ရှမ်းပြည်နယ်အတွက် တစ်ပတ်စာ မိုးလေဝသခန့်မှန်းချက်နှင့် အကြံပြုချက်

၂၀၂၅ မတ်လ ၇ရက်နေ့မှ ၁၆ရက်နေ့အတွင်း ရှမ်ပြည်နယ်တစ်ခုလုံးမှာ နေ့အပူချိန်များအနည်းငယ်တိုးလာနိုင်ပြီး ရှမ်းပြည်နယ်အရှေ့ပိုင်းမှာ မတ်လ ၉ရက်နေ့ နေရာကွက်ကျားမိုးဖွဲဖွဲရွာနိုင်ပါတယ်။ 

ရှမ်းပြည်နယ်အရှေ့ပိုင်း တာချီလိတ်ခရိုင်မှ မတ်လ ၈ရက်နေ့ ၉ရက်နေ့တွေမှာ မိုးအနည်းငယ်ရွာနိုင်ပါတယ်။ 

#တိကျမှန်ကန် 

Su Su San 

ရှမ်းပြည်နယ်အတွင်းရှိ တောင်သူများအနေနှင့် ဂေါ်ဖီထုတ်စိုက်ခင်းတွေမှာ ဘက်တီးရီးယားပျော့ပုပ်ရောဂါ ကျရောက်နေပြီဆိုရင်တော့ 

• စိုက်ခင်းသန့်ရှင်းရေးကို အထူးဂရုပြုဆောင်ရွက်ပါ။ 
• ရောဂါကျအပင်များတွေ့တွေ့ချင်း ဖယ်ရှားပါ။ 
• ရေသွင်းရေထုတ်စနစ်ကောင်းမွန်အောင်ဆောင်ရွက်ပါ။ ရေမဝပ်ပါစေနဲ့။ 
• အပင်များကို ထိခိုက်မှုမရှိစေပါနဲ့။ 
• ပင်ကြားတန်းကြား ကျဲကျဲစိုက်ပါ။ 
• ရောဂါကိုကြိုတင်ကာကွယ်တဲ့အနေနဲ့ ကောပါး ပါဝင်သောမှိုသတ်ဆေးများအသုံးပြုပါ။ (ကောပါးအောက်ဆီကလိုရိုက်၊ ကောပါးအောက်ဆိုဒ်) 
• ယခင်ဂေါ်ဖီထုတ်စိုက်ခင်းတွင် ပျော့ပုပ်ရောဂါကျရောက်ဖူးပါက ကြိုတင်ကာကွယ်ခြင်းက ပိုမိုထိရောက်ပါတယ်။ 

ငါး/ပုစွန်ကန်များအတွက်အကြံပြုချက်   

ရှမ်းပြည်နယ်မှာရှိတဲ့ ငါး/ပုစွန်မွေး တောင်သူများအတွက် ထုံးစနစ်တကျ အသုံးပြုနိုင်ရန် တင်ပြဆွေးနွေးအပ်ပါသည်။

• ငါးကန်ရေ အရည်အသွေးမပျက်စီးစေရန်နှင့် ကန်အောက်ခြေ အပုတ်အဆွေးများ၏ ဆိုးကျိုးကို တားဆီး နိုင်ရန်အတွက် မွေးမြူရေးကာလတစ်လျှောက် ၂ - ၃ လလျှင် တစ်ကြိမ် တစ်ဧကလျှင် ထုံး (၂၅)ကီလို /၁၅.၅ပိဿာ မှ (၃၀)ကီလို /၁၈.၆ ပိဿာ ပုံမှန်ထည့်သွင်းပေးရန် လိုအပ်ပါကြောင်း တင်ပြအပ်ပါသည်။ 
• ထုံးထည့်သွင်းရာတွင် တစ်ညအိပ်ရေစိမ်ပြီး၊ နောက်တစ်နေ့ မနက်ပိုင်း နေပူချိန်တွင် ကန်အနှံ့ပက်ပေးပါ။ 
• ထုံးအမျိုးမျိုးရှိသည့်အနက် မဖောက်ထုံးမှာ ငါးမွေးကန်အတွက် အသုံးဝင်သောထုံး ဖြစ်ပါသည်။ ၎င်းထုံးမှာ ကျောက်တုံးကဲ့သို့ မာကျောပါသည်။ ငါးကန်တွင် အကျိုးရှိစွာ အသုံးချနိုင်ပါသည်။ 
• သုံးမည့် ရေနှင့်ဓာတ်ပြုပြီး ဓာတ်ငွေ့များထွက်သောကြောင့် ရေပူဘောင်းများပေါ်ထွက်လာခြင်း၊ အပူဓာတ်ပေါ်ထွက်လာခြင်း ရှိပါက အရည်အသွေးကောင်းသောထုံး ဖြစ်ပါသည်။ 

-------------- 

မိုးလေဝသအဖွဲ့ဝင်ရန် - https://htwettoe.com/organization/12 

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို 

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်. 

သီးနှံပေါက်စျေးကြည့်ရှုနည်း_ https://htwettoe.com/post/50437