မြေပဲပင်များကို အချိန်ကိုက် နုတ်ယူနိုင်ခြင်းဖြင့် အထွက်နှုန်းတိုးစေပြီး မြေပဲတောင့် အရည်အသွေးကိုလည်း ပိုမို ကောင်းမွန်စေပါသည်။ မြေပဲပင်များကို နေသာသော နေ့တွင်သာ နုတ်ယူသင့်ပြီး စိုစွတ်သော ရာသီဥတု အခြေအနေတွင် နုတ်ယူခြင်းကို ရှောင်ကြဉ်သင့်ပါသည်။ မြေပဲပင်များ အပြည့်အဝ ဖွံ့ဖြိုး ကြီးထွားဖို့အတွက် အချိန် ၂လခန့် လိုအပ်ပါသည်။ ရင့်မှည့်နေသော မြေပဲတောင့်များကို လက်ဖြင့် အလွယ်တကူ ဖိ၍ မခွဲနိုင်ပါ။ မြေပဲရွက်များ ဝါခြောက်လာသည့်အခါ မြေပဲပင်များကို စတင်နုတ်ယူနိုင်ပါပြီ။

မြေပဲတောင့်များ ၇၅%ခန့် ရင့်မှည့်သည့်အခါ မြေပဲခင်းထဲမှ မြေပဲပင်များကို စတင် နုတ်ယူနိုင်ပြီ ဖြစ်ပါသည်။ မြေပဲတောင့်များ၏ အတွင်းဘက်နံရံသည် ရင့်မှည့်ချိန်တွင် အများအားဖြင့် နက်မှောင်နေတတ်ပါသည်။ ရွေးချယ်ထားသော အပင်များထဲမှ မြေပဲတောင့် ၇၅%ခန့်သည် နက်မှောင်နေပြီ ဆိုပါက ရင့်မှည့်နေပြီဖြစ်ပြီး နုတ်ယူမှုကို စတင်နိုင်ပြီ ဖြစ်ပါသည်။

မြေပဲတောင့်အတွင်းမှ မြေပဲစေ့အရောင်ကို ကြည့်၍ မြေပဲပင်များကို နုတ်ရန် အချိန်ကျ မကျ သိရှိနိုင်ပါသည်။ မရင့်မှည့်သေးသော မြေပဲစေ့များသည် အများအားဖြင့် အဖြူရောင် ဖြစ်ကာ တဖြေးဖြေး ပန်းရောင်သန်းကာ ရင့်မှည့်လာပါသည်။ မြေပဲစေ့များ ရင့်မှည့်သည့်အခါ အရောင်သည် ပန်းနုရောင်ဖြစ်သွားကာ ရိတ်သိမ်းရန် အချိန်ကျရောက်လာပြီ ဖြစ်ပါသည်။

မြေပဲ နုတ်သိမ်းပြီးနောက် လုပ်ဆောင်ရမည့် အချက်များ

ဖော်ပြပါနည်းလမ်းများကို အသုံးပြု၍ ရိတ်သိမ်းပြီးကာလ ဆုံးရှုံးမှု ပမာဏကို လျှော့ချနိုင်ပါသည်။

* ရိတ်သိမ်းပြီးနောက် အပင်များမှ မြေပဲတောင့်များကို ခြွေချပါ။

* ထို့နောက် အရိပ်ရသည့်နေရာတွင် အခြောက်ခံရန် ဖြန့်လှန်းထားပါ။

* မှိုတက်ခြင်းမှ ကင်းဝေးစေရန် သိမ်းဆည်းထားသော မြေပဲတောင့်များကို အစိုမပြန်ပါစေနှင့်။

* သိုလှောင်သိမ်းဆည်းမှု မပြုမီ ရောဂါဖြစ်ပွားပြီး ပျက်စီးနေသော မြေပဲတောင့်များကို ဖယ်ရှားပစ်ပါ။

* မြေပဲစေ့များကို အတောင့်အနေအထားဖြင့်သာ သိမ်းဆည်းပါ၊ အစေ့အနေအထားဖြင့် မသိမ်းဆည်းပါနှင့်။

* မြေပဲတောင့်များကို လေသလပ်ခံ၍ အစိုပြန်မှုနှင့် ပိုးကိုက်ခြင်းများမှ ကာကွယ်ရန် မကြာခဏ မွှေလှည့်ပေးပါ။

* အင်းဆက်၊ကြွက်၊ ငှက်တို့၏ရန်နှင့် (မိုးသို့မဟုတ်) ပတ်ဝန်းကျင်တို့ကြောင့် ပြန်လည် စိုစွတ်မှုကိုကာကွယ်ရန် လုံခြုံစွာ သိုလှောင်ဖုံးအုပ်ထားပါ။

* မြေပဲများကို အိတ် (နှစ်ထပ်အိတ်) ဖြင့် သိုလှောင်နိုင်ပါသည်။ ဂုန်နီအိတ်ကိုလည်း အသုံးပြုသိုလှောင်နိုင်ပြီး လုံခြုံသည့် အမိုးအောက်၊ ကျီ သို့မဟုတ် ရေစိုခံ တာပေါ်လင်စများအောက်တွင် ထားရှိပါ။

* ပိုမိုလုံခြုံစိတ်ချရပြီး ရေရှည်ခံသည့် သိုလှောင်နည်းစနစ်မှာ လေလုံသိုလှောင်နည်းစနစ် ဖြစ်ပါသည်။ ဤနည်းစနစ်သည် အစိုပြန်ခြင်း နှင့် အင်းဆက်များ ဝင်ရောက်ခြင်းကို ကာကွယ်ပေးသဖြင့် ကြွက် နှင့် ငှက်ရန်များကိုလည်း ကာကွယ်ပေးနိုင်ပါသည်။

Harvesting for Groundnut

Learning Series

မြေပဲနုတ်သိမ်းခြင်း