အာလူးစိုက်ပျိုးရန် အပင်မစိုက်ခင် ရေသွင်းခြင်းနှင့် အပင်စိုက်ပြီး ရေသွင်း ရေထုတ်ပြုလုပ်ခြင်းအာလူး စိုက်ပျိုးသည့် မည်သည့် မြေတွင်မဆို အပင်ပေါက်နှုန်း ကောင်းစေရန် စိုက်ခင်းကို လုံလောက်သည့် အစိုဓါတ်ရရှိရန် အရေးကြီးသည်။ မစိုက်မီ စိုက်ခင်းကို လိုအပ်သော အစိုဓါတ်ရရန် ထိန်းထားရမည်။ ပင်ပိုင်းကြီးထွားသည့် အဆင့်တွင် အစိုဓါတ် (၆၀%) အောက်ရောက်ပါက စိုက်ခင်းကို ရေသွင်းပေးရန် လိုအပ်ပါသည်။ မိုးရာသီတွင် စိုက်ပျိုးသည့် အာလူးခင်း များသည်လည်း အပင်သက်တမ်း တစ်လျှောက်လုံးတွင် ပုံမှန် မိုးရေ ရရှိရန် အရေးကြီးသည်။ ကြားပေါင်းလိုက်ခြင်း၊ မြေသြဇာကျွေးခြင်း၊ ပိုးသတ်ဆေးဖျန်းခြင်း၊ ဘောင်လုံးခြင်း များကို စိုက်ခင်းထဲသို့ ရေမသွင်းခင် ပြုလုပ်ထားရမည်။ အကောင်းဆုံး အထွက်နှုန်းကို ရရှိရန် အပင်သက်တမ်း (၄၅)ရက်သားနှင့် အပင်သက်တမ်း (၆၀) ရက်သားတွင် ရေသွင်းခြင်းကို လုပ်ဆောင်ပေးရမည်။ အပင်ကြီးထွားမှု ကာလ အလယ်ပိုင်းနှင့် နောက်ပိုင်းတွင် ရေငတ်ပါက အထွက်နှုန်းကို ထိခိုက်နိုင်သည်။ ရေရှားပါးသည့် ဒေသတွင် ရေသွင်းခြင်းကို တစ်နိုင်တစ်ပိုင် ဧကလိုက် ရေသွင်းပေးခြင်း နည်းစနစ်သည် ဧကအကျယ်ကြီး တစ်ပြိုင်နက်တည်း သွင်းပေးခြင်းထက် အထွက်နှုန်းကို ပိုကောင်းစေသည်။ အာလူးဥ အုနှုန်းကောင်းစေရန် ရေရရှိမှုသည် အလွန် အရေးပါသည်။ အာလူးဥ စဖြစ်သည့် အချိန်တွင် စိုက်ဘောင်ရှိ မြေအစိုဓါတ်ကို ထိန်းထား ပေးခြင်းဖြင့် အာလူး အကြေးဖတ် ရောဂါကိုလည်း ကာကွယ် ပေးနိုင်သည်။ အပင် သက်တမ်း နောက်ပိုင်းတွင် အာလူးဥနှင့် အမြစ် ပတ်လည်၌ ရေအစိုဓါတ် များပါက ဖားဥမှိုရောဂါ ဖြစ်စေသည့် အပြင် အာလူးဥများအား အညှောက် ပေါက်လာစေသည်။ စိုက်ခင်း မြောင်းထဲတွင် အစိုဓါတ် မညီမျှပါက အာလူးဥများ ပုံသဏ္ဍန်မမှန်ခြင်း၊ ကွဲအက်ခြင်း နှင့် အာလူးဥ မအောင်ခြင်းများ ဖြစ်တတ်သည်။ စိုက်ခင်းဘောင် အစိုဓါတ် အနည်းငယ်မျှ (တစ်ဆယ်ရာခိုင်နှုန်း) မညီမျှခဲ့ပါက အာလူး အထွက်နှုန်းကို ထိခိုက် စေသောကြောင့် စိုက်ခင်းတွင် အစိုဓါတ် တသမတ်တည်း ရရှိရန် အရေးကြီးသည်။ ထို့ကြောင့် အစိုဓါတ် ညီညာမှု ရှိစေရန် အစက်ချ ရေသွင်းခြင်း နည်းစနစ်ဖြင့်လည်း အသုံးပြုနိုင်သည်။ စိုက်ခင်းအား ရေသွင်းသည့် အခါ ရေငွေ့ပျံ၍ ဆုံးရှုံးမှု မဖြစ်စေရန် အပင်မှ အစိုဓါတ် သေချာပေါက် ရရှိစေရန် ရေကို ဂရုတစိုက် သွင်းပေးရမည်။

Irrigation for Potato

Learning Series

အာလူးစိုက်ခင်းကို ဘယ်ချိန်မှာရေသွင်းမလဲ?