ဖရဲစိုက်ပျိုးရန်အတွက် မြေပြုပြင်ခြင်း

စိုက်ပျိုးမြေ ပြင်ဆင်ခြင်း- ရေစီးရေလာ ကောင်းသည့် နှုံးမြေနှင့် သဲဆန်သော မြေတွင် ဖရဲသီးကို အထွက်နှုန်း ကောင်းကောင်းရရန် စိုက်ပျိုးနိုင်သည်။- အရင်နှစ်က ရောဂါကျရောက် ခဲ့ဖူးသော ဖရဲစိုက်ခင်းတွင် ထပ်မံ မစိုက်ပျိုးသင့်ပါ။ - မြေမွှနေစေရန် ထယ်တစ်ကြိမ် ထွန်ပီး ထွန်နှစ်ကြိမ် ဝင်ပေးရမည်။- ပင်ကြွင်းပင်ကျန် များကိုလည်း မြေပြင်သည့်အခါ မြေကြီးနှင့်အတူ တစ်ခါတည်း ရောမွှေ၍ မြေဆွေးဖြစ်အောင် ပြုလုပ်ရမည်။- ဖရဲပင်သည် အစောပိုင်း ကာလတွင် ပူနွေးသည့် ရာသီဥတုကို ကြိုက်နှစ်သက်သည်။- အမြစ်ပွားများမှုနှုန်း ကောင်းမှသာ အပင်အတွက် လိုအပ်သည့် အာဟာရဓါတ်နှင့် ရေကို လုံလောက်စွာ စုပ်ယူရရှိနိုင်မည် ဖြစ်သည်။

ပျိုးခင်းအဆင့် သဲနှုန်းမြေဆွေး (၅)အိတ်၊ နွားချေးတစ်အိတ်၊ ပျာ (၃)အိတ် နှင့် တီစူပါ နို့ဆီဗူး (၁)ဗူးတို့ကို သမအောင် ရောစပ်ပြီး (၂၅)ပေါက်ပါ ပျိုးဗန်းတွင် ထည့်၍ ပျိုးထောင်ပါ။

ပျိုးဘောင် ပြင်ဆင်ခြင်း ထယ်ရေးနက်နက်နှင့် ထွန်ရေးညက်ညက်ရစေရန် (၃)သွားထယ် တစ်စပ်၊ (၁၆) သွားထွန် (၂) စပ်ဝင်၍ မြေပြင်ပါ။ နွားချေး အိတ်( ၅၀) နှင့် ကွန်ပေါင်း ဓါတ်မြေသြဇာ (၁၅:၁၅:၁၅)ပတ်လည် (၄) အိတ်ကို မြေခံအနေဖြင့် ထည့်သုံးရပါမည်။ ဖရဲဘောင်ကို (၂) ဘောင်တွဲ ဘောင်များဆွဲပြီး ဘောင်တစ်ခုနှင့် တစ်ခုကြား ပေ(၂၀) ခြားရမည်။ ဘောင်၏အမြင့်ကို တစ်ပေခွဲ နှင့် (၂) ဘောင်တွဲ ဘောင်တစ်ခုနှင့် တစ်ခုကြား အကွောအဝေးကို (၁)ပေထားရမည်။ စိုက်ခင်းဘောင်ကို အစိုဓါတ်ထိန်းရန်နှင့် ပေါင်းကျရောက်မှုကို လျှော့ချရန် ပလက်စတစ် အနက်ဖြင့် အုပ်ထားရမည်။ အပင်ကို ရွေ့ပြောင်း မစိုက်ခင်(၁၀)ရက် အလိုတွင် စိုက်ခင်းဘောင်ကို ကြိုတင် ပြင်ဆင်ထားရမည်။

စိုက်ခင်းဘောင်ပြင်ဆင်ခြင်းစိုက်ခင်းဘောင်များ ပြင်ဆင်ရန် စိုက်ခင်းမြေများကို ပေါင်းမြက်များ ကင်းစင်အောင် အထူးပြုလုပ်ရမည်။

အပင်စိုက်ပျိုးနည်းများ ပျိုးပင် (၇-၉) ရက်သားတွင် တစ်ဧကအတွင်း ဝင်ဆံ့သည့် အပင်ဦးရေ (၁၆၀ဝ) ရရန် ပင်ကြားအကွာအဝေး (၂) ပေနှင့် တန်းကြား အကွာအဝေး (၁၃.၅)ပေ ထား၍ စိုက်ပျိုးရမည်။ ရွှေ့ပြောင်း စိုက်ပြီးပြီးချင်း စိုက်ခင်းဘောင်ကို ကောက်ရိုးဖြင့် ဖုံးအုပ်ပေးရမည်။ အညွှန့်များ ရှည်ထွက်လာသည့်အခါ အကူအညီရစေရန် စိုက်ခင်းဘောင်ပေါ်တွင် ကောက်ရိုးခြောက် အနည်းငယ် ထားပေးရပါမည်။

ဝတ်မှုံကူးသည့် အဆင့် အပင် (၂၅-၃၀) ရက်သားတွင် ကောင်းမွန်အောင်မြင်သည့် အသီးရရန် ဝတ်မှုံကူးပေးရန် လိုအပ်ပါသည်။ ဝတ်မှုံကူးခြင်းကို နံနက်ပိုင်း (၇-၁၀) နာရီအတွင်းတွင် လုပ်ဆောင်ပေးရမည်။

Land Preparation for Watermelon

Learning Series

ဖရဲစိုက်ဖို့ မြေပြင်စို့