ရန်ကုန်တိုင်း မေလ ၁၂ ရက် မှ မေလ ၁၈ ရက်အထိ မိုးလေဝသအခြေအနေ

#ဆိုင်ကလုန်းမုန်တိုင်းဖြစ်လာနိုင်ချေတော့ ၅၀% သာရှိကြောင်း 

လက်ရှိဖြစ်ပေါ်နေတဲ့ပင်လယ်ပြင်အခြေအနေတွေနဲ့ အနောက်တောင်မုတ်သုံလေဝင်ရောက်လာနိုင်မဲ့အခြေအနေများအရ - 

မေလ ၁၄ ရက်မှ စတင်ပြီး မိုးဦးကာလမိုးများ ရန်ကုန်တိုင်းအတွင်းစတင်ရွာသွန်းနိုင်မှာဖြစ်ပါတယ်။ ဘင်္ဂလားပင်လယ်အော်မှာဖြစ်လာနိုင်မည့် လေဖိအားနည်းရပ်ဝန်းက အားပိုကောင်းလာပြီး မြောက်ဘက်ကို ဆက်လက်ရွေ့လျားကာ ဘင်္ဂလားဒေ့ရှ်နိုင်ငံကမ်းခြေကို မေလ ၁၉ ရက်နေ့မှာဖြတ်ကျော်ဝင်ရောက်နိုင်မယ်၊ ဆိုင်ကလုန်းမုန်တိုင်းဖြစ်လာနိုင်ချေတော့ ၅၀% သာရှိကြောင်း ECMWF Cyclone activity (including genesis) Chart မှာ နေ့စဉ်ထုတ်ပြန်ချက်တွေအရ သိရပါတယ်။ 

ရန်ကုန်တိုင်းရဲ့ ခရိုင်အားလုံးမှာ မေလ ၁၅ ရက်နေ့က စ ပြီး မိုးများရာမှ မိုးအလွန်များနိုင်(မီလီမီတာ ၁၀၀ ကျော် = ၄ လက်မကျော်ခန့်အထိ) မိုးရေချိန်ရရှိနိုင်ပါတယ်။ 

တောင်ဘက်နှင့်အနောက်တောင်ဘက်မှ လေပြင်းတနာရီ ၁၀ မိုင်မှ ၂၅ မိုင် အထိတိုက်ခတ်နိုင်ကြောင်းတွေ့ရပြီး - 

မေလ ၁၁ ရက်နေ့အထိ ၃၅°C ရှိနေတဲ့ အပူချိန်က မေလ ၁၂-၁၃ ရက်နောက်ပိုင်းကစပြီး ၃၀°C အထိကျဆင်းလာနိုင်ပါမယ်။ မိုးရွာပြီးချိန်မှာ လေထုစိုထိုင်းဆ ၈၀% အထက်မှာ ရှိနေပါမယ်။ 

Weather Source: U Win Naing 

ငါး၊ပုစွန်ကန်များအတွက် အကြံပြုချက် 

"မိုးရာသီတွင် ငါးကန်များ၌ ဖြစ်တတ်သောအခြေအနေများ" သတိပြုရန် 

• မိုးအဆက်မပြတ်ရွာသွန်းပြီး မိုးအုံ့နေသောကြောင့် ကန်ရေ၏အပူချိန်သည်လည်း ကျဆင်းနေတတ် ပါသည်။ 
• အပူချိန်ကျဆင်းမှုသည် ၂၅ဒီဂရီင်တီဂရိတ်အောက် ရောက်နေပါက ငါးများသွားလာလှုပ်ရှားမှုနည်း ခြင်းအပြင် အစာစားနှုန်းလည်း ကျဆင်းတတ်ပါသည်။ 
• ငါးမွေးကန်သည် မိုးအုံ့နေသောအချိန်တွင် နေရောင်ခြည် မရရှိသဖြင့် အလင်းမှီ အစာစုဖွဲ့ခြင်းအလုပ်ကို မလုပ်နိုင်ပါ။ 
• ထို့ကြောင့် ကန်အတွင်း ပျော်ဝင်အောက်စီဂျင် မထွက်ရှိနိုင်ပါ။ ကန်အတွင်း ပျော်ဝင်အောက်စီဂျင် နည်းပါးပြီး ငါးများအသက်ရှူနှုန်း အပြည့်အဝမရရှိနိုင်ပါ။ 

-------- 

မိုးလေဝသအဖွဲ့ဝင်ရန် - https://htwettoe.com/organization/12 

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို 

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်. 

သီးနှံပေါက်စျေးကြည့်ရှုနည်း_ https://htwettoe.com/post/50437