ရန်ကုန်တိုင်း ဇွန်လ ၃၀ ရက် မှ ဇူလိုင်လ ၆ ရက်အထိ မိုးလေဝသအခြေအနေ

ဘင်္ဂလားပင်လယ်အော်မှာ အနောက်တောင်မုတ်သုံလေအားအလွန်ကောင်းနေပြီး ဘင်္ဂလားပင်လယ်အော်မြောက်ပိုင်းပင်လယ်အတွင်း ဇွန်လ ၂၉ ရက်မှ ဇူလိုင် ၁၂ ရက်အထိ အထက်လေပွေလှိုင်းနှင့် လေဖိအားနည်းရပ်ဝန်းများဆက်တိုက်ဖြစ်ပေါ်နေတာကြောင့် မြန်မာနိုင်ငံဘက်မှာ မုတ်သုံမိုးရွာသွန်းခြင်းက ရက်ဆက်ဆိုသလိုရှိနေမှာဖြစ်ပါတယ်။ 

·          ရန်ကုန်တိုင်းအတွင်း နေရာကွက်၍မိုးများနိုင်/မိုးသည်းထန်နိုင်ခြင်းများရှိနေမှာဖြစ်ပြီး ဒေသအလိုက်-နေ့စဉ်မိုးရေချိန် လက်မဝက်(၀.၅ လက်မ)အောက်မှ ၁.၅ လက်မအထိ ရွာသွန်းကာ ဇွန် ၃၀ ရက်မှ ဇူလိုင် ၆ ရက် အထိ - ၇ ရက်အတွင်း ရန်ကုန်တိုင်းတစ်ခုလုံးရဲ့ ပျမ်းမျှမိုးရေချိန် ၇ လက်မခန့်အထိ ရရှိနိုင်ကြောင်း ခန့်မှန်းထားပါတယ်။ 

·          ၇ ရက်အတွင်း - ရန်ကုန်တိုင်းမြောက်ပိုင်း၊ အရှေ့ပိုင်းနဲ့ အနောက်ပိုင်းခရိုင်တွေမှာ မိုးရေချိန်စုစုပေါင်း ၆ လက်မကျော်ခန့်၊ တောင်ပိုင်းခရိုင်တွေမှာ ၇ လက်မကျော်ခန့်နဲ့ ရန်ကုန်မြို့လယ်ရပ်ကွက်တွေမှာ ၅ လက်မကျော်ခန့်အထိ ရွာသွန်းရရှိနိုင်ပါတယ်။ 

·          ရန်ကုန်မြို့ပေါ်မှာ အနောက်တောင်ဘက်မှ လေတိုက်နှုန်းအမြင့်ဆုံး တစ်နာရီ မိုင် ၂၀ ခန့်အထိတိုက်ခတ်နိုင်ပြီး ပင်လယ်ကမ်းရိုးတန်းနှင့်နီးတဲ့ ကမ်းခြေဒေသတွေမှာ တစ်နာရီ ၂၅ မိုင်နှင့်အထက် တိုက်ခတ်နိုင်ကာ၊ ကမ်းရိုးတန်းအနီးပင်လယ်ကမ်းခြေမှာ လှိုင်းအမြင့် ၃ ပေမှ ၅ ပေခန့်အထိ ရှိနိုင်ပါတယ်။ 

·          အခုရက်သတ္တပါတ် ၁ ပါတ်အတွင်း အမြင့်ဆုံးနေ့အပူချိန် ၃၂°C နဲ့ အနိမ့်ဆုံး ည အပူချိန် ၂၅°C ရှိနိုင်ပြီး လေထုစိုထိုင်းဆ ၇၀% မှ ၉၀% အထိ ရှိနိုင်ပါမယ်။ ရန်ကုန်မြို့တွင်းမှာ လေထုစိုထိုင်းဆမြင့်တက်ချိန် ခံစားရတဲ့အပူချိန်(Temperature Feels Like) ၃၈°C အထိရှိနေပြီး မိုးမရွာလေမတိုက်တဲ့အချိန်တွေမှာ ပုံမှန်အပူချိန်ထက်ပိုနေမှာကြောင့် ပူအိုက်နေနိုင်ပါမယ်။ 

·      ရန်ကုန်တိုင်းရဲ့ အခုတစ်ပါတ်လေထုညစ်ညမ်းမှုအခြေအနေ -AQI, PM2.5, PM10 အားလုံးကောင်းနေပြီး အန္တရာယ်ရှိတဲ့ အဆင့်မှာမရှိပါ။ လေထုအတွင်း ကာဗွန်မိုနောက်ဆိုဒ်(CO)ပါဝင်မှုပမာဏ ည ၉ နာရီနောက်ပိုင်းမှာ သတိထားသင့်တဲ့ပမာဏ 200 ppbv ထက်ကျော်လွန်ပြီး 770 ppbv အထိရှိနေတာတွေ့ရပါတယ်။ 

အန္တရာယ်မြင့်မားတဲ့ ပါဝင်မှု 800 ppbv ထက်ကျော်လွန်ပြီးပါဝင်နေတာတော့ မတွေ့ရပါ။ *Concentration of carbon monoxide is expressed in parts per billion by volume (ppbv). A concentration of 1 ppbv means that for every billion molecules of gas in the measured volume, one of them is a carbon monoxide molecule. 

Win Naing 

Administration Team, 

MMWEATHER, 

https://www.mmweather.org/home 

ရန်ကုန်တိုင်းဒေသကြီးအတွင်းရှိ မိုးစပါးစိုက်တောင်သူများထံသို့...

စိုက်ပျိုးရေးဆိုင်ရာ အကြံပြုချက်

မိုးစပါး ပေါင်းပြဿနာအတွက် ရွေးချယ်ပေါင်းသတ်ဆေးသုံးမည်ဆိုပါက စပါးပင် ၁၅-၂၀ ရက်သားမှစတင်ပြီး ပေါင်းရွက် (၂-၄ ရွက်)ထွက်ချိန်တွင်ဖျန်းပါ။

ပေါင်းသတ်ဆေးတွင် ပါဝင်သောဆေးပစ္စည်းမှာ တစ်မျိုးတည်းဖြစ်စေ၊ နှစ်မျိုးဖြစ်စေ စပါးခင်းထဲတွင်ပေါက်နေသမျှပေါင်းတိုင်းကိုတော့ သေစေမှာမဟုတ်ပါဘူး။

ကိုယ့်စိုက်ခင်းထဲမှာပေါက်နေတဲ့ဘယ်ပေါင်းက အဆိုးဆုံးဖြစ်လဲဆိုတာကိုစဥ်းစားပြီးမှ ဆေးကိုရွေးချယ်ပါ။

လိုအပ်သောပေါင်းနှိမ်နင်းခြင်းကိုပြုလုပ်ပြီးမှ မြေဩဇာကိုထည့်သွင်းပေးပါ။

ပေါင်းသတ်ဆေးများကို ကိုယ့်စိတ်ကြိုက်ရောစပ်သုံးစွဲခြင်းများမပြုလုပ်ပါနဲ့။

မြက်အုပ်စုပေါင်းများအတွက် ရွေးချယ်နိုင်သောဆေး Ai များမှာ- Cyhalofop butyl, Fenoxaprop-p-ethyl

၁ နှစ်ခံမြက်နှင့် မြက်မုန်ညင်းအချို့အတွက်- Bispyribac sodium

ရွက်ပြန့်ပေါင်းများအတွက် - Ethoxysulfuron, Phenoxsulam, 2,4D စတဲ့ဆေးအစွမ်းရှိပစ္စည်းများကိုရွေးချယ်အသုံးပြုနိုင်ပါတယ်။

ဆေးမဖျန်းခင် မိုးရွာသွန်းနိုင်ချေရှိ၊မရှိ သေချာစစ်ဆေးပေးပါ။ 

ငါးကန် ရေဩဇာကောင်းမွန်ရရှိစေရန် အကြံပြုချက်  

• ကန်အတွင်းသဘာဝအစာ ရရှိစေရန်အတွက် ကန်ပြင်ဆင်ခြင်းလုပ်ငန်းတွင် ထုံးကိုသတ်မှတ်နှုန်းထားအတိုင်း ထည့်သွင်းရန် လိုအပ်ပါသည်။  
• ထုံးပက် ရေသွင်းပြီး ကန်ရေ (၂)ပေရှိ ငါးမွေးကန် တစ်ဧကလျှင် ပုလဲ (၁၂)ပိသာ ၊တီစူပါ (၆)ပိဿာနှင့် ပိုတက်(၃)ပိဿာကို ရောပြီး နေပူချိန် မနက်ပိုင်းတွင် ကန်အတွင်းသို့ နေရာအနှံ့ပက်ပေးပါ။ (၃)၇က်မှ (၇)ရက်အကြာတွင် ကန်ရေသည် အစိမ်းနုရောင် (သို့မဟုတ်) စိမ်းဝါရောင်သို့ပြောင်းလဲလာပါလိမ့်မည်။  
• အဆိုပါ အခြေအနေတွင် ကန်အတွင်း သဘာဝအစာများပေါက်ဖွားလာခြင်း ဖြစ်ပါသည်။ သဘာဝအစာများ ပေါက်ဖွားခြင်းအတွက် နေရောင်ခြည်သည် အထူးအရေးကြီးပါသည်။ ထို့ကြောင့် နွေရာသီတွင် နေပူပြင်းသောကြောင့် အစာပေါက်ဖွားနှုန်း ပိုမိုကောင်းမွန်ပြီး အစိမ်းနုရောင်မှ အစိမ်းရင့်ရောင်သို့ အလျှင် အမြန်ပြောင်းလဲလာပါသည်။ မိုးရာသီတွင် နေအလင်းရောင် ရရှိမှုနည်းသောကြောင့် အစိမ်းနု ရောင်သာဖြစ်ပေါ်ပြီး မိုးအဆက်ရွာသွန်ပြီး၊‌ နေရောင်ခြည် ရရှိမှုနည်းခြင်းတို့ကြောင့်လည်း သဘာဝ အစာမပေါက်ဖွားနိုင်ဘဲ လုံးဝပျောက်ကွယ် သွားတတ်ပါသည်။  

-------------    

မိုးလေဝသအဖွဲ့ဝင်ရန် - https://htwettoe.com/organization/12    

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို    

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.    

သီးနှံပေါက်စျေးကြည့်ရှုနည်း_ https://htwettoe.com/post/50437