ရန်ကုန်တိုင်း ဇူလိုင်လ ၇ ရက် မှ ဇူလိုင်လ ၁၃ ရက်အထိ မိုးလေဝသအခြေအနေ

ဘင်္ဂလားပင်လယ်အော်မြောက်ပိုင်း၊ အိန္ဒိယနိုင်ငံအရှေ့မြောက်ပိုင်း၊ အနောက်ဘင်္ဂလားပြည်နယ်နှင့်ဩရိဿပြည်နယ်တို့၏ကမ်းရိုးတန်း-ကုန်းတွင်းမှာ လေဖိအားနည်းရပ်ဝန်းတစ်ခု ဖြစ်ပေါ်လျှက်ရှိကြောင်း၊ နောက်လာမည့် ၄၈ နာရီ မှ ၇၂ နာရီ(၂ ရက် ၃ ရက်အတွင်း)အနောက်-အနောက်မြောက်ဘက်သိုဆက်လက်ရွေ့လျားနိုင်ကြောင်း အိန္ဒိယမိုးလေဝသဌာနမှ ဇူလိုင် ၆ ရက် နံနက် ၉ နာရီခွဲမှာထုတ်ပြန်ကြေညာပါတယ်။ 

ယခုရက်သတ္တပါတ် ၁ ပါတ်အတွင်းမှာ နံနက်အစောပိုင်း၊ မွန်းလွဲ/ညနေပိုင်းနဲ့ ညအချိန်တွေ အပူချိန်ကျဆင်းပြီး ငွေ့ရည်ဖွဲ့အမှတ်နဲ့နီးစပ်ကိုက်ညီချိန်များရောက်တိုင်း အနောက်တောင်မုတ်သုံမိုးပုံမှန်ရွာသွန်းနေနိုင်ပြီး နေ့စဉ် ၂၄ နာရီမိုးရေချိန် ၁ လက်မ ခန့်သာရွာနိုင်ပြီး မိုးနည်းနေနိုင်ပါမယ်။ 

ရန်ကုန်တိုင်းအတွင်း အနောက်-အနောက်တောင်ဘက်မှ လေတိုက်နှုန်း ၁ နာရီ ၅ မိုင်ခန့်မှ မိုင် ၂၀ခန့် ရှိနိုင်ပြီး လေပြင်းကျနိုင်သည့် အခြေအနေမရှိပါ။ 

အမြင့်ဆုံးနေ့အပူချိန် ၃၄°C နဲ့ အနိမ့်ဆုံးညအပူချိန် ၂၆°C ရှိကာ လေထုစိုထိုင်းဆ ၈၀% မှ ၉၀% ရှိနိုင်တာကြောင့် ခံစားရတဲ့အပူချိန်(temperature feels like)က ညနေပိုင်းအချိန်များအတွင်းလေတိုက်နှုန်းကျဆင်းချိန်မှာ ၃၉°C အထိ ပူအိုက်နေနိုင်ပါမယ်။ 

ရန်ကုန်တိုင်းရဲ့ အခုတစ်ပါတ်လေထုညစ်ညမ်းမှုအညွှန်းကိန်း(AQI)အခြေအနေက နံနက်အရုဏ်တက်အချိန်တွေမှာ 30 ရှိနိုင်ပြီး ကျန်တဲ့အချိန်တွေမှာ 10 to 20 သာရှိနိုင်တာကြောင့် အန္တရာယ်ရှိတဲ့အဆင့်မှာမရှိပါ။ 

လေထုအတွင်း ကာဗွန်မိုနောက်ဆိုဒ်(CO)ပါဝင်မှုပမာဏက ည ၉ နာရီနောက်ပိုင်းမှ နံနက်အစောပိုင်းအချိန်များအထိ သတိထားသင့်တဲ့ပမာဏ 200 ppbv ထက်ကျော်လွန်ပြီး 500 ppbv အထိရှိနေတာတွေ့ရပါတယ်၊ 

အန္တရာယ်မြင့်မားတဲ့ ပါဝင်မှု 800 ppbv ထက်ကျော်လွန်ပြီးပါဝင်နေတာတော့ မတွေ့ရပါ။  

*Concentrations of carbon monoxide are expressed in parts per billion by volume (ppbv). A concentration of 1 ppbv means that for every billion molecules of gas in the measured volume, one of them is a carbon monoxide molecule. 

Win Naing 

Administration Team, 

MMWEATHER, 

https://www.mmweather.org/home 

ငါးမွေးမြူရေး အကြံပြုချက် 

ယခုတစ်ပတ်အတွင်း မိုးရွာသွန်းမှုများတဲ့အတွက် ငါးမွေးတောင်သူကြီးများ အနေဖြင့် မိမိရဲ့ ကန်မှာ ရေလျှံပေါက်များထားပေးဖို့ အဓိကအကြံပြုလိုပါတယ် ခင်ဗျာ။ တစ်ဆက်တည်းမှာဘဲ ဆက်တိုက် မိုးရွာသွန်းသဖြင့် နေရောင်မရဖြစ်ကာ အပင်မျှောလေးများ အစာမချက်နိုင်တဲ့အတွက် ရေဩဇာကျသွားတတ်ပြီး ယင်းအပေါ် မ စိုးရိမ်ကျဖို့ တိုက်တွန်းလိုပါတယ်။ နေရောင်ရသော ရက်များတွင် ရေဩဇာပြန်လည် တက်နိုင်ပါကြောင်း အသိပေးလိုပါတယ်။ 

နောက်တစ်ခုကတော့ အစားကျွေးခြင်းကို ပုံမှန်ကျွေးနှုန်းထက် ၃ ပုံ တစ်ပုံသာ ကျွေးဖို့ တိုက်တွန်း လိုက်ရပါတယ်။ အပူချိန် ကျဆင်းခြင်း၊ မိုးအုံ့ခြင်း၊ မိုးများခြင်း စတဲ့အခြေအနေများတွင် ငါးများဟာ တက်ကြွ လှုပ်ရှားမှုနည်းပြီး အစာစားနှုန်းလည်း နည်းလာတဲ့အတွက် အဆိုပါအခြေအနေတွင် အစာလျော့ကျွေးဖို့ အကြံပြု တိုက်တွန်းလိုက်ရပါတယ် ခင်ဗျာ။ 

------- 

မိုးလေဝသအဖွဲ့ဝင်ရန် - https://htwettoe.com/organization/12 

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို 

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်. 

သီးနှံပေါက်စျေးကြည့်ရှုနည်း_ https://htwettoe.com/post/50437