နိဒါန်းစောင်းလျားသီးသည် အရည်ရွှမ်းပြီး အများအားဖြင့် ပူနွေး စွတ်စိုသော ဒေသများတွင် အများဆုံး ပေါက်ရောက်လေ့ရှိသည်။ မှည့်နေသော စောင်းလျားသီးသည် အသီးအရွယ် အစားအားဖြင့် ၃-၄ လက်မခန့် ရှည်လျားပြီး စောင်းလျားသီးဟု အမည်တွင်သည့်အတိုင်း အသီးပေါ်တွင် စောင်း ၅ခု ပါဝင်သည်ကို တွေ့မြင်နိုင်သည်။ စောင်းလျားသီးသည် ကယ်လိုရီပါဝင်မှုနည်းသည့် အပြင် သကြား ပါဝင်မှု လည်းနည်းသည်။

စိုက်ပျိုးနိုင်သော ဒေသများစောင်းလျားသီးကို ပူနွေးစွတ်စိုသော ဒေသတို့တွင် ပိုမို ဖြစ်ထွန်းနိုင်သည်။ အပင်ခံနိုင်ရည်မှာ မမြင့်မားသော်လည်း နှင်းဒဏ်နှင့် အပူချိန်ဒဏ်တို့ကို ထိုက်သင့်သလောက် ခုခံနိုင်စွမ်းတော့ မြင့်မားသည်။ စောင်းလျားသီးပင် များသည် နေရာဒေသမရွေး မြေအမျိုးအစားမရွေး၊ စိုက်ပျိုး ဖြစ်ထွန်းပါသည်။ အထူးသဖြင့် မြေဩဇာ ကောင်းမွန်သော နုန်းမြေများတွင် အပင်ပိုမို ဖြစ်ထွန်းပါသည်။

အပူချိန် နွေရာသီတွင် အပင်မှာ ကြီးထွားမှု မြန်ဆန်တတ်သည်။အပူပိုင်းဒေသများတွင် တစ်နှစ်ပတ်လုံး သီးတတ်သည်။ နေရောင်ခြည် အပြည့် အဝရမှသာလျှင် အပွင့်နှင့် အသီး တင်နိုင်သည်။

အပွင့် ပွင့်ခြင်းနှင့် အသီးတင်ခြင်းတစ်နှစ်ပတ်လုံး အပွင့်ပွင့်သော အပင်မျိုးစားဖြစ်သည်။ နွေရာသီတွင် အပူချိန် နှင့် စိုထိုင်းဆ တို့သည် မျှတစွာ ရှိနေမည် ဆိုလျှင် အသီးများစွာ တင်သည်။ အပင်သည် အသီး တစ်ကြိမ်တင်ရုံမျှနှင့် အသီးအထွက်နှုန်းများစွာရရှိတတ်သည်။ အိုးဖြင့်စိုက်ထားသော စောင်းလျားပင် အတွက်မူ တစ်ပင်နှင့် တစ်ပင် အသီးတင်နှုန်းမှာတော့ တူညီနိုင်မည် မဟုတ်ပေ။ တချို့တော့ မျိုးများသည် အိုးဖြင့် စိုက်ပျိုးပါက အသီးတင်ရန် ခက်ခဲသည်။ အိုးနှင့် စိုက်ပျိုးထားသော အပင်တို့အတွက် နေရောင်ခြည် လုံလောက်စွာ ရရှိရန် လိုအပ်ပေသည်။ ထို့အပြင် အစိုဓာတ် ရရှိစေရန် ရေကို အကြာခဏ လောင်းပေးပါ။ ခြောက်သွေ့သော မြေသည် အပင်ကို မထိခိုက် စေသော်လည်း လုံး၀ ခြောက်သွေ့နေသော မြေသည် အပင်ကို ထိခိုက် စေနိုင်သည်။

မြေသြဇာ သုံးစွဲနည်းအပင်ကြီးထွားစဉ် တစ်လျောက် အပင်အတွက် လိုအပ်သော မြေသြဇာ ပုံမှန်ထည့်ပေးရန် လိုအပ်သည်။ အော်ဂဲနစ် မြေသြဇာကိုရွေးချယ်သုံးပြုပြီး အပင်ထဲသို့ လစဉ် ပုံမှန်ထည့်သွင်းပေးပါ။ တစ်ခါတစ်ရံ ဆောင်းရာသီတွင် စောင်းလျားပင်သည် သံဓာတ်ချို့တဲ့သော လက္ခဏာဖြစ်သည့် ရွက်ကြောကြားတွင် အဝါရောင် ပြောင်းနေတတ်သည် ကိုတွေ့ရသည်။ ထိုအခါ သံဓာတ်ပါသော ရွက်ဖျန်းအားဆေးကို ရွေးချယ် အသုံးပြုပေးပါ။

အင်းဆက် ပိုးမွှားများစောင်းလျားပင်တွင် အင်းစက် ပိုးမွှားများ ကျရောက်မှု နည်းသော်လည်း တစ်ခါတစ်ရံ အပင်တွင် ပိုးစေးနှဲ(Mealy bugs) များ ကျသည်ကို တွေ့ရသည်။ ထို့အပြင် မွှားပင့်ကူများလည်း ကျတတ်သည်။ သို့သော်လည်း စောင်းလျာသီးကိုတော့ ရောဂါနှင့် ပိုးမွှားများ ကျရောက်မှု အလွန်နည်းပါးသည်။

ဘာသာပြန် - မြင့်မြတ်သူ (စိုက်ပျိုးရေးတက္ကသိုလ် ၂၀၁၈)

မှီငြမ်း

https://www.logees.com

Star Fruit

Lessons

စောင်းလျားပင် စိုက်ပျိုးခြင်း