ပဲခူးတိုင်း တပတ်စာ မိုးလေဝသခန့်မှန်းချက်

မိုးရွာသွန်းနိုင်ခြေ မရှိပါ။ 

·         တိမ်အနည်းငယ်မှ တိမ်အသင့်အတင့်ဖြစ်ထွန်းနိုင်ပြီး၊ တိမ်ကင်းစင်သော ရက်များလည်း ရှိနိုင်ပါတယ်။ 

·          နေ့အပူချိန်အမြင့်ဆုံး ၃၀°C နှင့်  အနိမ့်ဆုံးညအပူချိန် ၁၅°C မှ ၁၇°C ဝန်းကျင်၌ ရှိနေနိုင်ပါတယ်။ 

·          ပဲခူးတိုင်းရဲ့ နေ့စဉ်ပျမ်းမျှလေတိုက်နှုန်းသည် မြောက်၊ အနောက်မြောက်အရပ်မှ တနာရီ ၄ မိုင်နှုန်းခန့်ရှိနိုင်ပါမယ်။ 

·          ဇန်နဝါရီလအတွင်း ပဲခူးတိုင်းတွင် မိုးရွာရန်မရှိသဖြင့် မြေဆီလွှာရေဓါတ်ကိန်းအောင်းမှု ၅.၅ မီလီမီတာခန့်နှင့် မြေအောက်အနက် ၄၀ စင်တီမီတာအနက်တွင် မြေဆီလွှာစိုထိုင်းဆ ၅% ၊ မြေအောက်အနက် ၁၀၀ စင်တီမီတာတွင် ၂၅% ခန့်ရှိနိုင်ပါမယ်။ 

Win Naing 

Administration Team, 

MMWEATHER, 

ပဲခူးတိုင်းဒေသကြီးအတွင်းရှိ ဖရဲသခွားစိုက် တောင်သူများထံသို့ 

မြေဩဇာထည့်သွင်းနည်းအကြံပြုချက် 

• မြေခံမှာ မြေဩဇာမထည့်သွင်းခဲ့ပါက သခွားမွှေးစိုက်ပြီး ၁၅-၂၀ ရက်အတွင်း နိုက်ထရိုဂျင်(N)+ဖော့စ်ဖရပ်စ် (P) အဓိကပါသောမြေဩဇာကိုထည့်ပေးပါ။ 
• ၃၀-၃၅ ရက်မှာတော့ နိုက်ထရိုဂျင်(N) နှင့် ပိုတက်စီယမ် (K) မြေဩဇာကို ထည့်ပေးပါ။ 
• ၄၅-၅၅ ရက်သားမှာ နောက်တစ်ကြိမ်အနေနဲ့ ပိုတက်ရှ် (K) ကိုထပ်ထည့်ပေးပါ၊။ 
• အသီးစတင်ကြီးထွားချိန်မှာတော့ အချိုဓာတ်တိုးစေရန်နှင့် အသီးပုံစံလှပစေဖို့ ဘိုရွန် (B) + အသီးကွဲအက်မှုဒဏ်ခံနိုင်ရည်ရှိစေဖို့ ကယ်လ်စီယမ် (Ca) အဓိကပါဝင်တဲ့ ရွက်ဖျန်းအားဆေးကို တစ်ကြိမ်အသုံးပြုပေးပါ။ 

 ငါးများ ဖမ်းဆီးပြီးနောက် သတိပြုရန်အချက်များ  

ရွေးချယ်ဖမ်းဆီးထားသော ငါးများဖမ်းဆီးပြီးပါက ဈေးကောင်းရရှိစေရန်နှင့် လေလွင့်ဆုံးရှုံးမှု မရှိစေရန် အောက်ပါနည်းလမ်းများအတိုင်း ဆောင်ရွက်သင့်ပါသည်။  

- ဖမ်းယူထားသော ငါးများကို အရိပ်အောက်တွင် ထားပါ။  

- ငါးများကို ဖြေးညှင်းစွာကိုင်တွယ်ပါ။  

- ငါးများကို ရေဖြင့် စင်ကြယ်အောင် ဆေးကြောသန့်စင်ပါ။  

- ငါးများထိခိုက်ပွန်းပဲ့ခြင်းနှင့် အကြေးခွံမကျွတ်စေရန် သတိပြုရမည်၊ ရောင်းချမည့် နေရာသို့အမြန် ဆုံးပို့ဆောင်နိုင်စေရန် စီမံရမည်။  

----------     

ထွက်တိုး Telegram Channel ဝင်ရန် နှိပ်ပါ - https://t.me/htwettoe   

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး - http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်းနိုင်ပါကြောင်းသတင်းကောင်းပါလိုက်ပါတယ်။