သစ်ခွပင်တွေကို ဘယ်လိုအိုးလဲပေးရမလဲ?

အိုးလဲရန် အသင့်တော်ဆုံး အချိန် ကတော့ နွေဦးပေါက်ကာလတွေနဲ့ အပွင့်ကျပီးပီးခြင်း အချိန်တွေက အကောင်းဆုံးပါပဲ ။ အိုးဖြင့်စိုက်သည့် သစ်ခွပင်များ နှင့် အုန်းဆံခွံထည့်ပြီး စိုက်သည့် သစ်ခွပင်တွေကို အဓိက ပြုလုပ် ပေးသင့် ပါတယ်။ 

သစ်ခွပင် အိုးလဲလှယ်စဉ် လိုက်နာရမည့် အချက်များ 

• ရေရှည်စိုက်ပျိုးရန်အတွက် သင့်လျော်သောအိုးကို ရွေးချယ်ပါ။ 
• ထည့်သွင်းမည့် ပွားစာကို စိုက်ပျိုးမည့်အပင်နှင့် ကိုက်ညီမှုရှိအောင် ရွေးချယ်ပါ။ရေဆင်းအား သိပ်မမြန်တဲ့ အဖက်သေးသေးတွေ သုံးနိုင်လျှင် ပိုကောင်းပါသည်။ အုန်းဆံခွံများကို ကောင်းစွာ နေပြပါ။ အုန်းဆံခွံများကို အမြစ်ကုပ်တွယ်အားကောင်းစေရန် ပွနေအောင် ထုပြီးမှ ပွားစာအနေ ဖြင့် အသုံးပြုပေးပါ။ 
• အိုးခွဲမစိုက်မီ (၃) ရက်ခန့် အလိုတွင် သစ်ခွပင်အား ရေအဝပေးပါ။ 
• အိုးအသစ်ထဲမှ ပွားစာများကိုလည်း ရေလောင်းပြီး အစိုဓါတ်ရှိအောင်ပြင်ဆင်ထားပါ။ 
• အမြစ်များထိခိုက်မှု မရှိစေရန် သစ်ခွပင်ကို ဂရုတစိုက်ထုတ်ယူပါ။ 
• အမြစ်တွင်ကပ်ကျန်နေသော ပွားစာအ‌ဟောင်းများကို ဖယ်ရှားပစ်ပါ။ 
• ပျက်စီး၊ ပုပ်ဆွေးနေသော အမြစ်များကို ပိုးသန့်ထားသော ကပ်ကြေးဖြင့် ဖယ်ထုတ်ပစ်ပါ။ 
• ရောဂါမကျအောင် မှိုသတ်ဆေးတစ်ခုခု ဖျန်းပေးပါ။ 
• သစ်ခွပင်ကို အိုးအသစ်ထဲသို့ နေရာပြောင်းပါ။ 
• ပန်းအိုးထဲသို့ ပွားစာအသစ်များထည့်ပါ။အုန်းဆံခွံပွ ၊ မီးသွေး ၊ အုတ်ခဲကျိုး တို့ကို ထည့်ပေးပါ။ 
• ပြောင်းရွှေ့စိုက်ပြီးသော အပင်ကို ရေပုံမှန်ထောက်ပံ့ပေးပါ။ 

 Source - Growing Windowsill Orchids by PHILIP SEATON, WH and Htwet Toe 

--------- 

ထွက်တိုး Telegram Channel ဝင်ရန် နှိပ်ပါ - https://t.me/htwettoe 

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်း နိုင်ပါ ကြောင်းသတင်းကောင်းပါလိုက်ပါတယ်။