မြန်မာနိုင်ငံ မိုးများခြင်း၊ ရေကြီး/ရေလွှမ်းခြင်းအခြေအနေများ

ဇူလိုင် ၂၄ ရက်နေ့တွင် မိုးသည်းထန်ခြင်းနှင့် ရွာသွန်းသောမိုးရေချိန်များခြင်းအပြီးတွင် မြဝတီမြို့၊ သောင်ရင်းမြစ် ရေကြီး/ရေလွှမ်းနိုင်ခြင်း သတိပေးချက် ALERT LEVEL သည် အဝါရောင်အဆင့်တွင် ဩဂုတ်လ ၇ ရက်အထိ ဆက်လက်တည်ရှိနိုင်ပါသည်။

GloFAS(Global Flood Awareness System)၏ ဇူလိုင် ၂၃ ရက်နေ့ရရှိသော update အချက်အလက်များအရ၊ ပဲခူးတိုင်း၊ ကရင်ပြည်နယ်၊ မန္တလေးတိုင်း+နေပြည်တော်၊ ရှမ်းပြည်နယ်အတွင်း ရေလွှမ်းမိုးခြင်းကြောင့် ထိခိုက်နိုင်သည့် စိုက်ပျိုးမြေအကျယ်အဝန်း ကြိုတင်ခန့်မှန်းချက်ကို ပုံများတွင်ဖေါ်ပြထားပါသည်။

(ဇူလိုင် ၂၃ ရက် ညနေ ၅ နာရီ ၁၀ မိနစ်)

==========

"POSSIBLE FLASH FLOOD"

(ဇူလိုင် ၂၃ ရက် နေ့လည် ၂ နာရီ ၃၀)

မကွေးတိုင်း ပေါက်မြို့နယ်နှင့်၊ မန္တလေးတိုင်း ပုဂံ-ညောင်ဦး မြိ့နယ်များအတွင်းမှာ ယနေ့ ဇူလိုင် ၂၃ ရက် ည မှ ဇူလိုင် ၂၄ ရက် အထိ မိုးသည်းထန်နိုင်/မိုးများနိုင်ပါမယ်။

၂၄ နာရီအတွင်း ရွာသွန်းရရှိနိုင်တဲ့မိုးရေချိန် ၄ လက်မအထက်- ၅ လက်မနီးပါးခန့်အထိရှိနိုင်တာကြောင့် ရုတ်တရက်ရေကြီးနိုင်မည့်အခြေအနေ(FLASH FLOOD) ကို အထူးသတိထားရပါမယ်။

======

ဇူလိုင် ၂၄ ရက် နံနက်မှ စတင်၍ ဘင်္ဂလားပင်လယ်အော်အနောက်မြောက်ပိုင်း၊ ရခိုင်ပြည်နယ် စစ်တွေမြို့ အနောက်-အနောက်တောင်ဘက် မိုင် ၁၄၀ ခန့်တွင်လေဖိအားနည်းရပ်ဝန်းတခု ဖြစ်ပေါ်လျှက်ရှိသည်။

လေဖိအားနည်းရပ်ဝန်းအရှိန်ကြောင့် မြန်မာနိုင်ငံနေရာအနှံ့အပြားတွင် မိုးထစ်ချုန်းရွာနိုင်ပြီး ဒေသချို့တွင် နေရာကွက်၍ မိုးများနိုင်ပါသည်။

နေရာကွက်၍ မိုးများနိုင်(၂၄ နာရီ မိုးရေချိန် ၁.၂ လက် မ အထက် ၄ လက်မအောက် ရွာသွန်းရရှိနိုင်သည့်)ပြည်နယ်/တိုင်းဒေသများ -

တနင်္သာရီတိုင်း၊ မွန်ပြည်နယ်၊ ရခိုင်ပြည်နယ်၊ ပဲခူးတိုင်း-အရှေ့၊ နေပြည်တော်၊ ရခိုင်ကမ်းရိုးတန်းတောင်ပိုင်း၊ ရှမ်းပြည်နယ်၊ ကယားပြည်နယ်၊ ချင်းပြည်နယ်၊ မကွေးတိုင်း၊ စစ်ကိုင်းတိုင်းအထက်ပိုင်း၊ ကချင်ပြည်နယ်

မိုးအသင့်အတင့်(၂၄ နာရီ မိုးရေချိန် ၁.၂ လက်မ ဝန်းကျင်ရွာနိုင်သည့်)ဒေသများ -

ဧရာဝတီတိုင်း၊ ရန်ကုန်တိုင်း၊ ပဲခူးတိုင်း-အနောက်၊ စစ်ကိုင်းတိုင်းအောက်ပိုင်း၊ မန္တလေးတိုင်း၊ ရခိုင်ပြည်နယ်-မြောက်ပိုင်း

၄ ရက် ကြိုတင်ခန့်မှန်းကြည့်ရန် - https://www.mmweather.org/divisional-cities-weather

(ဇူလိုင် ၂၄ ရက် နံနက် ၁၀၃၀ နာရီ)

==========

Source: U Win Naing

Administration Team,

MMWEATHER,

https://www.mmweather.org/home

-----

မိုးလေဝသအဖွဲ့ဝင်ရန် - https://htwettoe.com/organization/12

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလိ

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

သီးနှံပေါက်စျေးကြည့်ရှုနည်း_ https://htwettoe.com/post/50437