ဧရာဝတီတိုင်း တစ်ပတ်စာမိုးလေဝသခန့်မှန်းချက်နှင့် အကြံပြုချက်

(စက်တင်ဘာလ ၁၁ ရက် မှ စက်တင်ဘာလ ၁၇ ရက်အထိ မိုးလေဝသအခြေအနေ) 

အရှေ့/အနောက်ပင်လယ်ပြင်များတွင် ယခု ၁ ပါတ်အတွင်းဖြစ်ပေါ်နိုင်သည့် ထူးခြားသောမိုးလေဝသအခြေအနေ 

ယခု ၁ ပါတ်အတွင်း - 

·          စက်တင်ဘာလ ၁၂ ရက် မှာ ဘင်္ဂလားပင်လယ်အော် အနောက်အလယ်ပိုင်း၊ အိန္ဒိယနိုင်ငံ အန်ဒရာပရာဒက်ရှ်ပြည်နယ် ကမ်းရိုးတန်းအနီးပင်လယ်ပြင်မှာ အမြင့်ပေ ၅၀၀၀ နဲ့အထက်က လေပွေလှိုင်းတခုဖြစ်ပေါ်နိုင်ပြီး ၁၃ ရက်နေ့မှာ ကမ်းရိုးတန်းကိုဖြတ်ကျော်ကာ ကုန်းတွင်း(အိန္ဒိယနိုင်ငံအလယ်ပိုင်း)ကို ဆက်လက်ရွေ့လျားဝင်ရောက်သွားနိုင်ကြောင်း ECMWF, GFS, ICON model တွေရဲ့ ကြိုတင်ခန့်မှန်းချက်တွေမှာ တွေ့ရပါတယ်။ 

·          ဒီအခြေအနေကြောင့် စက်တင်ဘာလ ၁၅ ရက်နေ့အထိ ဘင်္ဂလားပင်လယ်အော်အနောက်အလယ်ပိုင်းနဲ့ တောင်ပိုင်းတွေမှာ အနောက်တောင်မုတ်သုံလေ အားအသင့်အတင့်မှ အားကောင်းနေပါမယ်။ ၁၅ ရက်နေ့မှ ၁၇-၁၈ ရက်များအထိ ဘင်္ဂလားပင်လယ်အော်တောင်ပိုင်းမှာသာ မုတ်သုံလေအားကောင်းနေနိုင်ပြီး ကျန်ဘင်္ဂလားပင်လယ်အော်မှာ မုတ်သုံလေအားအသင့်အတင့်မှ အားနည်းနေနိုင်ပါမယ်။ 

·          စက်တင်ဘာ ၁၁ ရက် မှ ၁၇ ရက်အတွင်း မြန်မာနိုင်ငံအထက်ပိုင်း ကချင်ပြည်နယ်၊ စစ်ကိုင်းအထက်ပိုင်းနှင့် ရှမ်းပြည်နယ်မြောက်ပိုင်းဒေသအချို့မှာ မိုးအသင့်အတင့်ရွာနိုင်ပြီး နေရာကွက်၍ မိုးများနိုင်ပါတယ်။ မြန်မာနိုင်ငံတောင်ပိုင်းနဲ့ အရှေ့ပိုင်းဒေသတွေမှာ မိုးအားလျော့နည်းနေနိုင်ပါတယ်။ 

ဧရာဝတီတိုင်းအတွင်း မိုးရွာသွန်းနိုင်သည့်အခြေအနေ 

·          စက်တင်ဘာ ၁၁ ရက် မှ ၁၇ ရက်အထိ ၇ ရက်အတွင်း ဧရာဝတီတိုင်းတခုလုံးရဲ့ မိုးရေချိန်အများဆုံး ၃ လက်မခန့်သာရှိနိုင်ပြီး၊ 

·          စက်တင်ဘာ ၁၅ ရက်နေ့မှာ ပုသိမ်၊ ကျုံပျော်၊ ဇလွန်၊ ဟင်္သာတ၊ မြန်အောင်၊ ကြံခင်း၊ ပန်းတနော်၊ ညောင်တုန်း၊ ဝါးခယ်မ၊ ကျောင်းကုန်း၊ မြောင်းမြ မြို့နယ်တွေမှာ ၂၄ နာရီအတွင်း မိုးရေချိန်ရရှိနိုင်မှု အများဆုံး ၀.၇ လက်မ ခန့် ရှိနိုင်ပါမယ်။ ကျန်တဲ့မြို့နယ်တွေမှာတော့ ၂၄ နာရီအတွင်းရွာသွန်းရရှိနိုင်တဲ့ မိုးရေချိန် ၀.၅ လက်အောက်သာရှိနိုင်ပါမယ်။ 

အပူချိန်၊ လေတိုက်နှုန်း၊ လေထုစိုထိုင်းဆနှင့် လေထုညစ်ညမ်းမှုအခြေအနေ 

·          ဧရာဝတီတိုင်းအတွင်း ယခု ၁ ပါတ် အမြင့်ဆုံးနေ့အပူချိန် ၃၂°C နဲ့ အနိမ့်ဆုံးညအပူချိန် ၂၅°C ရှိနိုင်ပြီး၊ ပင်လယ်ကမ်းရိုးတန်းအနီးက မြို့နယ်တွေမှာ အမြင့်ဆုံးအပူချိန် ၂၉°C နဲ့ အနိမ့်ဆုံးအပူချိန် ၂၇°C ရှိနိုင်ပါတယ်။ 

·          ကမ်းရိုးတန်းအနီးက မြို့နယ်/ကျေးရွာတွေမှာ အရှေ့တောင်ဘက်မှ လေတိုက်နှုန်း တနာရီ ၁၄ မိုင်ခန့်ရှိနိုင်ပြီး ကုန်းတွင်းပိုင်းမှာ အရှေ့ဘက်အရပ်မှ လေတိုက်နှုန်း တနာရီ ၁၀ မိုင်ခန့်ရှိနိုင်ပါတယ်။ 

·          ဧရာဝတီတိုင်းအတွင်း နံနက်/ညအချိန်တွေနဲ့ နေ့လည်ပိုင်းအချိန်တွေရဲ့ လေထုစိုထိုင်းဆ ၇၀% မှ ၁၀၀% အတွင်းမှာ ရှိနေနိုင်ပြီး လေထုစိုထိုင်းဆ များနေချိန်မှာ ခံစားရတဲ့အပူချိန် ၃၉°C အထိရှိနေနိင်ပါတယ်။ 

·          လေထုညစ်ညမ်းမှုအခြေအနေ(AQI value)က အများဆုံး ၃၀ ခန့်သာရှိနိုင်တာကြောင့် လေထုညစ်ညမ်းမှု မရှိပါ။ 

ဧရာဝတီတိုင်းအနောက်ဘက်နဲ့တောင်ဘက် ကမ်းနီးပင်လယ်ပြင်တွေမှာ အနောက်-အနောက်တောင်ဘက်မှ လေတိုက်နှုန်းအမြင့်ဆုံး တနာရီ ၁၅ မိုင်ခန့်နဲ့ လှိုင်းအမြင့် ၃ ပေ မှ ‌၄ ပေခန့်အထိ ရှိနိုင်ပါတယ်။ 

Win Naing 

Administration Team, 

MMWEATHER, 

 ငါးဒန်အစာကျွေးခြင်းဆိုင်ရာ အကြံပြုချက် 

ငါးဒန်သည် ငါးကြင်းအုပ်စုဝင်ငါးများထက် သဘာဝအစာဖြစ်သော အပင်မျှောလှေးနှင့် အကောင် မျှောလှေးများတွင် အကောင်မျှောလှေးကို ပိုမိုကြိုက်နှစ်သက်ပါသည်။ 

ထို့အပြင် ငါးကြင်းအုပ်စုဝင်ငါးများထက် အစာစားနှုန်းများပါသည်။ ငါးဒန်သည် အစုံစားသတ္တဝါဖြစ်ပြီး အသားဓါတ်ပါသော အစာကို ကြိုက်နှစ်သက်ပါသည်။ 

ဖြည့်စွက်စာကျွေးပါက ပရိုတိန်း ၂၅ရာခိုင်နှုန်းအထက်ပါသော အစာတောင့်ကိုကျွေးပါက ပိုပြီး ကောင်းမွန်ပါသည်။ ငါးဒန်သည် အစာကောင်းစွာ စားသုံးရပါက ကြီးထွားနှုန်းမြန်သော ငါးမျိုးစိတ် ဖြစ်ပါသည်။   

ဖြည့်စွက်စာကျွေးနည်းလေ့လာရန် လင့်ကို နှိပ်ပါ - https://htwettoe.com/post/44817