🌿 ပဲစဉ်းငုံပင်များသည် ကြီးထွားမှုနှေးသော သီးနှံပင်များဖြစ်ပြီး အများအားဖြင့် မိုးရာသီတွင် စိုက်ပျိုးလေ့ရှိကြပါသည်။
🌿 စိုက်ပျိုးမှု ကနဦးအဆင့်တွင် ပေါင်းပင်များ၏ ဒဏ်ကို ခံရတတ်သောကြောင့် ကနဦး ကြီးထွားမှုအဆင့် (၄ပတ်-၆ပတ်သားအရွယ်)တွင် ပေါင်းသင်ပေးသင့်ပါသည်။
🌿 ပေါင်းပင်များကို လက်ပေါင်းလိုက်ခြင်းဖြင့် လည်းကောင်း၊ ထွန်ဖြင့်ကြားလိုက်ခြင်းဖြင့် လည်းကောင်း၊ ပေါင်းသတ်ဆေးဖြင့် လည်းကောင်း မိမိအဆင်ပြေသည့်နည်းဖြင့် နှိမ်နင်း ဖယ်ရှားပေးပါ။
🌿 ပန်းပွင့်ချိန်ထိ ပေါင်းလိုက်ပေးခြင်းကို ပုံမှန် ပြုလုပ်ရပါမည်။
ဓာတုနည်းဖြင့်ပေါင်းနှိမ်နှင်းခြင်းဓာတုနည်းဖြင့်ပေါင်းနှိမ်နှင်းခြင်း
🌿 ပေါင်းပင်များ အများအပြား ပေါက်ရောက်လာပါက အပင်များမပေါက်မီ ရွေးချယ်ပေါင်းသတ်ဆေးကို အသုံးပြုပေးပါ။ ပေါင်းသတ်ဆေးများ သုံးပြီးပြီးချင်း ပဲစဉ်းငုံပင်များကို စိုက်ပျိုးခြင်းမှ ရှောင်ကြဉ်သင့်ပါသည်။
🌿 ပေါင်းသတ်ဆေးသုံးရာတွင် ကျွမ်းကျင်မှု မရှိပါက အပင်ငယ်လေးများကို သေစေနိုင်သည်အထိ ဆိုးကျိုးသက်ရောက်မှု ရှိနိုင်ပါသည်။ ပေါင်းသတ်ဆေးပါ အညွှန်းကို သေချာဖတ်ပြီး ဖော်ပြပါ အချက်များကို လိုက်နာသင့်ပါသည်
🌿 သီးနှံစောင့်ဆိုင်းရက်
🌿 ဆေးသုံးရမည့် အချိန်၊ အခြေအနေ၊ နှုန်းထား
🌿 ရာသီဥတု အနေအထား စသဖြင့်
🌿 ပေါင်းသတ်ဆေးဖြန်းရာတွင် အရွက်များနှင့် ပင်စည်များပေါ်သို့ တပြေးညီ ပက်ဖြန်းပေးပါ။ ရွက်ပြန့်သီးနှံများအတွက် တစ်နှစ်ခံ နှင့် နှစ်ရှည်မြက်များကို နှိမ်နင်းနိုင်သည့် ပေါင်းသတ်ဆေးများကို အသုံးပြုပေးပါက သီးနှံပင်ထိခိုက်မှုမှ ကာကွယ်နိုင်မည် ဖြစ်ပါသည်။
🌿 ပဲစဉ်းငုံစိုက်ပျိုးပြီးနောက်ပိုင်း ပေါင်းသတ်ဆေး အသုံးပြုရန် လိုအပ်ပါက အပင်ငယ်လေးများကို ထိခိုက်မှု မရှိစေရန် အရှိန်မပြင်းသည့် စပရေးခေါင်းကိုသာ အသုံးပြုသင့်ပြီး စိုက်ပျိုးရေး ဝန်ထမ်းများ သို့မဟုတ် ပေါင်းသတ်ဆေး အရောင်းကိုယ်စားလှယ်များနှင့် တိုင်ပင်ဆွေးနွေးပါ။

Weed Management for Pigeon Pea

Learning Series

ပေါင်းမြက်ရှင်းခြင်း