မန္တလေးတိုင်း မိုးရွာသွန်းနိုင်မှုနှင့် စိုက်ပျိုး၊မွေးမြူရေးအကြံပြုချက်

ပင်လယ်ပြင်မှ ထူးခြားသည့်မိုးလေဝသအခြေအနေ 

ဘင်္ဂလားပင်လယ်အော် 

·         ဘင်္ဂလားပင်လယ်အော်မှာဖြစ်ပေါ်ခဲ့သော လေဖိအားနည်းရပ်ဝန်းသည် ရေပြင်ညီလေထုအလွှာတွင် အားလျော့သွားပြီး အမြင့်ပေ ၁၉၀၀၀ ကျော်တွင် အထက်လေပွေလှိုင်းအဖြစ် ဘင်္ဂလားပင်လယ်အော်အနောက်အလယ်ပိုင်းတွင် ဆက်လက်တည်ရှိနေပါတယ်။ 

·         ဘင်္ဂလာပင်လယ်အော်အရှေ့အလယ်ပိုင်း၊ မြန်မာကမ်းရိုးတန်းအနီးတွင်ဖြစ်ပေါ်ခဲ့သည့် အထက်လေပွေလှိုင်းသည် အနောက်ဘက်သို့ဆက်လက်ရွေ့လျားပြီး၊ ဘင်္ဂလားပင်လယ်အော်အလယ်ပိုင်းနှုင့်ဆက်စပ်လျှက်ရှိသည့် ဘင်္ဂလားပင်လယ်အော်မြောက်ပိုင်းမှာ နောက်လာမည့် ၁၂ နာရီအတွင်း လေဖိအားနည်းရပ်ဝန်းဖြစ်လာနိုင်ကြောင်း အိန္ဒိယမိုးလေဝသဌာနမှ စက်တင်ဘာ ၂၅ ရက်နေ့မှာထုတ်ပြန်ထားပါတယ်။ 

·         စက်တင်ဘာလ ၂၆ ရက်နေ့မှာ အဆိုပါလေဖိအားနည်းရပ်ဝန်းသည် ပိုမိုအားကောင်းလာပြီး Depression(အားကောင်းသောလေဖိအားနည်းရပ်ဝန်း) ဖြစ်လာနိုင်ကြောင်း၊ စက်တင်ဘာ ၂၇ ရက်နေ့မှာ ဩရိဿပြည်နယ်နှင့်အန်ဒရာပရာဒက်ရှ်ပြည်နယ်၊ နယ်စပ်အနီးမှ အိန္ဒိယကမ်းခြေကိုဖြတ်ကျော်ဝင်ရောက်သွားနိုင်ကြောင်း ဆက်လက်ထုတ်ပြန်ထားပါတယ်။ 

တောင်တရုတ်ပင်လယ် 

·         ဖိလစ်ပိုင်နိုင်ငံအရှေ့ဘက်ပင်လယ်မှာဖြစ်ပေါ်နေတဲ့ အားကောင်းသောအပူပိုင်းမုန်တိုင်း BUALOI(26W)သည် စက်တင်ဘာ ၂၅ ရက် ည ၀၀:၃၀ နာရီမှစတင်၍ ဖိလစ်ပိုင်နိုင်ငံကမ်းခြေကိုဖြတ်ကျော်ဝင်ရောက်ပြီး တောင်တရုတ်ပင်လယ်သို့ စက်တင်ဘာ ၂၆ ရက် ည၊ ၂၇ ရက် နံနက်အစောပိုင်းအချိန်မှာ စတင်ဝင်ရောက်လာနိုင်ပါတယ်။ 

·         တောင်တရုတ်ပင်လယ်အတွင်း၊ အနောက်-အနောက်မြောက်ဘက် ဗီယက်နမ်နိုင်ငံအလယ်ပိုင်းသို့ဆက်လက်ရွေ့လျားပြီး၊ စက်တင်ဘာ ၂၈ ရက် မြန်မာအချိန် နေ့လည်ပိုင်းတွင် ဗီယက်နမ်နိုင်ငံ ဒါနန်းမြို့အရှေ့မြောက်ဘက် မိုင်၉၀ ခန့်အကွာပင်လယ်ပြင်တွင် တိုင်ဖွန်းမုန်တိုင်းအဖြစ် ပိုမိုအားကောင်းလာနိုင်ပါတယ်။ 

·          စက်တင်ဘာ ၂၈ ရက် ညပိုင်းမှာ ဗီယက်နမ်နိုင်ငံကမ်းခြေကို Vinh မြို့အနီးမှ တိုင်ဖွန်းမုန်တိုင်းအဆင့်ဖြင့်ဖြတ်ကျော်ဝင်ရောက်ပြီး ကုန်းတွင်းမုန်တိုင်းအဖြစ် ဗီယက်နမ်နိုင်ငံနှင့် လာအိုနိုင်ငံတို့ကိုဖြတ်သန်းတိုက်ခတ်ပြီးနောက် လာအိုနိုင်ငံအလယ်ပိုင်းတွင်အားလျော့သွားကာ မုန်တိုင်းအကြွင်းအကျန်များသည် စက်တင်ဘာလ ၃၀ ရက်နေ့၊ နေ့လည်တွင် လာအို၊ မြန်မာနိုင်ငံ(ရှမ်းပြည်နယ်အရှေ့ပိုင်း)နှင့် တရုတ်ပြည်နယ်စပ်အထိ ဆက်လက်ရွေ့လျားနိုင်ကြောင်း JTWC ၏ မုန်တိုင်းလေတိုက်နှုန်းပြင်းအား(Intensity)နှင့် လမ်းကြောင်း(Track) ခန့်မှန်းချက်များအရ သိရပါတယ်။ 

·         အရှေ့ဘက်တောင်တရုတ်ပင်လယ်နှင့် အနောက်ဘက်ဘင်္ဂလားပင်လယ်အော်မှ မုန်တိုင်း/လေဖိအားနည်းရပ်ဝန်းတို့၏ သက်ရောက်မှုများကြောင့် မြန်မာနိုင်ငံပြည်နယ်နှင့်တိုင်းအားလုံးမှာ ယခုတပါတ်အတွင်း မိုးရေချိန် ၅ လက်မနှင့်အထက် ၉ လက်မအောက် ရွာသွန်းရရှိနိုင်ပြီး တနင်္သာရီတိုင်းမှာ အများဆုံးဖြစ်နိုင်ပါမယ်။ 

စက်တင်ဘာလ ၂၆ ရက် မှ အောက်တိုဘာလ ၂ ရက်အထိ ၇ ရက်အတွင်း မန္တလေးတိုင်းတွင်မိုးရွာသွန်းရရှိနိုင်သည့်အခြေအနေ 

·         မန္တလေးခရိုင် ၇ ရက် မိုးရေချိန် ၅.၂၁ လက်မ၊ အမရပူရခရိုင် ၇ ရက် မိုးရေချိန် ၄.၅၆ လက်မ၊ ပြင်ဦးလွင်ခရိုင် ၇ ရက် မိုးရေချိန် ၆.၄၄ လက်မ၊ မြင်းခြံခရိုင် ၇ ရက်မိုးရေချိန် ၃.၉၂ လက်မ၊ ကျောက်ဆည်ခရိုင် ၇ ရက်မိုးရေချိန် ၄.၇၃ လက်မ၊ မိတ္ထီလာခရိုင် ၇ ရက်မိုးရေချိန် ၃.၄၇ လက်မ 

·         ယခုဖေါ်ပြထားသည့် မြို့နယ်/ခရိုင်များနှင့်အနီးပတ်ဝန်းကျင်မှ မြို့နယ်ကျေးရွာများတွင် ရွာသွန်းရရှိနိုင်မည့် မိုးရေချိန်ရရှိနိုင်မှု များစွာကွာခြားနိုင်မည်မဟုတ်ပါ။ 

·         မန္တလေးတိုင်းအတွင်း နေရာကွက်၍ မိုးသည်းထန်နိုင်သော်လည်း နေ့စဉ်ရွာသွန်းရရှိနိုင်သည့်မိုးရေချိန် ၁ လက်မ ဝန်းကျင်ခန့်သာ ရှိနိုင်ပါမယ်။ ၂၄ နာရီအတွင်း မိုးရေချိန်အများဆုံး ပြင်ဦးလွင်ခရိုင်မှာ ရရှိနိုင်ပြီး ရုတ်ခြည်းရေကြီးနိုင်ခြင်း(FLash Flood)သည် ပြင်ဦးလွင်နှင့် အနီးဝန်းကျင်တောင်ထူထပ်သည့်ဒေသတွေမှာ ဖြစ်ပေါ်နိုင်ပါတယ်။ 

အပူချိန်၊ လေတိုက်နှုန်း၊ လေထုစိုထိုင်းဆနှင့် လေထုညစ်ညမ်းမှုနှင့် ခရမ်းလွန်ရောင်ခြည်အခြေအနေ 

·         မန္တလေးတိုင်းရဲ့ အမြင့်ဆုံးနေ့အပူချိန် ၃၁°C (ညောင်ဦးမြို့၊ ကျောက်ဆည်၊ မိတ္ထီလာ)နှင့် ၂၅°C (ပြင်ဦးလွင်) ရှိနိုင်ပြီး 

·         အနိမ့်ဆုံးညအပူချိန် ၂၀°C(ပြင်ဦးလွင်) နှင့် ၂၅°C(ညောင်ဦး)ရှိနိုင်ပါတယ်။ 

·         အောက်တိုဘာလ ၁ ရက် နဲ့ ၂ ရက်နေ့တွေမှာ တောင်ဘက်အရပ်မှ အမြင့်ဆုံးလေတိုက်နှုန်း တနာရီ ၂၅ မိုင်ခန့်ရှိနိုင်ပြီး၊ 

·         နေ့လယ်ပိုင်းအချိန်တွေမှာ လေထုစိုထိုင်းဆ ၆၀% ခန့်နှင့် ညပိုင်း၊ နံနက်အစောပိုင်းအချိန်များမှာ ၉၀% မှ ၁၀၀% ရှိနေနိုင်ပါမယ်။ 

·         လေထုစိုထိုင်းဆမြင့်မားနေချိန် မန္တလေးတိုင်းမြောက်ပိုင်ဒေသတွေမှာ ခံစားရတဲ့အပူချိန် (Feels like temperature)၄၀°C အထိရှိနိုင်ပါတယ်။ 

မန္တလေးမြို့၊ ကျောက်ဆည်မြို့နှင့် အနီးပတ်ဝန်းကျင်တွင် လေထုညစ်ညမ်းမှုအညွှန်းကိန်း AQI Value အမြင့်ဆုံး ၆၅ ဝန်းကျင်မှာရှိနေနိုင်ပြီး အန္တရာယ်မရှိပါ။ 

မန္တလေးတိုင်းဒေသကြီးအတွင်း မြေပဲစိုက်ပျိုးတောင်သူများအတွက် စိုက်ပျိုးရေးအကြံပေးချက် 

မန္တလေးတိုင်းဒေသကြီးအတွင်း မြေပဲစိုက်ပျိုးရာတွင် မြေပဲမြစ်ခြောက်ဆွေးရောဂါအတွက် ကြိုတင်ကာကွယ်ပေးပါ။ မြေပဲဥ ဖော်ချိန်မှာ မြေပဲတောင့်များပုပ်သွားခြင်း၊ မြေပဲတောင့်များ မြေကြီးအတွင်းမှာကျန်နေတတ်ခြင်း စသည့် အခက်အခဲများကို ဖြစ်ပေါ်စေတဲ့အတွက် ကြိုတင်ကာကွယ်ပေးပါ။ 

ကာကွယ်နှိမ်နင်း နည်းလမ်းများ 

• ကြိုတင်ကာကွယ်သည့်အနေဖြင့် မြေဆောင်မှိုသတ်ဆေး Hymexazol ကြိုတင်ထည့်သွင်းမြေပြင်ပေးခြင်း၊ 
• မျိုးစေ့လူးနယ်ဆေးများဖြစ်သော Thiram, Ziram များဖြင့် လူးနယ်စိုက်ပျိုးခြင်း၊ 
• ရောဂါစတင်တွေ့ရှိချိန်မှစ၍ ကာကွယ်ကုသ အာနိသင်ရှိသည့် Azoxystrobin Difenoconazole၊ Hexaconazole ပါဝင်သောမှိုသတ်ဆေးများ အသုံးပြု၍ ကာကွယ်နှိမ်နင်းနိုင်ပါသည်။  

ငါးကန်များရှိ ရေညှိ၊ ရေမှော်များဖယ်ရှားခြင်း  

မိုးရွာသောအချိန် ၊အလင်းရောင်(နေရောင်) ကောင်းစွာမရရှိသောအချိန်များတွင် ငါးကန်အတွင်း ရေညှိ ရေမှော်များဖြစ်ပေါ်လာသည်။ အချို့သော ကန်များတွင် ‌ရေညှိတုံးများ(ဂျယ်လီပုံစံ)အဖြစ် ပေါ်ပေါက်လာတတ်ပါသည်။  

ရေညှိ ရေမှော်များကန်အတွင်းများပြားပါက ငါးများညအချိန်တွင် အောက်စီဂျင်ကျခြင်းများကို ကြုံတွေ့ နေတတ်ပါသည်။ ငါးများသွားလာလှုပ်ရှားမှုကိုလည်း အနှောက်အယှက်ဖြစ်ပေါ်စေပါသည်။ အဆိုပါ ရေညှိ ရေမှော်များကို အောက်ပါအတိုင်း ဖြေရှင်းနိုင်ကြောင်း အကြံပြုတင်ပြအပ်ပါသည်။  

- တစ်ဧက ကန်အတွက် ဂျစ်ပ်ဆမ် (၆၃) ပိဿာ  (သို့မဟုတ်)  

- ဒုတ္တာ (ကောပါးဆာလ်ဖိတ်) (၆)ပိဿာ မှ (၈)ပိဿာအထိသုံးစွဲနိုင်ပါသည်။ ၄င်းကောင်းတို့ကို အိပ်ငယ်ကလေးများတွင် ထည့်စီးပြီး ရေထဲရှိ ဝါးလုံးတိုင်တွင် ကပ်ချည်ပါ။ အိပ်ငယ်ကလေးများ ကို ရေထဲသို့ (၄)လက်မ (သို့မဟုတ်) (၆)လက်မခန့် နှစ်ထားရပါမည်။  

ထွက်တိုး Call Center ဖုန်း 09-977910000 ကို စိုက်ပျိုးရေး၊ မွေးမြူရေးအခက်အခဲများကို ဖုန်းခေါ်မေးမြန်းနိုင်ပါသည်။