မန္တလေးတိုင်း ဇွန်လ ၆ ရက် မှ ဇွန်လ ၁၂ ရက်အထိ မိုးလေဝသအခြေအနေ

၂၄ နာရီအတွင်း ရွာသွန်းရရှိနိုင်မဲ့ မိုးရေချိန်တွေကတော့ ၂၀ မီလီမီတာ(၀.၈ လက်မခန့်)ထက် မကျော်နိုင်ပါ။ 

တောင်ဘက်မှ လေတိုက်နှုန်း တစ်နာရီ ၁၅ မိုင်ခန့်အထိတိုက်နိုင်ပြီး၊ ဇွန်လ ၁၁ ရက်နေ့အထိ နေ့အပူချိန်များ ၃၄°C အထိမြင့်တက်နေနိုင်ကာ ဇွန် ၁၂ ရက်ကျော်မှ နေ့အမြင့်ဆုံးအပူချိန်များ ပြန်လည်ကျဆင်းလာနိုင်ပါတယ်။ 

၄ ရက် မိုးလေဝသအခြေအနေကြိုတင်ခန့်မှန်းချက်တွေကိုကြည့်ပြီး မိမိဒေသအတွင်းမှာဖြစ်ပေါ်လာနိုင်တဲ့ လေ/မိုးအခြေအနေကို ကိုယ်တိုင်သိရှိတွက်ဆနိုင်အောင် ကြိုးစားလေ့လာကြစေချင်ပါတယ် - https://www.mmweather.org/divisional-cities-weather/mandalay-div 

Win Naing 

Administration Team, 

MMWEATHER, 

https://www.mmweather.org/home 

မန္တလေးတိုင်းဒေသကြီးအတွင်း ငရုတ်စိုက်တောင်သူများအတွက် စိုက်ပျိုးရေးအကြံပေးချက် 

မန္တလေးတိုင်းဒေသကြီးအတွင်း ငရုတ်စိုက်တောင်သူများအနေဖြင့် မိုးအဆက်မပြတ်ရွာသွန်းခြင်း၊ အစိုဓာတ်မြင့်မားခြင်း နှင့် အပူချိန်မြင့်မားခြင်းတွေကြောင့် ငရုတ်ဖလံဖြူရောဂါ (ကိုင်းဖျားခြောက် ရောဂါ) ဖြစ်ပေါ်စေနိုင်၍ အထူးဂရုစိုက်ပေးရန်လိုအပ်ပါသည်။ ၎င်းရောဂါကျရောက်ပါက အရွက်၊ အသီး၊ အပွင့် တွေမှာ ရေစိုနာ ကွက်တွေဖြစ်လာပြီး ခြောက်သွားခြင်း၊ ပင်စည်ပေါ်တွင် အညိုရောင်မှ အနက်ရောင် အကွက်တွေဖြစ်ကာ ကိုင်းများခြောက်ပြီး ကျိုးကျသွားခြင်းတို့ ဖြစ်ပါတယ်။ ကာကွယ်နှိမ်နင်းနည်းလမ်းများမှာ - 

• Nitrogen (N) မြေသြဇာ အလွန်အကျွံသုံးခြင်းမှရှောင်ကြဥ်ပါ။ 
• Potash (K) အချိုးမြင့်သော မြေသြဇာကို ကျွေးပေးပါ။ 
• ပေါင်းပင်များသည်ရောဂါလက်ခံပင်ဖြစ်နိုင်သဖြင့် ပေါင်းများရှင်းပေးပါ။ 
• ရေကိုလိုတာထက်ပိုမသွင်းရ၊ ရောဂါဖြစ်နေချိန်မှာ ရေမသွင်းပေးရပါ။ 
• ဓာတုဆေးများအနေဖြင့် Azoxystrobin ၊Trifloxystrobin ၊ Difenoconazole၊ Tebuconazole ကဲ့သို့သော မှိုသတ်ဆေးများဖျန်းပေးပါ။ 

ငါး/ပုစွန်ကန်များအတွက်အကြံပြုချက် 

ငါးမွေးကန်များနောက်ကျိရခြင်းသည် ရေထဲတွင် အမှုန်အမွှားများပြားခြင်းကြောင့် ဖြစ်ပါသည်။ အထူးသဖြင့် မိုးရာသီတွင် ရွှံ့ ၊နှုံးမြေများကို မိုးရေတိုက်စားပြီး ကန်အတွင်း ကျရောက်သဖြင့် ရေနောက်ကျိခြင်း ပိုမိုများပြားစေပါသည်။  

ကန်ရေနောက်ကျိနေခြင်းကြောင့် နေအပူချိန် နှင့်အလင်းရောင်သည် ကန်မျက်နှာပြင်မှ အောက်သို့ထိုးဖောက်ဝင်ရောက်မှု နည်းပါးသောကြောင့် အပင်မျှောလှေးနှင့် အကောင်မျှောလှေး ပေါက်ဖွားခြင်းကို လျှော့နည်းစေသည့် အပြင်၊ ကန်အတွင်း အောက်စီဂျင်ပျော်ဝင်မှု ဖြစ်စဉ်လည်းကျ ဆင်းလာသည်ကိုတွေ့ရှိရပါသည်။   

ကန်အတွင်းအနယ်အနှစ်များပြားသဖြင့် ငါးများ၏ပါးဟက် ပိတ်ဆို့စေသည်။ ပါးဟက်၏သွေးကြောမျှင်ကလေးများက ရေထဲရှိ ပျော်ဝင်အောက်စီဂျင်ကို စုပ်ယူအသက်ရှူခြင်းလုပ်ငန်းကို ဆောင်ရွက်ရသဖြင့် အသက်ရှူခြင်းကိုလည်း ရေနောက်ကျိခြင်းက တိုက်ရိုက်ထိခိုက်စေပါသည်။ 

-------- 

မိုးလေဝသအဖွဲ့ဝင်ရန် - https://htwettoe.com/organization/12 

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို 

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်. 

သီးနှံပေါက်စျေးကြည့်ရှုနည်း_ https://htwettoe.com/post/50437