အာလူးအထွက်ကောင်းဖို့ အဓိက အရေးကြီးတဲ့ အချက်ကဘာလဲ
အာလူးမစိုက်ခင် မျိုးစေ့လူးနယ်ဆေး အသုံးပြုခြင်းရဲ့ကောင်းကျိုးများ

အာလူးကို စိုက်ပျိုးရာတွင် မျိုးစေ့ကို တိုက်ရိုက်မသုံးဘဲ အာလူးဥ၏ မျက်စေ့ လေးများ နှင့် အာလူး ဥလေးများကို အလုံးလိုက် (သို့မဟုတ်) ခွဲစိပ်၍ (၆-၈) လက်မ အနက်တွင် စိုက်ပျိုးကြသည်။ အထွက်ကောင်း ရရှိရန် မိမိတို့ရွေးချယ် စိုက်ပျိုးသော အားလူးမျိုးသည် မျိုးကောင်း မျိုးသန့် ဖြစ်ရန် အရေးကြီးသည်။ အရည်အသွေး ကောင်းသည့် အားလူးမျိုးသည် ရောဂါကင်း၍ အပင်ပေါက်နှုန်း ကောင်းသည့်မျိုး၊ အပုပ် အနာအဆာ ကင်း၍ ကောင်းမွန်သည့်မျိုး၊ အနည်းဆုံး (၃)လခန့် သိုလှောင်ထားပြီး အာလူးမျိုးဥ တစ်ခုချင်းစီ၏ အလေးချိန် (၃-၅)ကျပ်သားအရွယ် ပတ်ဝန်းကျင်ရှိသောမျိုးကို ရွေးချယ် စိုက်ပျိုးသင့်ပါသည်။ အထွက်နှုန်းသည် မိမိ စိုက်ပျိုးသည့် အာလူးမျိုးပေါ် မူတည် သောကြောင့် ဈေးကွက်ဝင်၍ အထွက်နှုန်း ကောင်းသည့် မျိုးကိုသာလျှင် ရွေးချယ်စိုက်ပျိုးပါက သာမန်မျိုးထက် (၅-၁၀) ဆသာနိုင်ပြီး တစ်ဧကလျှင် (၃၀၀၀-၇၀၀၀) ပိဿာခန့် ရနိုင်သည်။
အပင် မစိုက်ခင် မျိုးအာလူးကို မျိုးစေ့လူးနယ်ဆေး အသုံးပြုခြင်းဖြင့်
- အပင်ပေါက်နှုန်း ကောင်းစေခြင်း
- အပင်ပေါက် ညီညာစေခြင်း
- မျိုးစေ့ လူးနယ်ဆေး သုံးထားသောကြောင့် အပင် မပေါက်ခင်နှင့် သီးနှံပင် အစောပိုင်း ကာလတွင် ကျရောက်တတ်သော ပိုးမွှား ရောဂါများကို ကာကွယ်ပေးခြင်း
- အပင်ပေါက်နှုန်း ညီညာသောကြာင့် တစ်ဧက အတွင်း ဝင်ဆံ့ရမည့် အပင်ဦးရေ ပြည့်မှီသည်။
မျိုးစေ့ လူးနယ်ဆေး အသုံးပြုရာတွင် တစ်ဧကလျှင် ဟိုမိုင်း(၈၀%) (Homai 80% WP) ၁၀၀ ဂရမ် (၃-၄) ထုပ်ကို အာလူးမျိုးဥ တစ်ဧကစာနှင့် မစိုက်ခင် ရောနယ် အသုံးပြုပါ။
မြန်မာနိုင်ငံတွင် အစိုက် အများဆုံး အာလူးမျိုးများမှာ အက်တူဒိတ်/စစ်ဗိုလ် (Up-To-Date) ၊ ကူဖရီရိုတီ (Kufrijyoti) စီအိုင်ပီ -၂၄ (CIP-24) ၊ နယ်သာလန် မျိုးများဖြစ်သော အာဆင်နယ် (Arsenal)၊ ကယ်ရိုလပ် ( Carolus)၊ မာခီးစ် (Markies) တို့ဖြစ်ပါသည်။

Variety Selection for Potato

Learning Series

အာလူး စိုက်ပျိုးရန် မျိုးရွေးချယ်ခြင်း