အာလူးတူးဖေါ်ရာမှာ သတိထားစရာ
ဈေးကွက်ဝင်ပြီး အမြတ်ကျန်စေမယ့် အာလူးတူးဖေါ် သိုလှောင်နည်း

စိုက်ပြီး (၃-၄)လသည့် အခါ အပင်မှ အရွက်များ ဝါ၍ ညှိုးကျနေပြီ ဆိုလျှင် အာလူးကို ရင့်မှည်၍ နှုတ်သိမ်းနိုင်သည်။ အာလူးကို ချက်ချင်း မရောင်းဘဲ သိုလှောင်မည် ဆိုပါက မရိတ်သိမ်းခင် (၁၀)ရက် အလိုတွင် ရေဖြတ်ထားခြင်း၊ အပင် ဖြတ်ထားခြင်းဖြင့် အာလူး အခွံမာပြီး သိုလှောင်သည့် အခါ ပိုးမွှားရောဂါ ကျရောက်မှုနှင့် ရေဓါတ် ဆုံးရှုံးခြင်းကြောင့် ဖြစ်သော အာလူး ရှုံ့တွမှု ဖြစ်ခြင်းကို လျော့နည်းစေသည်။

အာလူးကို မြေကြီးထဲတွင် ကြာရှည် မတူးဖော်ဘဲ ထားမိပါက အာလူး အကြေးဖက် ရောဂါ ကျရောက်မှုကို ဖြစ်စေသည်။ အာလူးကို မတူးဖော်ခင် (၂)ပတ် အလိုတွင် အပေါ်ပိုင်းရှိ အပင်များကို ဖြတ်ပေးရမည်။ မိမိ စိုက်ပျိုးသည့် ဧရိယာ အကျယ်အဝန်းပေါ် မူတည်၍ ပေါက်ပြားဖြင့် တူး၍ သော်လည်းကောင်း၊ ထယ်ထိုး၍ သော်လည်းကောင်း တူးဖော်နိုင်သည်။ အာလူး တူးဖော်သည့် အခါ အာလူးဥကို ထိခိုက်ခြင်း၊ ပွန်းပဲ့ခြင်း မဖြစ်စေရန် ဂရုစိုက်ရမည်။ ထိခိုက် ဒဏ်ရာရပါက ထိုမှတဆင့် ရောဂါနှင့် ပိုးမွှားများ ကျရောက် နိုင်သောကြောင့် သိုလှောင်သည့်အခါ ဆုံးရှုံးမှု ဖြစ်စေနိုင်သည်။ အနာ ဖြစ်နေသော အာလူးဥများကို ဥကောင်းများနှင့် ရောမထားပါနှင့်။ သိုလှောင်သည့်အခါ အေးမြ ခြောက်သွေ့၍ လေဝင်လေထွက် ကောင်းသည့် နေရာတွင် သိုလှောင်ရမည်။

Harvesting for Potato

Learning Series

အာလူးဖော်ခြင်းနှင့် သိုလှောင်ခြင်း