ရန်ကုန်တိုင်း ဩဂုတ်လ ၄ ရက် မှ ဩဂုတ်လ ၁၀ ရက်အထိ မိုးလေဝသအခြေအနေ

ယခု တပါတ်အတွင်း ဘင်္ဂလားပင်လယ်အော်နှင့် ကပ္ပလီပင်လယ်များနှင့် တောင်တရုတ်ပင်လယ်တို့တွင် ထူးခြားသောမိုးလေဝသဖြစ်စဉ်များ(လေဖိအားနည်းရပ်ဝန်း မုန်တိုင်းဖြစ်ပေါ်နိုင်ခြင်းမရှိပါ)။ ဩဂုတ်လ ၁၅-၁၆ ရက်များမှာ ဘင်္ဂလားပင်လယ်အော်မြောက်ပိုင်းတွင် လေဖိအားနည်းရပ်ဝန်း တစ်ကြိမ်ဖြစ်ပေါ်နိုင်ပြီး၊ မြောက်ဘက်(ဘင်္ဂလားဒေ့ရှ်နှင့် အိန္ဒိယနိုင်ငံနယ်စပ် ကမ်းရိုးတန်းဘက်)သို့ ဆက်လက်ရွေ့လျားနိုင်ပါတယ်။ ဒီတစ်ပါတ်အတွင်းမှာတော့ မုတ်သုံလေအား အသင့်အတင့်သာရှိနိုင်ပြီး ကချင်ပြည်နယ်နဲ့ စစ်ကိုင်းတိုင်းအထက်ပိုင်းတွေမှာသာလျှင် နေရာစိပ်စိပ်မိုးများနိုင်တာရှိပါမယ်။ 

·          ရန်ကုန်တိုင်းတစ်ခုလုံးမှာ အခုရက်သတ္တပါတ် ၁ ပါတ်အတွင်း မိုးအနည်းငယ်(၂၄ နာရီအတွင်း မိုးရေချိန် ၁ လက်မ အောက်)ရွာနိုင်ပါမယ်။ 

·          ပင်လယ်ကမ်းခြေနားနီးတဲ့ ရန်ကုန်တောင်ပိုင်းမြို့နယ်တွေမှာ ၇ ရက်အတွင်း မိုးရေချိန် ၅ လက်မခန့်အထိ ရွာသွန်းနိုင်ပြီး၊ ရန်ကုန်တိုင်းမြောက်ပိုင်းမြို့နယ်တွေမှာ ၇ ရက်အတွင်း မိုးရေချိန် ၄ လက်မခန့်၊ ရန်ကုန်မြို့တွင်းမြို့နယ်တွေမှာ ၇ ရက်အတွင်း မိုးရေချိန် ၃ လက်မအောက် ရွာသွန်းရရှိနိုင်ပါတယ်။ 

·          ယခု ၁ ပါတ်အတွင်း ရန်ကုန်တိုင်းတစ်ခုလုံးရဲ့ ပျမ်းမျှတိမ်ဖုံးအုပ်သည့်အခြေအနေ - နံနက်အစောပိုင်းတွင် ၄၀% ခန့်နှင့် မွန်းလွဲ/ညနေပိုင်းတွေမှာ ၉၀% ခန့် ရှိနိုင်ပါမယ်။ 

·         ရန်ကုန်တိုင်းအတွင်း တောင်/အနောက်တောင်အရပ်မှ လေတိုက်နှုန်း တစ်နာရီ ၁၅ မိုင်မှ မိုင်၂၀ အထိ တိုက်ခတ်နိုင်ပြီး၊ လေထုစိုထိုင်းဆ ၇၀% မှ ၁၀၀% ကြားတွင် ပြောင်းလဲနေနိုင်ပါတယ်။ 

·         အမြင့်ဆုံးနေ့အပူချိန် ၃၃°C နဲ့ အနိမ့်ဆုံးညအပူချိန် ၂၆°C ရှိနိုင်ပြီး၊ လေထုစိုထိုင်းဆမြင့်မား၍ လေငြိမ်နေချိန်များမှာ ခံစားရသည့်အပူချိန် ၃၉°C မှ ၄၀°C အထိရှိနိုင် ပူအိုက်နေနိုင်ပါတယ်။ 

·         ရန်ကုန်တိုင်းပင်လယ်ကမ်းရိုးတန်းအနီးပင်လယ်ပြင်မှာ တောင်-အနောက်တောင်ဘက်မှ လှိုင်းအမြင့် ၃ ပေခန့်ရှိနိုင်ပြီး လေတိုက်နှုန်းအမြင့်ဆုံး တနာရီ ၁၈ မိုင်ခန့်ရှိနိုင်ပါတယ်။ 

ရန်ကုန်တိုင်းရဲ့ လေထုညစ်ညမ်းမှုအညွှန်းကိန်း(AQI Value)က ၂၀ သာရှိမှာမို့ လေထုညစ်ညမ်းခြင်းမရှိပါ။ 

Win Naing 

Administration Team, 

MMWEATHER, 

https://www.mmweather.org/home

ရန်ကုန်တိုင်းဒေသကြီးအတွင်းရှိ မိုးစပါးစိုက်တောင်သူများထံသို့... 

စိုက်ပျိုးရေးဆိုင်ရာ အကြံပြုချက် 

• ရာသီဥတု ပူပြီး၊ စိုက်ခင်းရေများတဲ့အခြေအနေကြောင့်လည်း လက်ရှိဖြုတ်ပိုးကျနေတာ တွေ့ရသလို၊ ကျနိုင်ချေများတာကြောင့် စိုက်ခင်းကိုသေချာကွင်းဆင်းစစ်ဆေးဖို့ လိုပါတယ်။ 
• ဖြုတ်ပိုးက အပူချိန် ၃၄-၃၆ ဒီဂရီ၊ ပူအိုက်စိုစွတ်တဲ့အခြေအနေ၊ စိုက်ခင်းထဲစိုထိုင်းဆ( ၉၀-၁၀၀% ) နှင့် စပါးခင်းထဲရေအမြဲရှိတဲ့အခြေအနေကို ကြိုက်နှစ်သက်ပါတယ်။ 
• ပြီးတော့ ယူရီးယားပုလဲမြေဩဇာ(N) အလွန်အကျွံထည့်ခြင်းကိုရှောင်ပါ။ 
• ဖြုတ်ကျရောက်တာကိုတွေ့ပါက ရေထုတ်ပေးပါ။ လေကြောင်းခွဲပေးပါ။ 
• ရေထုတ်ပြီးမှ Buprofezin+Acetamiprid, Pymetrozine+ Nitnepyram, Fenobucarb+ Cyantraniliprole အဆင်ပြေရာကိုဖျန်းပေးပါ။ 
• ပိုတက်ရှ်(K)ကိုအဓိကထည့်ပေးပါ။  

ကန်ရေနှင့် ငါးသန်/ငါးသားပေါက် အသားကျအောင်ပြုလုပ်ခြင်းနှင့် ကန်တွင်းသို့ ထည်သွင်းခြင်း

ငါးသန်/ ငါးသား ပေါက်များ ထည့်ထားသည် ပလပ်စ တစ်အိတ်ကို ကန်ရေပြင်ပေါ်တွင် အနည်းဆုံး၁၅မိနစ် ခန့် ပေါလောအနေအထား ထားပေးပါ။ 

ထို့နောက် လက်နှစ်ဖက် (သို့) မတ်ခွက်ကိုအသုံးပြု၍ ကန်ထဲမှ ရေကို အိတ်ထဲသို့ ဖြည်းဖြည်းခြင်း ၁၁ -၁၅ မိနစ်ခန့် ထည့်ပါ။ ထို့နောက် အိတ်ကို အနည်းငယ် စောင်းပြီး ကန်ထဲမှရေကို အိတ်ထဲသို့ လက်ဖြင့်ယက် ထုတ်ပေးခြင်းဖြင့် ရေစီးကြောင်းအသွင် ဖြစ်ပေါ်စေပြီး ငါးသားပေါက်များ ယင်းရေစီးကြောင်းကို ဆန့်ကျင် ဖက်အနေအထားဖြင့် ကန်ထဲသို့ ကူးခတ်သွားမည်။ 

ထို့ကြောင့် ငါးမွေးမြူရေးနှင့်ပတ်သတ်ပြီး အကြံဉာဏ်ရယူလိုပါက ကောစင်တာနံပါတ် 09977910000 သို့ ဆက်သွယ်နိုင်ပါသည်။ 

------    

မိုးလေဝသအဖွဲ့ဝင်ရန် - https://htwettoe.com/organization/12    

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို 

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.    

သီးနှံပေါက်စျေးကြည့်ရှုနည်း_ https://htwettoe.com/post/50437