အာဟာရတန်ဖိုးမြင့်သော အညာစာဂျုံကျိုပြုလုပ်နည်း

ဂျုံကျိုကို တနည်းအားဖြင့် ဂျုံယို ၊ ကာလစပါးယိုဟူ၍လည်း ခေါ်ကြသေးသည်။ လွယ်ကူ ရှင်းလင်းစွာ ပြုလုပ်နိုင်ပြီး အာဟာရတန်ဖိုးမြင့်သည့် ဂျုံကျိုပြုလုပ်နည်းလေးကို မျှဝေပေးလိုက်ပါတယ်ရှင်။ 

ပါဝင်ပစ္စည်းများမှာ- 

• ဂျုံစေ့ - ထမင်းစားဇွန်း ၈ ဇွန်း 
• ရေ - ၂.၅ လီတာ 
• ထန်းလျက် - ၃၀၀ ဂရမ် 
• ဆား - လက်ဖက်စားဇွန်း တဝက် 
• သာကူစေ့ - ထမင်းစားဇွန်း ၄ ဇွန်း 
• အုန်းနို့ - ၁၆၀ ဂရမ် 

ပြုလုပ်နည်းမှာ 

• ဂျုံစေ့များအား ရေစင်အောင်ဆေးကြော၍ ၁ ည သို့မဟုတ် ၁၂ နာရီတိတိရေစိမ်ပါ။ 
• စိမ်ပြီးရရှိလာသည့် ဂျုံစေ့များအား ရေ ၂ လီတာနှင့် ဆား အနည်းငယ် ထည့်၍ မီးအေးအေးဖြင့် ပြုတ်ပေးထားပါ။ ဝေကျတတ်၍ အဖုံးလေး ဟကာ တည်ပေးထားပါ။ 
• ထန်းလျက်များအား ရေ ၅၀၀ မီလီလီတာဖြင့် ကျို၍ ပွက်လာပါက ခဲ/သဲကင်းစင်စေရန် ရေစစ်ဖြင့် စစ်ပေးထားပါ။ 
• ဂျုံစေ့များ ပွလာပါက ထန်းလျက်ရေထည့်၍ ထပ်မံကျိုပေးပါ။ 
• သာကူစေ့များအား ရေဆေး၍ ထည့်ကာ ၁၅ မိနစ်ခန့်ကျိုပေးပါ။ 
• သာကူစေ့များ မျက်စံမကျန်တော့သည်အထိ ကျိုပြီးပါက အုန်းနို့ ၁၆၀ ဂရမ်ထည့်ပေးပါ။ 

အရသာရှိလှသော အာဟာရတန်ဖိုးမြင့်သော အညာစာဂျုံကျို/ ဂျုံယိုလေးအား ကြိုက်နှစ်သက်သလို အုန်းသီးထည့်၍ စားသုံးနိုင်ပါပြီရှင်။ 

------     

စိုက်ပျိုးရေး၊ မွေးမြူရေးနှင့် ပတ်သတ်ပြီး တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -http://download.htwettoe.com/ ထွက်တိုးမေးဖြေကဏ္ဍတွင် ဝင်ရောက်မေးမြန်းနိုင်ပါကြောင်း သတင်းကောင်းပါလိုက်ပါတယ်။