ဝက် နဲ့ ခွာနာလျှာနာ ​ရောဂါ (Foot and Mouth Disease in Pig)

ဝက်မှာ ခွာနာလျှာနာ​ရောဂါဖြစ်လာရင် ​ရောဂါ နာမ်မည်အတိုင်းပဲ လျှာနဲ့ ခွာ​တွေမှာ အနာဖြစ်တာ ​တွေ့ရမှာပါ။ ပါးစပ်၊ လျှာ နဲ့ နှုတ်သီးမှာ အရည်ကြည်ဖု​တွေ​ပေါက်တာ၊ အရည်ကြည်ဖု​တွေက ​ပေါက်ပြဲသွားပြီး အနာဖြစ်တာ၊ ပါးစပ်မှာ သွားရည်မြှုပ်​တွေ ထ​နေတာ/ သွားရည်ကျ​နေတာ၊ ခွာပန်းကုံး​နေရာ​တွေမှာ အနာဖြစ်တာ​တွေ​ကြောင့် ​ခြေ/လက်​တွေ နာတာ၊ ​ထော့နင်း​ထော့နင်း ​လမ်း​လျှောက်တာ၊ လမ်းသိပ်မ​​လျှောက်​တော့ဘဲ ဝပ်​နေတာ၊ ခွာအထက်မှာ အနာဖြစ်ပြီး နီရဲ​ရောင်ရမ်း​နေတာ/ ညှီနံ့ သို့မဟုတ် ပုပ်နံ့ရ​နေတာ၊ အနာကို ယင်နား​နေတာ ​တွေ ​တွေ့ရတတ်ပါတယ်။ လျှာ အဖတ်​တွေ လန်ထွက်တာ၊ ခွာ​တွေ ကျွတ်ထွက်တာ​တွေ ​တွေ့ရတတ်ပါတယ်။

ကိုယ်ပူ ဖျား(၁၀၅ ဒီဂရီဖာရင်ဟိုက်​ခန့် )ပြီး လျှာနဲ့ ပါးစပ်က နာ​နေလို့ အစားလည်း မစားနိုင်ပါ။ ကိုယ်ဝန်​ဆောင် ဝက်မ​တွေဆိုရင် သား​လျှော သားပျက်တတ်ပါတယ်။ ဝက်​ပေါက်​လေး​တွေ ခွာနာလျှာနာ​ရောဂါဖြစ် အသက်အန္တရာယ် ထိခိုက်နိုင်ပါတယ်။

ခွာနာလျှာနာ​ရောဂါက ဗိုင်းရပ်စ်ပိုး​ကြောင့်ဖြစ်တာပါ။ အဓိက ပိုးမျိုးစိတ်​တွေက O, A, C, Asia 1, SAT 1, SAT 2 & SAT 3 ဆိုပြီး (၇) ခု ရှိပါတယ်။ မြန်မာနိုင်ငံမှာ​တော့ O မျိုးစိတ် ဗိုင်းရပ်စ်ပိုး​ကြောင့် ဖြစ်တာများပါတယ်။ A နဲ့ Asia 1 ပိုးမျိုးစိတ်​တွေ​ကြောင့်လည်း တခါတရံ ဖြစ်ပွားတာ ​တွေ့ရတယ်လို့ သိရပါတယ်။

​ခွာနာလျှာနာရောဂါဖြစ်​နေတဲ့ ဝက်နဲ့ တိုက်ရိုက် ထိ​တွေ့မိတာ၊ ​ရောဂါပိုးရှိ​နေတဲ့ သွားရည်၊ ​သွေး​တွေနဲ့ ထိ​တွေ့မိတာကလည်း ကူးစက်ပါတယ်။ ရောဂါပိုးရှိ​နေတဲ့ လူ၊ အရာဝတ္ထုပစ္စည်းများနဲ့ ယာဥ်​တွေကတဆင့်လည်း ကူးစက်ပါတယ်။ ​​ရောဂါပိုးပါတဲ့ လေက​နေလည်း ရှူသွင်းမိရင် ကူးစက်နိုင်ပါတယ်။

ဝက်ကို ခွာနာလျှာနာ​ရောဂါ ကာကွယ်​ဆေး ကြိုတင်ထိုးနှံ​ပေးပြီး ကာကွယ်နိုင်ပါတယ်။ ဇီဝလုံခြုံ​ရေးကို ဂရုစိုက် ​ဆောင်ရွက်ခြင်းဖြင့်လည်း ကူးစက်မှုကို ဟန့်တားကာကွယ်နိုင်ပါတယ်။

ခွာနာလျှာနာ​ရောဂါ ဖြစ်​နေတဲ့ ဝက်ကို သီးခြားခွဲထားပြီး ပြုစု ကုသ​ပေးရပါမယ်။ ကိုယ်ခံအား​ကောင်း​စေတဲ့ အင်တာဖရွန်​ဆေးထိုး​ပေးရပါမယ်။ ​အား​ဆေး​တွေ ထိုးရပါမယ်။ နောက်ဆက်တွဲ ဘတ်တီးရီးယား​ရောဂါ​တွေအတွက် နဲ့ အနာကျက်​စေဖို့အတွက် ​အောက်ဆီတထွာ၊ပင်စထရပ်လို ကုသ​ဆေး​တွေ ထိုးလို့ရပါတယ်။ အဖျားကျပြီး ​ရောင်ရမ်းနာကျင်တာ​တွေ သက်သာဖို့ အနာဂျင်၊ အနာဂျင်စီ၊ မယ်​လောက်ဇီကန်၊ ဒိုင်ကလို၊ ကီတိုဖန် စတဲ့ ​​ဆေး​တွေမှ တမျိုးမျိုးကို ထိုးနိုင်ပါတယ်။

အနာ​တွေအတွက် ​ကျောက်ချဥ်​သွေးလို့ရတဲ့လအရည်ဖြင့် ဖန်​ဆေး​ပေးတာ၊ အိုင်အိုဒင်း​ဆေးဝါရည်ဖြင့် ဖန်​ဆေး​ပေးတာ ဦးစွာ လုပ်​ပေးရမယ်။ ဆက်လက်၍ အီကို ၅၀၀၊ Violent Spray၊ လင်​မောက်ဇင် ဖြန်း​ဆေး၊ ချာ​မေးဖြန်း​ဆေး​တွေကို တ​နေ့ (၃) ကြိမ် ဖြန်း​ပေးလို့ ရပါတယ်။

ဖုန်၊ သဲ​တွေဝင်တာ၊ ညစ်ပတ်​နေတာ၊ ​​ရေ/မိုးစိုစွတ်​နေတာ၊ ယင်နားပြီး ​လောက်ဝင်​​နေတာ​တွေ မဖြစ်​အောင် ခွာ နဲ့ ပါးစပ်အနာ​တွေကို သန့်ရှင်းမှု နဲ့ ​ခြောက်​သွေ့မှုကို ​သေချာဂရုစိုက်ရပါမယ်။

ဒေါက်တာ​အောင်သူမျိုး (B.V.Sc.) (တဆမ - ၃၈၂၇ )

#FootandMouthDiseaseinPig

#ဝက်ခွာနာလျှာနာရောဂါ

ဆရာ့အား လေးစားစွာဖြင့် crd ပေးအပ်ပါသည်။

Original link - https://www.facebook.com/share/p/199SBfJJQL/

--------

မွေးမြူရေးနှင့်ပတ်သတ်သော ဆောင်းပါးများ၊ မွေးမြူရေးနည်းလမ်းများ၊ မွေးမြူရာတွင် သိထားသင့်သော အချက်များကို ပိုမိုလေ့လာလိုပါက ထွက်တိုးစိုက်မွေးဖုန်းဆော့ဝဲ https://htwettoe.com/download

ထွက်တိုး၏ စီးပွားဖြစ်မွေးမြူရေးအဖွဲ့ - https://www.facebook.com/groups/4200052776702483

တွင် လေ့လာနိုင်ပြီး ဝင်ရောက်ဆွေးနွေး နိုင်ပါကြောင်းသတင်းကောင်းပါးအပ်ပါသည် ခင်ဗျာ။