မုန်တိုင်းတွေတွေ့ပြီး မြန်မာပြည်ဘက်ကို လာမှာလား? မေးနေကြသူများ ဖတ်စေလို

၂၀၂၅ ခုနှစ်ရဲ့၊ မိုးဦးကာလနဲ့ မိုးလယ်ကာလအတွင်းမှာ -

အိန္ဒိယသမုဒ္ဒရာမြောက်ပိုင်းက ဘင်္ဂလားပင်လယ်အော်၊ ကပ္ပလီပင်လယ်နဲ့အာရေဗျပင်လယ်တွေမှာ မုန်တိုင်းတလုံးမှ မဖြစ်သေးသော်လည်း၊ ပစိဖိတ်သမုဒ္ဒရာအနောက်မြောက်ပိုင်းက တောင်တရုတ်ပင်လယ်၊ ဖိလစ်ပိုင်ပင်လယ်နဲ့ ဂျပန်ပင်လယ်တွေဘက်မှာ မုန်တိုင်းတွေ စောစောစီးစီး အစီအရီဖြစ်လာတာတွေ့ရပါတယ်။ ပထမဆုံး အားကောင်းတဲ့အပူပိုင်းမုန်တိုင်း WUTIP ကြောင့် တရုတ်ပြည်မ(GUANGZHOU)မှာ ဆိုးရွားတဲ့ ရေကြီးရေလျှံမှုတွေဖြစ်ခဲ့ပါတယ်။

🔸 အနောက်တောင်မုတ်သုံလေရုတ်တရက်အားကောင်းလာပြီး၊ မုတ်သုံအဝင် ၉ ရက်ခန့်စောတဲ့ "MONSOON SURGE ဖြစ်စဉ်"က ဒီနှစ်ရဲ့ ထူးခြားတဲ့ရာသီဥတုဖြစ်စဉ်တခုအနေနဲ့ မှတ်သားရပါတယ်။

မုန်တိုင်းတွေကိုတွေ့ပြီး မြန်မာပြည်ဘက်ကို လာမှာလား? လို့ မေးနေကြသူများအတွက်(မေးကြဦးမှာကိုကြိုသိနေလို့ပါ) မြေပုံထည့်ပေးထားပါတယ်။

🔸 ဘင်္ဂလားပင်လယ်အော်နဲ့ ကပ္ပလီပင်လယ်တွေမှာမှ မုန်တိုင်းမဖြစ်သေးရင် မြန်မာပြည်ဘက်ကိုဦးတည်ရွေ့လျားပြီးဝင်နိုင်တဲ့ မုန်တိုင်းလဲ ၁ လုံးမှရှိမှာမဟုတ်ပါ။

အဲ့ဒီအစား ဇူလိုင် ၆ ရက်နေ့မှာ တောင်တရုတ်ပင်လယ်က ဒီနှစ်ရဲ့ ပထမဆုံးတိုင်ဖွန်းမုန်တိုင်းဖြစ်လာနိုင်တဲ့ DANAS သက်ရောက်မှုက အနောက်တောင်မုတ်သုံလေအားဆက်လက်ကောင်းနေစေမှာဖြစ်ပြီး -

💦 ကချင်ပြည်နယ်နဲ့ စစ်ကိုင်းတိုင်းအထက်ပိုင်းဒေသတွေ၊ မြန်မာ့ကမ်းရိုးတန်းတွေ(ရခိုင်ကမ်းရိုးတန်း၊ မြစ်ဝကျွန်းပေါ်ကမ်းရိုးတန်းနဲ့ မွန်-တနင်္သာရီကမ်းရိုးတန်းတလျှောက်က ဒေသတွေမှာ မိုးသည်းထန်တာ၊ ၂၄ နာရီအတွင်းရွာသွန်းရရှိနိုင်မည့်မိုးရေချိန်များတာတွေ ဇူလိုင်လ လလယ်ပိုင်းအထိ ဆက်လက်ဖြစ်ပေါ်နေပါဦးမယ်။

၄ ရက် ကြိုတင်ခန့်မှန်းချက်တွေကိုကြည့်ကြပါ - https://www.mmweather.org/divisional-cities-weather

(ဇူလိုင်လ ၅ ရက် နေ့လည် ၁၂၀၀ နာရီ)

reference post link: https://www.facebook.com/uwinnaing/posts/pfbid0QnohBn9fMbTHvXD78EfxWhkfm6DK47bjGdWBuyUj7fej7ydBqNwXaEJX2UiqEtFUl

Win Naing

Administration Team,

MMWEATHER,

https://www.mmweather.org/home

------ 

မိုးလေဝသအဖွဲ့ဝင်ရန် - https://htwettoe.com/organization/12 

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို 

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်. 

သီးနှံပေါက်စျေးကြည့်ရှုနည်း_ https://htwettoe.com/post/50437