ပေါက်ရောက်ရာဒေသ
မြန်မာပြည် အနှံ့အပြား၊ အထူးသဖြင့် အထက်မြန်မာပြည်နှင့် အောက်မြန်မာပြည် ဒေသများတွင် အများဆုံးပေါက်ရောက်သည်။
ပေါက်ရောက်ပုံ
သဘာဝအလျောက်ပေါက်ရောက်သည်။
အသုံးပြုသည့် အစိတ်အပိုင်း
အရွက်၊ အသီး
htwettoeimgအာနိသင်
မြန်မာဆေးကျမ်းများ အလိုအရ ရဲယိုရွက်သည် ခါးသည်၊ အနည်းငယ် ပူသည်၊ လေနှင့် ဝမ်းကို ရွှင်တတ်စေသည်၊ သွေးကို တက်ကြွစေသည်။ ရဲယိုသီးသည် ပူစပ်သော အရသာရှိ၍ အနည်းငယ်ချဉ်သည်။ သွေး၊ သည်းခြေ၊ လေ၊ သလိပ်တို့ကို နိုင်ပါသည်။ အစာမကြေနာ၊ လေနာ၊ သည်းခြေနာ တို့ကို နိုင်ပါသည်။
အသုံးပြုပုံ
အရွက်
၁။ ရဲယိုရွက်ကို ပြုတ်၍စားလျှင် လေချုပ်ရောဂါ၊ ဝမ်းဗိုက်နာရောဂါ၊ အာခေါင်ပူလောင်သောရောဂါ၊ သည်းခြေဖောက်ပြန်တတ်သောရောဂါ နှင့် သွေးတိုးရောဂါ ပျောက်ကင်းပါသည်။
၂။ ရဲယိုရွက်သည် ငါးမြွေထိုး အသားနှင့် ပြုတ်၍သုပ်စားလျှင် ပင်လယ်အူနာ ပျောက်သည်။
၃။ ရဲယိုရွက်ကို သုပ်စားပါက နို့ချောင်းပိတ်ရောဂါ၊ နို့ရေခမ်းရောဂါ၊ သကျည်းကိုက်ရောဂါ၊ ဝမ်းရစ်နာခြင်း နှင့် နှာခေါင်းသွေး လှျှံခြင်းတို့ကို ပျောက်ကင်းစေပါသည်။
၄။ နှလုံးရောဂါ၊ သွေးသွန်ရောဂါနှင့် ဆီးချိုရောဂါများအတွက် ဒန့်သလွန်ရွက်နှင့် ဟင်းချိုချက်သောက်ပါက ပျောက်စေပါသည်။
အသီး
၁။ ပျားရည်နှင့် ခေါက်စားလျှင် ချောင်းဆိုးရောဂါနှင့် ပန်းနာကို ပျောက်စေသည်။
၂။ ရဲယိုသီးမှည့်ကို ထန်းလျက်နှင့် စားပါက အစာမကြေရောဂါပျောက်သည်။
၃။ အသီးနုကို ပြုတ်၍ သုပ်စားပါက လေထိုးလေအောင့်နှင့် သွေးတက်ရောဂါပျောက်စေသည်။

Source : မြန်မာ့ဆေးဝါးပင်များ

Morinda citrifolia

Lessons

ဆေးဖက်ဝင်ရဲယိုပင်