ထိကရုန်းပင်ရဲ့ အဓိကဆေးဖက်ဝင်အကျိုးကျေးဇူးများ

အထူးသဖြင့် ဆီးချိုနဲ့ ကျောက်ကပ်ရောဂါရှိသူတွေအတွက် ပိုကောင်းတယ်လို့ ဆိုပါတယ်။ 

ထိကရုံးပင်ရဲ့ အဓိက ဆေးဖက်ဝင် အကျိုးကျေးဇူးများ 

ထိကရုံပင်ကို ပုံမှန်အသုံးပြုပေးခြင်းအားဖြင့် ရရှိနိုင်တဲ့ အကျိုးကျေးဇူးတွေကတော့- 

• သွေးတွင်းသကြားဓာတ်ကို ထိန်းချုပ်ပေးခြင်း - ဆီးချိုသမားတွေအတွက်ရော၊ ဆီးချိုဖြစ်နိုင်ခြေရှိသူတွေအတွက်ပါ သွေးတွင်းသကြားဓာတ်ကို ကျစေတဲ့ အစွမ်းရှိပါတယ်။ 

• ကျောက်ကပ်ကို အားဖြည့်ပြီး အဆိပ်အတောက် ဖယ်ရှားပေးခြင်း - ကျောက်ကပ်ကို သန့်စင်ပေးပြီး အားကောင်းစေတဲ့အပြင် ကျောက်ကပ်ရောင်ရမ်းတာမျိုးကိုလည်း သက်သာစေပါတယ်။ 

• သွေးတိုးကို ကျစေခြင်း - သွေးတိုးရောဂါကို သဘာဝအတိုင်း ထိန်းချုပ်ပေးနိုင်တဲ့ အာနိသင်ရှိပါတယ်။ 

• အိပ်ပျော်စေပြီး စိတ်တည်ငြိမ်စေခြင်း - စိတ်ကို ငြိမ်သက်အေးချမ်းစေလို့ အိပ်မပျော်တဲ့သူတွေအတွက်ပါ သင့်တော်ပါတယ်။ 

• ကိုယ်လက်ကိုက်ခဲမှုနှင့် ထုံကျဉ်တာ သက်သာစေခြင်း - ကိုယ်လက်ကိုက်ခဲတာ၊ အကြောတက်တာနဲ့ လက်ဖျားခြေဖျား ထုံကျဉ်တာတွေကိုပါ သက်သာပျောက်ကင်းစေပါတယ်။ 

• အရေပြားရောဂါတွေကို ကုသပေးခြင်း - အနာဟောင်းတွေ၊ ပိုးဝင်နေတဲ့ အနာတွေအပြင် ပွေး၊ ညှင်း စတဲ့ အရေပြားပြဿနာတွေကိုပါ ကုသပေးနိုင်တဲ့ အာနိသင်ရှိပါတယ်။ 

အဘိုးရဲ့ ထိကရုံပင် အသုံးပြုနည်း လမ်းညွှန်များ 

အဘိုးပြောပြခဲ့တဲ့ ထိကရုံပင်ကို အသုံးပြုနိုင်တဲ့ နည်းလမ်းတွေကတော့ ရိုးရှင်းပါတယ်။ 

1. ရေနွေးကြမ်း/ပြုတ်ရည် လုပ်သောက်ခြင်း 

• ပြုတ်သောက်ခြင်း: ပင်လုံးကျွတ် (အစိုဖြစ်စေ၊ အခြောက်ဖြစ်စေ) လက်တစ်ဆုပ်စာ ကို ရေ ၁ လီတာနဲ့ပြုတ်ပြီး မနက်တစ်ခွက်၊ ညနေတစ်ခွက် သောက်သုံးနိုင်ပါတယ်။ 

• လက်ဖက်ရည်ကြမ်း: အပင်တစ်ခုလုံးကို နေလှန်းပြီး အခြောက်ခံထားပါ။ ပြီးရင် လက်ဖက်ရည်ကြမ်းလို ရေနွေးနဲ့ ဖျော်ပြီး နေ့စဉ် သောက်သုံး ပေးလို့ရပါတယ်။ 

2. အပြင်ပန်း လိမ်းကျံ/ဆေးကြောခြင်း 

• အရေပြားပြဿနာရှိတဲ့ အနာပေါ်ကို ထောင်းပြီး အုံပေး တာ၊ ဒါမှမဟုတ် ရေနွေးနဲ့ပြုတ်ထားတဲ့ အရည်နဲ့ အနာကို ဆေးကြောပေး တာမျိုး လုပ်ပေးနိုင်ပါတယ်။ 

ဒါကြောင့် လမ်းဘေးမှာ ထိကရုံပင် ကို တွေ့ရင် တန်ဖိုးမရှိတဲ့ မြက်ရိုင်းတစ်ခုလို့ မထင်လိုက်ပါနဲ့။ အကျိုးရှိရှိ အသုံးပြုနိုင်ကြောင်း မှတ်သားထားသင့်ပါတယ်နော်! 

Alin Thit media မှ ကောက်နုတ်ဖော်ပြပါသည်။ 

 ✦✦✦✦✦✦✦✦ 

ထွက်တိုး Telegram Channel ဝင်ရန် နှိပ်ပါ - https://t.me/htwettoe 

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -https://htwettoe.com/download ထွက်တိုးမေးဖြေကဏ္ဍတွင် ဝင်ရောက်မေးမြန်းနိုင်ပါကြောင်း သတင်းကောင်းပါလိုက်ပါတယ်။ 

စိုက်ခင်းပြဿနာ အဖြေရှာနည်းလေ့လာရန် - https://htwettoe.com/post/38752