေးဖျန်းချိန်တွင် N95 Mask သို့မဟုတ် တင်းကျပ်သော Mask၊ မျက်မှန်၊ လက်အိတ်၊ အင်္ကျီလက်ရှည် နှင့် ခြေစွတ်ဖိနပ်တို့အား ဝတ်ဆင်ပါ။ 
• ကလေးငယ်များ၊ သက်ကြီးသူများနှင့် အိမ်မွေးတိရစ္ဆာန်များသည် ဓာတုပစ္စည်းများအား ခံနိုင်ရည်နည်းသည့်အတွက် ဆေးဖျန်းချိန်တွင် ရှောင်ဖယ်ခိုင်းပါ။ မိုးရာသီတွင် သက်တမ်းရှည်ကြာပြီးစိမ့်ဝင်မှုကောင်းသော ဆေးရည်များကို သုံးပေးပါ။ ဥပမာ - Pyrethroid Class: (Deltamethrin, Lambda-cyhalothrin) နှင့် Organophosphate Class: (Chlorpyrifos) 
• ဓာတုဆေးများကို သတ်မှတ်ထားသောအညွှန်းထက် ပို၍အသုံးပြုခြင်း၊ အခြားသော ဓာတုဆေးများဖြင့် ရောစပ်အသုံးပြုခြင်းသည် ထိရောက်မှုမရှိဘဲ ဆေးလောင်ခြင်းများ ဖြစ်ပေါ်စေနိုင်၍ ဖော်ပြပါဆေးညွှန်းအတိုင်း အသုံးပြုပေးပါ။  
• ဓာတုပစ္စည်းများသည် အရေပြားမှစ၍ ခန္ဓာကိုယ်အတွင်းဝင်နိုင်သောကြောင့် ဆားပါးရေဖြင့် လက်များကို ဆေးကြောခြင်း၊သို့မဟုတ်  ချက်ချင်း ရေချိုးခြင်းများပြုလုပ်ပေးပါ။ 
• မှတ်ပုံမတင်ထားသော /အရည်အသွေးမပြည့်မှီသော ဓာတုဆေးများ အသုံးပြုခြင်းမှ ရှောင်ကြဥ်ပါ။ 
• ပိုးသတ်ဆေးများ အသုံးပြုမည်ဆိုပါက သက်ဆိုင်ရာဌာနများနှင့် နီးစပ်ရာစိုက်ပျိုးရေးပညာရှင် များအား တိုင်ပင်၍အသုံးပြုပေးရန် လိုအပ်ပါသည်။ 

ထွက်တိုး Telegram Channel ဝင်ရန် နှိပ်ပါ - https://t.me/htwettoe   

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်း နိုင်ပါ ကြောင်းသတင်းကောင်းပါလိုက်ပါတယ်။   

ထွက်တိုးမဲလက်မှတ်လဲခြင်း အစီအစဉ်လေ့လာရန် - https://htwettoe.com/post/54350   

အမှတ်စစ်နည်းကို လေ့လာရန် https://htwettoe.com/post/52857