အပူချိန်မှန် စိုက်ပျိုးရန် အာလူးကြီးထွား အမြတ်များ
အာလူးစိုက်ပျိုးဖို့ ဘယ်လိုမြေအမျိုးအစားနဲ့ ဘယ်အပူချိန်တွေ လိုအပ်လဲ

အာလူးကို မြေအမျိုးမျိုးတွင် စိုက်ပျိုးနိုင်ပြီး ဆားပေါက်သောမြေနှင့် ထုံးဓါတ် များသောမြေတွင် မဖြစ်ထွန်းပါ။ အာလူးသည် ပွသောမြေ၊ နုန်းတင်မြေ နှင့် အနည်းငယ် သဲဆန်သောမြေ ၊ သဘာဝမြေသြဇာ နှင့် မြေဆွေးများ ရှိသောမြေ ၊ ရေစီးရေလာ ကောင်းသောမြေနှင့် လေဝင်လေထွက် ကောင်းသောမြေတွင် ကောင်းစွာ စိုက်ပျိုး ဖြစ်ထွန်းနိုင်သည်။ မြေချဉ်ငံဓါတ် (၅-၆.၅)တွင် အာလူး စိုက်ပျိုးရန် အကောင်းဆုံး ဖြစ်သည်။ အေးသည့် ဒေသတွင် စိုက်ပျိုး ဖြစ်ထွန်းသည့် သီးနှံ ဖြစ်သောကြောင့် အားလူးဥ ဖြစ်ထွန်းရန် အအေးဓါတ် လိုအပ်ပါသည်။ အာလူးဥသည် အပူချိန် ၁၀°C ဒီဂရီ စင်တိဂရိတ်၊ ( ၅၀°F ) ဒီဂရီ ဖာရင်ဟိုက် အောက်နှင့် ၃၀°C ဒီဂရီ စင်တီဂရိတ်၊ ( ၈၆°F ) ဒီဂရီ ဖာရင်ဟိုက် အထက် ရောက်လျှင် အပင်ကြီးထွားမှု နှေးပြီး ဈေးကွက်ဝင်သည့် အာလူးဥကို မထုတ်လုပ်နိုင်ပါ။ အသင့်တော်ဆုံး အပူချိန်မှာ ပျမ်းမျှ အပူချိန် ( ၁၆-၂၇ °C) ဒီဂရီ စင်တီဂရိတ်၊(၆၀-၈၀°F) ဒီဂရီ ဖာရင်ဟိုက်တွင် အာလူးဥကို ကောင်းစွာ ထုတ်လုပ်နိုင်ပြီး အကောင်းဆုံး အထွက်နှုန်းကို ရရှိနိုင်သည်။ မိုးရေချိန် (၄၀-၈၀) လက်မရရှိသည့် ဒေသများတွင် ကောင်းစွာ ဖြစ်ထွန်းသည်။
အာလူး စိုက်ပျိုးရန် မြေကို မွနေအောင် ပြင်ဆင်ရန် အရေးကြီးသည်။ စိုက်ခင်းထဲတွင် အမှိုက်များ ပေါင်းပင် အမြစ်များ မကျန်အောင် ထယ်ထိုး ထွန်မွှေရမည်။ မြေမွမွ ဖြစ်စေရန်၊ မြေအစိုဓါတ်ကို ထိန်းထားနိုင်ရန်၊ ရေစီးရေလာ ကောင်းသည့် မြေရရှိစေရန် မြေအနေအထားပေါ် မူတည်၍ ထယ် (၁-၂) စပ်ဝင်ပြီး ထွန်၆စပ် မှ ၈စပ်အထိ ဝင်ပေးရန် လိုအပ်သည်။

Land Preparation for Potato

Learning Series

အာလူး စိုက်ပျိုးရန် မြေပြုပြင်ခြင်း