ဒေသမျိုးခရမ်းချဥ်များစိုက်သူများပြီး ဈေးကောင်းနေ🍅🍅

မန္တလေးဈေးကွက်အတွင်း ဒေသမျိုးရင်းဖြစ်သော ခရမ်းချဥ်သီးအများအပြားဝင်ရောက်လျက်ရှိကာ ဈေး ကောင်းရရှိနေကြောင်း ဒေသခံဈေးသည်များကပြောပါတယ်။

ယခုရက်ပိုင်းအတွင်း မန္တလေးမြို့နှင့်အနီးဝန်းကျင်ရှိ ပုသိမ်ကြီး၊ အမရပူရ၊ မတ္တရာ၊ စဥ့်ကိုင်၊ ကျောက် ဆည် နှင့်တံတားဦးမြို့နယ်များမှ ဒေသမျိုးခရမ်းချဥ်များဈေးကွက်အတွင်းစတင်ဝင်ရောက်လာခြင်းဖြစ်ပါတယ်။

"အင်းသီးတွေထက်ပိုပြီးလူကြိုက်များတယ်။ အရင်ကနည်းနည်းပဲရှိတာ။ ဒီနှစ်တော့စိုက်တဲ့သူများလို့ ထွက်တာပိုများလာတာ။ ဈေးကောင်းလည်းရတယ်"ဟု မဟာအောင်မြေမြို့နယ်မှ ကုန်စိမ်းဈေးသည် တစ်ဦးကပြောပါတယ်။

ဒေသမျိုးရင်းခရမ်းချဥ်များမှာ အထွက်နှုန်းနည်းပါးမှုနှင့် စိုက်ပျိုးစရိတ်မြင့်မားမှုကြောင့် ယခင်ကစိုက်ပျိုး သူနည်းပါးခဲ့သော်လည်း ယခုနှစ်တွင်ဈေးကွက်လိုအပ်ချက်အပေါ်မူတည်၍စိုက်ပျိုးသူများပြားလာခြင်း ဖြစ် ပါတယ်။

လက်ရှိအချိန်တွင်ဈေးကွက်အတွင်း ဒေသမျိုးခရမ်းချဥ်သီး တစ်ပိဿာကို ငွေကျပ် ၈၀၀၀ မှ ၁၀၀၀၀ ကြားအထိရှိနေပြီး ခြံဖြတ်ဈေးနှုန်းများမှာလည်း တစ်ပိဿာကို ၃၀၀၀ ဝန်းကျင်ရရှိနေကြောင်းသိရပါတယ်။

မန်းအောင်

Opinion Leaders မှ ကူးယူဖော်ပြပါသည်။

---

ထွက်တိုး Telegram Channel ဝင်ရန် နှိပ်ပါ - 

https://t.me/htwettoe

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -https://htwettoe.com/download ထွက်တိုးမေးဖြေကဏ္ဍတွင်ဝင်ရောက်မေးမြန်းနိုင်ပါကြောင်းသတင်းကောင်းပါလိုက်ပါတယ်။